Innlent

OMX kauphallirnar og Kauphöll Íslands sameinast

Kauphöll Íslands og OMX Kauphöllin hafa undirritað viljayfirlýsingu um sameiningu. Ráðgert er að kaupin verði fullfrágengin í lok þessa árs. Með sameiningunni skapast ný tækifæri á hlutabréfamarkaði hér heima og erlendis.

Innlent 19.9.2006 12:08

Skattstjóri segist hafa hreinan skjöld

Skattstjórinn í Reykjavík segir embættið hafa algjörlega hreinan skjöld í aðkomu þess að tekjuathugun lífeyrissjóðanna á örorkulífeyrisþegum. Hann vill þó ekki tjá sig um einstök mál.

Innlent 19.9.2006 12:07

Laxaverð stendur í stað

Verð á laxi stóð í stað á erlendum mörkuðum í síðustu viku, samkvæmt upplýsingum norsku Hagstofunnar í dag. Laxaverðið hefur lækkað hratt í sjö vikur í röð en meðalverðið í síðustu viku stóð hins vegar í stað frá vikunni á undan.

Viðskipti innlent 19.9.2006 12:43

Frjálslyndir og Nýtt afl ræða sameiginlegt framboð

Frjálslyndir og Nýtt afl ræða nú þessa dagana hvort flokkarnir ætli að bjóða sameiginlega fram í næstu alþingiskosningum. Jón Magnússon, formaður Nýs afls, segir flokkana vera að ræða saman og að sameiginlegt framboð sé tvímælalaust sinn vilji og hafi verið það frá því fyrir síðustu þingkosningar.

Innlent 19.9.2006 12:14

Sólveig gefur ekki kost á sér aftur

Sólveig Pétursdóttir, forseti Alþingis, ætlar ekki að gefa kost á sér til áframhaldandi þingsetu samkvæmt heimildum NFS. Sólveig var fyrst kosin á þing árið 1991 en þar á undan var hún varaþingmaður.

Innlent 19.9.2006 12:07

Meginlínur samkomulags liggja fyrir

Forsætisráðherra vonast til að hægt verði að kynna samkomulag Íslendinga og Bandaríkjamanna í varnarviðræðum fyrir helgi og í síðasta lagi eftir helgi. Meginlínur liggja þegar fyrir.

Innlent 19.9.2006 11:58

Velti bíl og tengivagni í Ártúnsbrekku

Ökumaður dráttarbíls með tengivagni slapp lítið sem ekkert meiddur þegar bíllinn og vagninn ultu neðarlega í Ártúnsbrekku í Reykjavík á tólfta tímanum í morgun. Svo vel vildi til að engin annar bíll var nálægur rétt þegar slysið varð.

Innlent 19.9.2006 11:55

Vinstri - grænir í Reykjavík ákveða framboðsmál

Vinstri - grænir í Reykjavík halda í kvöld fund þar sem afgreidd verður tillaga um fyrirkomulag á forvali fyrir komandi alþingiskosningar. Tillagan gerir ráð fyrir sameiginlegu forvali í Reykjavíkurkjördæmunum tveimur og Suðvesturkjördæmi þann 11. nóvember.

Innlent 19.9.2006 11:10

Brenndist við að fylla á kveikjara

Maður brenndist á hendi og var næstu búinn að kveikja í húsi sínu, þegar hann var að setja kveikjarabensín á Sippó-kveikjarann sinn í húsi í Smáíbúðahverfinu í Reykjavík í nótt. Reykur var í íbúðinni þegar slökkviliðið kom á vettvang og var maðurinn fluttur á slysadeild þar sem í ljós kom að hann hafði hlotið annars stigs bruna en á litlu svæði þó.

Innlent 19.9.2006 10:06

Stúlka komin í leitirnar

Stúlkan sem lögreglan í Reykjavík lýsti eftir er komin í leitirnar. Það gerðist nú í morgun.

Innlent 19.9.2006 10:03

Vísitala byggingarkostnaðar hækkar um 11,4%

Vísitala byggingarkostnaðar hefur hækkað um 11,4 prósent síðustu tólf mánuði eftir því sem fram kemur í nýjum tölum Hagstofunnar. Vísitalan í október, reiknuð eftir verðlagi um miðjan september, er 352,3 stig og hækkar um 0,26 prósent frá fyrra mánuði.

