Íþróttir

Robbie Williams kaupir hlut í Port Vale

Söngvarinn geðþekki, Robbie Williams, hefur keypt umtalsverðan hlut í uppáhalds liðinu sínu í ensku knattspyrnunni, Port Vale. Félagið er skiljanlega ekki með sterka fjárhagsstöðu en forráðamenn liðsins voru mjög ánægðir með framlag söngvarans og töldu það bera vott um hve tryggur stuðningsmaður hann væri.

Sport 27.2.2006 17:32

Hefur áhuga á landsliðinu

Leo Beenhakker, þjálfari Trinidad & Tobago, lýsti því yfir í gær að hef kallið kæmi þá hefði hann áhuga á því að taka við enska landsliðinu í knattspyrnu. Samningur Beenhakker við Trinidad & Tobago rennur út eftir HM en eins og kunnugt er mun Sven-Göran Eriksson láta af störfum sem þjálfari Englands á sama tíma.

Sport 27.2.2006 17:58

Tekur Keane við fyrirliðabandinu?

Robbie Keane er talinn líklegasti leikmaðurinn í írska landsliðinu til að taka við stöðu fyrirliða eftir að Kenny Cunningham hætti að leika með landsliðinu. Keane er aðeins 25 ára gamall, en á að baki fjölda landsleikja. Í kvöld verður tilkynnt opinberlega hver tekur við fyrirliðabandinu á blaðamannafundi fyrir vináttuleik Svía og Íra.

Sport 27.2.2006 17:20

Beckham klár gegn Úrúgvæ

David Beckham, fyrirliði enska landsliðsins, hefur lofað að hann verði klár í slaginn með liðinu fyrir vináttuleikinn gegn Úrúgvæ á miðvikudagskvöldið, en hann fór meiddur af velli í háðlegu tapi Real Madrid gegn Mallorca í spænsku úrvalsdeildinni í gær.

Sport 27.2.2006 17:10

Ferguson ver ákvörðun sína

Sir Alex Ferguson hefur þótt ástæða til að verja þá ákvörðun sína að hafa Ruud van Nistelrooy á varamannabekknum í sigri liðsins á Wigan í úrslitaleik enska deildarbikarsins í gær.

Sport 27.2.2006 16:25

Roma sló metið

Lið Roma í ítölsku A-deildinni setti í gær met í deildinni þegar það vann 11. leikinn í röð. Ekki skemmdi fyrir að sigurinn kom einmitt gegn grönnum þeirra og erkifjendum í Lazio. Það voru Rodrigo Taddei og Alberto Aquilani sem skoruðu mörk Roma í 2-0 sigri liðsins, sem var án fyrirliða síns Francesko Totti sem er meiddur.

Sport 27.2.2006 16:03

Bannar knæpuferðir

Neil Warnock, stjóri 1. deildarliðs Sheffield United hefur brugðið á það ráð að banna leikmönnum liðsins að drekka á börum eftir að miðjumaðurinn Alan Quinn lenti í uppákomu á krá á dögunum. Bannið gengur þó ekki yfir alla áfengisdrykkju.

Sport 27.2.2006 15:44

Detroit lagði Cleveland

Sex leikir fóru fram í NBA deildinni í nótt. Detroit Pistons lagði Cleveland Cavaliers 90-78. Chauncey Billups skoraði 21 stig og gaf 8 stoðsendingar í liði Detroit, en LeBron James skoraði 22 stig fyrir Cleveland. Þetta var 5. sigur Detroit í röð.

Sport 27.2.2006 15:16

Snæfell vann grannaslaginn

Heil umferð var á dagskrá í Iceland Express deild karla í körfubolta í kvöld. Snæfellingar lögðu granna sína í Skallagrími í Borgarnesi 79-64, Fjölnir lagði Grindavík í hörkuleik 99-98, Hamar/Selfoss lagði Hauka í Hafnarfirði 83-74, Keflavík vann þór 93-87, KR vann ÍR 88-87 og Njarðvík burstaði Hött 120-77 í Njarðvík.

Sport 26.2.2006 21:27

Við töpuðum fyrir heimsklassa liði

Paul Jewell, knattspyrnustjóri Wigan, viðurkenndi að lið hans hefði einfaldlega mætt ofjörlum sínum í úrslitaleik enska deildarbikarsins í dag. Fyrirliði Wigan var þó ekki á sama máli og var hundfúll með 4-0 tapið.

