Spyr um ábyrgð skólastjóra í stóra skómálinu Jakob Bjarnar skrifar 31. mars 2025 11:56 Inga Sæland ræddi lauslega mál Ásthildar Lóu og hennar afstaða var alveg klár: Fréttirnar voru settar fram til að ráðast að æru og meiða. vísir/vilhelm Formaður Flokks fólksins segir Ásthildi Lóu Þórsdóttur einfaldlega hafa sagt af sér til að koma í veg fyrir að ráðist yrði á sig og ríkisstjórnina í fjölmiðlum. Barnabarn hennar sem glataði skóm tímabundið í Borgarholtsskóla hafi ekki sótt skólann síðan fjallað var um símtal hennar við skólastjórann. Inga spyr um ábyrgð hans. Inga Sæland var í löngu samtali við þá bræður Egilssyni, Gunnar Smára og Sigurjón Magnús á Samstöðinni. Inga hefur ekki mikið tjáð sig um þau mál sem helst hafa verið í deiglunni og snúa að Flokki Fólksins, en það gerði hún en þó ekki fyrr en í lok klukkutíma viðtals. Inga var búin að fara yfir öll þau mál sem eru á hennar borði vel og vandlega og þar er gangur. Að hennar sögn eru öll mál á fleygiferð og gríðarlega góð og brosandi samstaða við ríkisstjórnarborðið þar sem fólk er samstiga og oft skellir fólk þar upp úr. „Vá hvað við erum að breyta miklu og vá hvað við elskum þjóðina okkar. Og hvað við eigum eftir að gera þetta samfélag betra, ég er þar,“ sagði Inga. Fyrstu fréttir til að ráðast á æru og meiða Það var ekki fyrr en undir lok viðtalsins sem þeir bræður sneru sér að því sem hefur verið mál málanna að undanförnu, þau sem leiddu til afsagnar Ásthildar Lóu Þórsdóttur fráfarandi barna- og menntamálaráðherra. Gunnar Smári sagði að fréttaflutingurinn hafi verið á þá vegu að Flokkur Fólksins hafi fengið óvægna umfjöllun í Morgunblaðinu og svo hafi RÚV skottast á eftir. „Já, það kom mér svolítið á óvart. Maður veltir fyrir sér, þar til að mynda fjölmiðill allra landsmanna, þarf enginn að axla ábyrgð á svona herferð og ósannindum sem voru settar fram með alhæfingarhætti á fimmtudagskvöldinu fyrir rúmri viku síðan.“ Finnst þér að einhver á Ríkisútvarpinu eigi að bera ábyrgð á því að fyrstu fréttir voru ekki sannleikanum samkvæmar? „Fyrstu fréttir af málinu eru til þess fallnar að ráðast að æru og meiða.“ Sagði af sér vegna hugsanlegs frekari fréttaflutnings En þá var ráðherra búinn að segja af sér, spurði Gunnar Smári? „Hún gerir það náttúrlega ekki fyrr en að hún veit það, fyrst var talið að fréttin ætti ekki að koma klukkan sjö en svo kom hún strax í Speglinum klukkan sex. Ég ætla ekki að verða þess valdandi að öll góðu málin sem ég er að vinna að falli í skuggann, öll fallegu málin okkar, um óhróðri um mig. Að fjölmiðlar keppist við að koma fram með óhróður um mig.“ Hefurðu heyrt eitthvað í henni, skaut Sigurjón inní? „Jájá, ég heyrði í henni í gær. Hún er bara áfram veginn. Hún er grjóthörð. Hún kemur aftur.“ Umsjónarmenn reifuðu að Ásthildur Lóa hafi sagt af sér áður en fyrstu fréttir voru sagðar? „Nei, það er nú svo margt sem er sagt í umræðunni. Nei, ástæðan fyrir því að hún ákveður að stíga til hliðar er náttúrlega bara þetta að hún sá fyrir hvernig umfjöllunin yrði. Hvernig yrði þetta ef maður segir ekki af sér, hvað gerist þá? Er maður hrakinn frá, af því að þá er farið reyna að grafa meira, gera eitthvað annað, búa til fleiri sögur, verð óvægnari og ómanneskjulegri í allri umræðu eins og við höfum oft séð.“ „Má ég ekki vera amma?