Frá­bær auka­spyrna Unal tryggði Bour­nemouth stig

Enes Unal tryggði Bournemouth 1-1 jafntefli með frábæru skoti beint úr aukaspyrnu á 90. mínútu.

Aðeins þremur mínútum áður hafði Lucas Paquetá komið West Ham yfir á vítapunktinum.

Vítið var dæmt fyrir hendi og eftir aðstoð myndbandsdómara. Chris Kavanagh var kallaður í skjáinn og dæmdi víti eftir að hafa skoðað atvikið sjálfur.

Bournemouth átti stigið skilið en liðið átti 29 skot í leiknum þar af níu á markið. Liðið óð í færum og þá sérstaklega í seinni hálfleiknum.

Lukasz Fabianski átti stórleik og varði átta skot í marki West Ham í kvöld. Hann átti þó ekki möguleika í frábært skot Unal úr aukaspyrnunni.

Leikurinn var annars bráðfjörugur þótt að mörkin hafi látið bíða eftir sér.

Stigið kemur Bournemouth upp fyrir Aston Villa og upp í sjötta sæti deildarinnar. West Ham er í fjórtánda sætinu þremur stigum á eftir Manchester United sem er í sætinu fyrir ofan.