Sluppu naum­lega með sigur gegn fallbaráttuliði

Real Madrid slapp naumlega með 3-2 sigur gegn fallbaráttuliðinu Leganes í 29. umferð spænsku úrvalsdeildarinnar. Kylian Mbappé og Jude Bellingham skoruðu mörk Madrídinga, sem eru nú jafnir Barcelona að stigum í efsta sæti deildarinnar.

Mbappé kom heimamönnum yfir af vítapunktinum eftir rúmlega hálftíma leik. Madrídingar voru enn að fagna markinu þegar Diego Garcia jafnaði leikinn fyrir gestina mínútu síðar. Daniel Raba setti svo annað mark rétt fyrir hálfleik og Espanyol leiddi í hlénu.

Skammt var hins vegar liðið af seinni hálfleik þegar Jude Bellingham jafnaði metin. Kylian Mbappé skoraði svo þegar fimmtán mínútur voru eftir og kom Real aftur yfir.

Madrídingar náðu svo að halda út þar til leiknum lauk með 3-2 sigri og þeir gátu fegnir fagnað þremur stigum.

Mikilvægum stigum sem setja liðið upp við hlið Barcelona í efsta sæti spænsku úrvalsdeildarinnar. Erkifjendurnir eilífu eru nú jafnir að stigum, en Börsungar eiga leik til góða gegn Girona á morgun.