“ Inga vatt þá kvæði sínu í kross og sagði athyglisvert að formaður stjórnskipunar- og eftirlitsnefnd væri enn að tala um samtal hennar við skólastjóra Borgarstjóra. Inga vildi setja spurningarmerki við framgöngu skólastjórans: „Auðvitað á hann ekki að tala um einkasamtal sem bitnar á nemandanum. Sá eini sem á ömmu sem er ráðherra! Að ég hefði ítök hjá lögreglunni? Hvers konar bull er þetta? Hverjum dettur þetta í hug? Hverju átti ég að hóta honum út af einhverjum skóm? Sextán árum eða ævilangt? Hvað átti ég að gera? Hvað var þetta eiginlega? Það er rúllað af stað með eitthvað. Þetta kom nú samt sem áður fram hjá vini mínum Jakob Bjarnari. Honum fannst Gróa á Leiti spennandi hvað þetta varðar. Ég hef aldrei kunnað við Gróu á Leiti. Aldrei nokkurn tímann.“ En þú áttir ekki að hringja? „Má ég ekki vera amma? Má ég ekki hjálpa drengnum, má ég ekki gera það? En ég verð að af-Ingu mig dálítið. Ákveðin hvatvísi sem ég verð að stilla mig um? En hafa einhvern tíma fjölmiðlar verið að skoða það hvort þessi ágæti skólastjóri braut trúnað gagnvart nemandanum? Og hvaða afleiðing það hefur að labba niður á kennarastofu og tjá sig yfir heilan hóp af kennurum um prívat samtal? Hefur einhver verið að tala um það. Bara af því að ég er ráðherra þá á ég að taka þetta á kassann.“ Drengurinn er að sögn Ingu ekki lengur í skólanum og hefur aldrei mætt í skólann eftir að málið kom upp. Hann ætlaði að verða pípari en það frestist fram á haust, að sögn Ingu. Flokkur fólksins Ríkisstjórn Kristrúnar Frostadóttur Barnamálaráðherra segir af sér Fjölmiðlar Mest lesið Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Innlent Kvikugangur talinn ná langleiðina að flugvallarstæði Hvassahrauns Innlent Hinir handteknu alveg ótengdir Innlent Erlendir ferðamenn gripnir glóðvolgir Innlent Stöðvuðu smygl á tuttugu þúsund Oxycontin-töflum Innlent Þurfa ekki að skila Stálskipaauðnum Innlent Þingkonur þjarma að heilbrigðisráðherra Innlent Lést í umferðarslysi við Álfabakka Innlent Alþingi hafi átt að vera upplýst Innlent Tuttugu og þrjár konur stíga fram og fórnarlömb raðnauðgara talin á sjöunda tug Erlent Fleiri fréttir Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Kvikugangur talinn ná langleiðina að flugvallarstæði Hvassahrauns Alþingi hafi átt að vera upplýst Stöðvuðu smygl á tuttugu þúsund Oxycontin-töflum Hinir handteknu alveg ótengdir Stjórnarformaður vísisjóðs nýr forseti Félagsvísindasviðs HÍ Engin virkni í sprungunni og umfangsmikil lögregluaðgerð Erlendir ferðamenn gripnir glóðvolgir Harma að upplýsingar hafi verið sendar út fyrir mistök Tveimur sleppt og þrír eftir í haldi Þingkonur þjarma að heilbrigðisráðherra Þurfa ekki að skila Stálskipaauðnum Furðar sig á undirritun án aðkomu Alþingis Vilja hagræða í Reykjavík og leita til borgarbúa Grindvíkingum hleypt inn í bæinn á ný Fimm ára nauðgunardómur stendur Boðar brottvísanir brotamanna og afnám átján mánaða reglu Handtökur hér á landi þegar stór barnaníðssíða var tekin niður Segir Viðreisn óforbetranlegan stjórnlyndisflokk Aðalmeðferð hafin í Menningarnæturmáli Bein útsending: Þjóðaröryggi – Íslendingar og hafið Stöðumælaverðir lausir við ákvörðun um sekt Svæðisstjóri Vegagerðarinnar sleginn vegna banaslyssins Möguleiki að kvikugangurinn opnist nærri Reykjanesbraut Möguleiki að gos hefjist norðanmegin en ólíklegt þó Af neyðarstigi og á hættustig 48 þúsund króna sekt fyrir að beita hund harðýðgi „Þetta er bara brandarakvöld“ Hafa núna skrifborð þar sem áður var flugstýri Meðalævilengd eykst milli ára og ungbarnadauði minnkar Sjá meira