Sport 26.2.2006 20:10

Tileinkuðu Smith sigurinn

Það vakti athygli að leikmenn Manchester United klæddust allir bolum sem á stóð "This is for Smudger" eftir að sigurinn í deildarbikarnum var í höfn í dag, en það var sérstök kveðja til Alan Smith sem meiddist illa á dögunum og gat ekki leikið með liðinu í dag.

Sport 26.2.2006 19:59

Rómarslagurinn í beinni í kvöld

Hinir fornu fjendur í Rómarborg Lazio og Roma eigast við í ítölsku A-deildinni í kvöld og verður leikurinn sýndur í beinni útsendingu á Sýn Extra klukkan 19:50. Það er jafnan heitt í kolunum þegar þessi lið mætast og til dæmis var allt á suðupunkti þegar liðin mættust síðast í deildinni.

Sport 26.2.2006 10:10

Manchester United deildarbikarmeistari

Manchester United er deildarbikarmeistari árið 2006 eftir verðskuldaðan 4-0 sigur á Wigan í úrslitaleik keppninnar í Cardiff í dag. Wayne Rooney skoraði tvö mörk, Cristiano Ronaldo eitt og Louis Saha eitt mark.

Sport 26.2.2006 16:58

Juve heldur sínu striki

Topplið Juventus vann í dag sigur á Lecce 3-1 í ítölsku A-deildinni í knattspyrnu. Juventus lenti reyndar undir í leiknum, en þeir Emerson, Kovac og Del Piero tryggðu liðinu sigur. AC Milan lagði Palermo á útivelli með mörkum frá Inzaghi og Shevchenko og Inter heldur þriðja sætinu eftir 3-1 sigur á Udinese. Juve hefur 10 stiga forskot á Milan á toppnum.

Sport 26.2.2006 16:50

United að klára dæmið

Manchester United er komið í 4-0 gegn Wigan í úrslitaleik enska deildarbikarsins. Það var Louis Saha sem kom United í 2-0 á 55. mínútu, Cristiano Ronaldo bætti við þriðja markinu aðeins fjórum mínútum síðar og Wayne Rooney gerði út um leikinn tveimur mínútum þar á eftir.

Sport 26.2.2006 16:19

Mallorca - Real Madrid í beinni í kvöld

Leikur Real Mallorca og Real Madrid í spænsku úrvalsdeildinni í knattspyrnu verður sýndur í beinni útsendingu á Sýn í kvöld og hefst útsending klukkan 17:50. Madrid er enn í baráttu um Meistaradeildarsæti í úrvalsdeildinni, en Mallorca hefur aftur gengið afleitlega og því hlýtur pressan að vera mikil á gestina að klára leikinn.

Sport 26.2.2006 09:53

United leiðir í hálfleik

Manchester United hefur yfir 1-0 gegn Wigan í úrslitaleik enska deildarbikarsins á Þúsaldarvellinum í Cardiff þegar flautað hefur verið til hálfleiks. Leikurinn hefur verið mjög fjörugur og skemmtilegur og það var Wayne Rooney sem skoraði mark United á 33. mínútu.

Sport 26.2.2006 15:52

Rooney kemur United yfir

Wayne Rooney hefur komið Manchester United yfir 1-0 gegn Wigan í úrslitaleik enska deildarbikarsins sem fram fer í Cardiff. Markið kom á 33. mínútu eftir varnarmistök hjá leikmönnum Wigan, en liðið missti markvörð sinn meiddan af velli snemma leiks. Það blæs því ekki byrlega fyrir nýliðana í úrvalsdeildinni sem stendur.

Sport 26.2.2006 15:33

Heiðar atkvæðamikill í tapi Fulham

Heiðar Helguson var heldur betur í eldlínunni í dag þegar lið hans Fulham tapaði fyrir Bolton á útivelli 2-1 í ensku úrvalsdeildinni. Heiðar kom sínum mönnum yfir í leiknum á 22. mínútu leiksins með góðum skalla, en varð svo fyrir því óláni að skora sjálfsmark undir lok fyrri hálfleiksins. Það var svo Kevin Nolan sem skoraði sigurmark Bolton í síðari hálfleiknum.

Sport 26.2.2006 15:01

Liverpool upp að hlið United

Liverpool hefur náð Manchester United að stigum í ensku úrvalsdeildinni efti að liðið lagði Manchester City 1-0 á Anfield í dag með marki frá Harry Kewell á 41. mínútu. Lið City lék með tíu menn síðustu 40. mínútur leiksins eftir að Joey Barton var rekinn af velli með sitt annað gula spjald.