Innlent 19.9.2006 09:39

Lýst eftir 16 ára stúlku

Lögreglan í Reykjavík lýsir eftir Aldísi Ósk Egilsdóttur sem er 16 ára að aldri. Hún er 172 cm á hæð með sítt, slétt dökkt hár og sterklega vaxin. Hún er íklædd grárri hettupeysu, svörtum frottebuxum og brúnum skóm. Lögreglan biður hana að gefa sig fram eða þá sem hafa séð til hennar eða viti um ferðir hennar, að hafa samband við lögreglu í síma 444 1100.

Innlent 19.9.2006 09:37

Framkvæmdir víða við þjóðveginn

Hvalfjarðargöngin verða lokuð yfir nóttina þessa viku fram á föstudag. Göngin verða lokuð fyrir umferð frá miðnætti til klukkan sex að morgni. Fleiri framkvæmdir eru víðar á þjóðvegum landsins en búast má við umferðartöfum við brúnna yfir Jökulsá á Breiðamerkursandi. Þá standa yfir brúarframkvæmdir á Djúpavegi við Selá í Hrútafirði. Umferð er beint um hjá leið en umferð verður að öllum líkindum hleypt um brúna 10. október næstkomandi.

Innlent 19.9.2006 08:35

Ferðamaður missti stjórn á bíl sínum

Ferðamaður missti stjórn á bifreið sinni sem valt eftir þjóðveginum í Eldhrauni í liðinni viku. Betur fór en á horfðist en ferðamaðurinn, sem var einn í bíl, hlaut minniháttar skrámur og gerði læknir að sárum hans á vettvangi. Þá voru tíu ökumenn kærðir fyrir of hraðan akstur í umdæmi lögeglunnar í Vestur-Skaftafellssýslu en sá sem hraðast ók mældist á 129 kílómetra hraða.

Innlent 19.9.2006 08:15

OMX kaupir Kauphöllina

OMX, sem á og rekur kauphallir á Norðurlöndunum og í Eystrasaltsríkjunum, og Eignarhaldsfélagið Verðbréfaþing hf. (EV), eigandi Kauphallar Íslands og Verðbréfaskráningar Íslands, hafa undirritað viljayfirlýsingu um kaup OMX á Eignarhaldsfélaginu Verðbréfaþingi hf.

Innlent 19.9.2006 09:08

Actavis lætur Barr um Pliva

Viðskipti innlent 19.9.2006 09:00

Tveggja kvenna og þriggja barna leitað í Noregi

Tveggja kvenna og þriggja barna er nú leitað í Telemark í Noregi en ekkert hefur til þeirra spurst síðan í gærkvöldi þegar þau lögðu af stað í fjallgöngu. Á fréttavef norska ríkissjónvarpsins er greint frá því að leit hafi staðið yfir síðan í nótt fimmmenningunum sem eru danskir ferðamenn. Björgunarsveitarmenn hafa fundið bílinn sem fólkið var á en fólkið er illa klætt og án matar. Aðstæður eru sagðar erfiðar á þessum slóðum til leitar.

Erlent 19.9.2006 07:52

Umferð beint um Hvalfjörðinn

Umferð var beint um Hvalfjörð í nótt þar sem göngin voru lokuð frá miðnætti til klukkan sex í morgun. Umferðin gekk vel að sögn lögreglu, en göngin verða lokuð þrjár næstu nætur til viðbótar, vegna viðhalds i þeim. Um síðustu helgi mældust umþaðbil hundrað bílar á of mikluk hraða í göngunum, en þar er hámarkshraði 70 kílómetrar á klukkustund. Sá sem hraðast fór var 40 kílómetrum yfir þeim mörkum.

Innlent 19.9.2006 07:20

Ökumaður vöruflutningabíls sofnaði undir stýri

Mildi þykir að stór vöruflutningabíll skuli hafa sveigt til hægri, en ekki til vinstri, á móti bíl úr þeirri átt, þegar hann hafnaði utan þjóðvegarins á milli Blönduóss og Skagastrandar undir kvöld í gær, eftir að ökumaður hans sofnaði undir stýri.

Innlent 19.9.2006 07:08

Fjórir létust þegar hús hrundu til grunna

Að minnsta kosti fjórir létust og fimm slösuðust þegar níu,- fjögra hæða byggingar, hrundu í Kína í fyrrinótt. Byggingarnar tengjast allar og var verið að ljúka við byggingu þeirra.