Inga Sæland var í löngu samtali við þá bræður Egilssyni, Gunnar Smára og Sigurjón Magnús á Samstöðinni. Inga hefur ekki mikið tjáð sig um þau mál sem helst hafa verið í deiglunni og snúa að Flokki Fólksins, en það gerði hún en þó ekki fyrr en í lok klukkutíma viðtals. Inga var búin að fara yfir öll þau mál sem eru á hennar borði vel og vandlega og þar er gangur. Að hennar sögn eru öll mál á fleygiferð og gríðarlega góð og brosandi samstaða við ríkisstjórnarborðið þar sem fólk er samstiga og oft skellir fólk þar upp úr. „Vá hvað við erum að breyta miklu og vá hvað við elskum þjóðina okkar. Og hvað við eigum eftir að gera þetta samfélag betra, ég er þar,“ sagði Inga. Fyrstu fréttir til að ráðast á æru og meiða Það var ekki fyrr en undir lok viðtalsins sem þeir bræður sneru sér að því sem hefur verið mál málanna að undanförnu, þau sem leiddu til afsagnar Ásthildar Lóu Þórsdóttur fráfarandi barna- og menntamálaráðherra. Gunnar Smári sagði að fréttaflutingurinn hafi verið á þá vegu að Flokkur Fólksins hafi fengið óvægna umfjöllun í Morgunblaðinu og svo hafi RÚV skottast á eftir. „Já, það kom mér svolítið á óvart. Maður veltir fyrir sér, þar til að mynda fjölmiðill allra landsmanna, þarf enginn að axla ábyrgð á svona herferð og ósannindum sem voru settar fram með alhæfingarhætti á fimmtudagskvöldinu fyrir rúmri viku síðan.“ Finnst þér að einhver á Ríkisútvarpinu eigi að bera ábyrgð á því að fyrstu fréttir voru ekki sannleikanum samkvæmar? „Fyrstu fréttir af málinu eru til þess fallnar að ráðast að æru og meiða.“ Sagði af sér vegna hugsanlegs frekari fréttaflutnings En þá var ráðherra búinn að segja af sér, spurði Gunnar Smári? „Hún gerir það náttúrlega ekki fyrr en að hún veit það, fyrst var talið að fréttin ætti ekki að koma klukkan sjö en svo kom hún strax í Speglinum klukkan sex. Ég ætla ekki að verða þess valdandi að öll góðu málin sem ég er að vinna að falli í skuggann, öll fallegu málin okkar, um óhróðri um mig. Að fjölmiðlar keppist við að koma fram með óhróður um mig.“ Hefurðu heyrt eitthvað í henni, skaut Sigurjón inní? „Jájá, ég heyrði í henni í gær. Hún er bara áfram veginn. Hún er grjóthörð. Hún kemur aftur.“ Umsjónarmenn reifuðu að Ásthildur Lóa hafi sagt af sér áður en fyrstu fréttir voru sagðar? „Nei, það er nú svo margt sem er sagt í umræðunni. Nei, ástæðan fyrir því að hún ákveður að stíga til hliðar er náttúrlega bara þetta að hún sá fyrir hvernig umfjöllunin yrði. Hvernig yrði þetta ef maður segir ekki af sér, hvað gerist þá? Er maður hrakinn frá, af því að þá er farið reyna að grafa meira, gera eitthvað annað, búa til fleiri sögur, verð óvægnari og ómanneskjulegri í allri umræðu eins og við höfum oft séð.“ „Má ég ekki vera amma?