Sport 26.2.2006 14:26

Mosley of mikið fyrir Vargas

"Sugar" Shane Mosley hafði betur á tæknilegu rothöggi í 10. lotu í bardaga sínum við Fernando Vargas í Las Vegas í nótt, en bardaginn var sýndur í beinni útsendingu á Sýn. Vargas sýndi hetjulega baráttu, en hann varð að játa sig sigraðan að hluta til vegna þess að vinstra auga hans var svo bólgið að hann sá ekki út um það.

Sport 26.2.2006 08:05

Liverpool yfir gegn Manchester City

Liverpool hefur yfir 1-0 gegn Manchester City á Anfield í fyrsta leik dagsins í ensku úrvalsdeildinni. Það var Ástralinn Harry Kewell sem skoraði mark Liverpool skömmu áður en flautað var til hálfleiks

Sport 26.2.2006 13:10

Heiðar í byrjunarliðinu gegn Bolton

Heiðar Helguson er í byrjunarliði Fulham sem heimsækir Bolton í ensku úrvalsdeildinni í fótbolta nú kl. 13:00. Heiðar hefur hægt og bítandi verið að ávinna sér reglulegt byrjunarliðssæti í liðinu á kostnað sóknarmannsins Collins John sem vermir varamannabekk liðsins í dag.

Sport 26.2.2006 12:46

Arenas jarðaði New York

Átta leikir fóru fram í NBA deildinni í nótt. Gilbert Arenas fór hamförum í liði Washington þegar það burstaði New York Knicks, Shaquille O´Neal var sjóðandi heitur gegn Seattle og Phoenix lagði Charlotte á heimavelli í hreint út sagt frábærum körfuboltaleik í beinni útsendingu á NBA TV.

Sport 26.2.2006 08:29

Kynþáttafordómar skyggðu á sigur Barca

Barcelona bar sigurorð af Real Zaragoza 2-0 í kvöldleiknum í spænsku úrvalsdeildinni í gærkvöldi, en fáránleg framkoma stuðningsmanna Zaragoza í garð framherjans Samuel Eto´o hjá Barcelona var til háborinnar skammar. Dómari leiksins og samherjar hans náðu naumlega að hindra að Eto´o gengi af leikvelli vegna kynþáttafordóma.

Sport 26.2.2006 07:45

Eriksson tilkynnir enska hópinn

Sven Göran Eriksson hefur tilkynnt 23-manna hópinn sem mætir Úrúgvæ í æfingaleik á Englandi á miðvikudaginn og þar eru talsverðar breytingar vegna þess að fjöldi fastamanna í liðinu eiga við meiðsli að stríða.

Sport 25.2.2006 20:09

Gummersbach í góðri stöðu

Þýska liðið Gummersbach er með sterka stöðu eftir fyrri leik sinn við spænska liðið Bidasoa í átta liða úrslitum EHF keppninnar í handbolta í dag, þar sem liðið sigraði 35-26. Guðjón Valur Sigurðsson skoraði 8 mörk í leiknum og Róbert Gunnarsson skoraði 5 mörk.

Sport 25.2.2006 20:39

Bayern á siglingu

Meistarar Bayern Munchen létu vonbrigðin gegn AC Milan í meistaradeildinni í vikunni ekki hafa áhrif á sig í dag þegar liðið malaði Frankfurt 5-2 og vann þar með 11. heimaleikinn í röð í deildinni. Michael Ballack og Paolo Guerrero skoruðu tvö mörk hvor og Claudio Pizzaro eitt og Bayern hefur þægilega forystu á toppi deildarinnar.

Sport 25.2.2006 20:03

Newcastle lagði Everton

Newcastle færði Everton fyrsta tapið á árinu í ensku úrvalsdeildinni í dag með 2-0 sigri á heimavelli sínum. Það var Nolberto Solano sem skoraði bæði mörk Newcastle. Bjarni Þór Viðarsson var á varamannabekk Everton í dag en kom ekki við sögu í leiknum.

Sport 25.2.2006 19:52

Zaragoza - Barcelona í beinni á Sýn

Leikur Real Zaragoza og Barcelona í spænsku úrvalsdeildinni í knattspyrnu verður sýndur í beinni útsendingu á sjónvarpsstöðinni Sýn klukkan 20:50 í kvöld. Zaragoza mun eflaust reyna að endurtaka leikinn frá því liðin mættust í spænska bikarnum fyrir mánuði, þegar Zaragoza sigraði 4-2 í hörkuleik en það var stærsta tap Barca á leiktíðinni.

Sport 25.2.2006 19:36