Erlent 19.9.2006 07:04

Þyrlan sótti danska ferðakonu

Ung dönsk ferðakona veiktist hastarlega í Þórsmörk í gærkvöldi og eftir samráð við lækna var ákeðið að óska eftir aðstoð þyrlu Landhelgisgæslunnar. Hún sótti konuna og lenti með hana við Borgarspítalann um klukkan ellefu í gærkvöldi. Ekki liggur fyrir hvað gekk að konunni, en hún mun ekki vera í lifshættu.

Innlent 19.9.2006 07:00

Brotist inn í félagsheimilið Árnes

Brotist var inn í félagsheimilið Árnes í uppsveitum Árnesssýslu í nótt og þaðan meðal annars stolið tölvum, skjávörpum, áfengi og lausafé. Ljóst er að þýfið nemur háum upphæðum og eru lögreglumenn frá Selfossi á vettvangi, en þjófarnir komust undan og munu engar beinar vísbendigar vera um það, hverjir þarna voru á ferð.

Innlent 19.9.2006 06:55

Réðust inn höfuðstöðvar ungverska ríkissjónvarpsins

Mikil átök brutust út milli mótmælenda og lögreglu í Ungverjalandi í nótt þegar hópur mótmælenda réðst inn í höfuðstöðvar ungverska ríkissjónvapsins. Þúsundir mótmælenda fjölmenntu á götum úti í borginn í gærkvöldi til að krefjast þess að forsætisráðherra landsins, Ferenc Gyurcsany, segði af sér, eftir að í ljós kom að forsætisráðherrann laug um efnahagsástandið í landinu stuttu fyrir kosningar í apríl.

Erlent 19.9.2006 06:51

Segir ekki við Símann að sakast

Framkvæmdastjóri Neyðarlínunnar segir ekki við Símann að sakast þó fjarskiptakerfi Landhelgisgæslunnar á Norðurlandi hafi rofnað á laugardag. Þingmaður vinstri grænna kennir einkavæðingu Símans um sambandsleysið og segir ótækt að öryggi landsmanna hafi verið einkavætt.

Innlent 18.9.2006 18:45

Utanríkisráðherra á allsherjarþing SÞ

Valgerður Sverrisdóttir, utanríkisráðherra, heldur í dag á 61. allsherjarþing Sameinuðu þjóðanna. Í tengslum við allsherjarþingið mun utanríkisráðherra meðal annars sitja fundi utanríkisráðherra Atlantshafsbandalagsríkja og utanríkisráðherra Norðurlanda. Ráðherra mun einnig sitja hádegisverðarfund ráðherra Atlantshafsbandalagsins og Evrópusambandsins.

Innlent 18.9.2006 17:09

Spá lægri verðbólgu

Greiningardeild Landsbankans spáir því að vísitala neysluverðs hækki um 0,4 prósent í október og muni 12 mánaða verðbólga því lækka úr 7,6 prósentum í 7,3 prósent. Á móti hækkunum á matvöru, fatnaði og þjónustu skiptir miklu lækkun eldsneytisverð.

Viðskipti innlent 18.9.2006 17:00

Gæsluvarðhald vegna meintrar nauðgunar fellt úr gildi

Hæstiréttur hefur fellt úr gildi gæsluvarðhaldsúrskurð yfir karlmanni sem sakaður er um að hafa nauðgað konu á heimili hans þann 10. september síðastliðinn.

Innlent 18.9.2006 16:55

Össur nýr þingflokksformaður Samfylkingarinnar

Össur Skarphéðinsson var í dag kjörinn þingflokksformaður Samfylkingarinnar á fundi þingflokksins á Hótel Glym í Hvalfirði fyrr í dag. Á fundinum voru Kristján L. Möller endurkjörinn varaformaður og Þórunn Sveinbjarnardóttir endurkjörin ritari þingflokksins.

Innlent 18.9.2006 16:39

Átta mánuðir fyrir kynferðisbrot gegn 12 ára stúlku

Tuttugu og þriggja ára karlmaður var í Héraðsdómi Reykjavíkur í dag dæmdur í átta mánaða fangelsi fyrir kynferðisbrot gegn tólf ára stúlku.

Innlent 18.9.2006 16:03

Refsingu fyrir líkamsárás frestað í tvö ár

Héraðsdómur Norðurlands vestra hefur frestað ákvörðun refsingar yfir 25 ára gamalli stúlku í tvö ár, en hún var sakfelld fyrir að hafa ráðist á aðra stúlku í félagsheimili Blönduóss í fyrra. Þau skilyrði eru sett að stúlkan haldi skilorð árin tvö.

Innlent 18.9.2006 15:44