“ Inga vatt þá kvæði sínu í kross og sagði athyglisvert að formaður stjórnskipunar- og eftirlitsnefnd væri enn að tala um samtal hennar við skólastjóra Borgarstjóra. Inga vildi setja spurningarmerki við framgöngu skólastjórans: „Auðvitað á hann ekki að tala um einkasamtal sem bitnar á nemandanum. Sá eini sem á ömmu sem er ráðherra! Að ég hefði ítök hjá lögreglunni? Hvers konar bull er þetta? Hverjum dettur þetta í hug? Hverju átti ég að hóta honum út af einhverjum skóm? Sextán árum eða ævilangt? Hvað átti ég að gera? Hvað var þetta eiginlega? Það er rúllað af stað með eitthvað. Þetta kom nú samt sem áður fram hjá vini mínum Jakob Bjarnari. Honum fannst Gróa á Leiti spennandi hvað þetta varðar. Ég hef aldrei kunnað við Gróu á Leiti. Aldrei nokkurn tímann.“ En þú áttir ekki að hringja? „Má ég ekki vera amma? Má ég ekki hjálpa drengnum, má ég ekki gera það? En ég verð að af-Ingu mig dálítið. Ákveðin hvatvísi sem ég verð að stilla mig um? En hafa einhvern tíma fjölmiðlar verið að skoða það hvort þessi ágæti skólastjóri braut trúnað gagnvart nemandanum? Og hvaða afleiðing það hefur að labba niður á kennarastofu og tjá sig yfir heilan hóp af kennurum um prívat samtal? Hefur einhver verið að tala um það. Bara af því að ég er ráðherra þá á ég að taka þetta á kassann.“ Drengurinn er að sögn Ingu ekki lengur í skólanum og hefur aldrei mætt í skólann eftir að málið kom upp. Hann ætlaði að verða pípari en það frestist fram á haust, að sögn Ingu.
Flokkur fólksins Ríkisstjórn Kristrúnar Frostadóttur Barnamálaráðherra segir af sér Fjölmiðlar Mest lesið Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Innlent Kvikugangur talinn ná langleiðina að flugvallarstæði Hvassahrauns Innlent Hinir handteknu alveg ótengdir Innlent Erlendir ferðamenn gripnir glóðvolgir Innlent Stöðvuðu smygl á tuttugu þúsund Oxycontin-töflum Innlent Þurfa ekki að skila Stálskipaauðnum Innlent Þingkonur þjarma að heilbrigðisráðherra Innlent Lést í umferðarslysi við Álfabakka Innlent Alþingi hafi átt að vera upplýst Innlent Tuttugu og þrjár konur stíga fram og fórnarlömb raðnauðgara talin á sjöunda tug Erlent Fleiri fréttir Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Kvikugangur talinn ná langleiðina að flugvallarstæði Hvassahrauns Alþingi hafi átt að vera upplýst Stöðvuðu smygl á tuttugu þúsund Oxycontin-töflum Hinir handteknu alveg ótengdir Stjórnarformaður vísisjóðs nýr forseti Félagsvísindasviðs HÍ Engin virkni í sprungunni og umfangsmikil lögregluaðgerð Erlendir ferðamenn gripnir glóðvolgir Harma að upplýsingar hafi verið sendar út fyrir mistök Tveimur sleppt og þrír eftir í haldi Þingkonur þjarma að heilbrigðisráðherra Þurfa ekki að skila Stálskipaauðnum Furðar sig á undirritun án aðkomu Alþingis Vilja hagræða í Reykjavík og leita til borgarbúa Grindvíkingum hleypt inn í bæinn á ný Fimm ára nauðgunardómur stendur Boðar brottvísanir brotamanna og afnám átján mánaða reglu Handtökur hér á landi þegar stór barnaníðssíða var tekin niður Segir Viðreisn óforbetranlegan stjórnlyndisflokk Aðalmeðferð hafin í Menningarnæturmáli Bein útsending: Þjóðaröryggi – Íslendingar og hafið Stöðumælaverðir lausir við ákvörðun um sekt Svæðisstjóri Vegagerðarinnar sleginn vegna banaslyssins Möguleiki að kvikugangurinn opnist nærri Reykjanesbraut Möguleiki að gos hefjist norðanmegin en ólíklegt þó Af neyðarstigi og á hættustig 48 þúsund króna sekt fyrir að beita hund harðýðgi „Þetta er bara brandarakvöld“ Hafa núna skrifborð þar sem áður var flugstýri Meðalævilengd eykst milli ára og ungbarnadauði minnkar Sjá meira