Ítalski boltinn

Figo hefur ekki áhuga á Tottenham

Portúgalski vængmaðurinn Luis Figo hjá Inter Milan segist ekki vilja spila annarsstaðar í Evrópu og hafnar slúðri sem verið hefur á kreiki um að hann sé á leið til Tottenham á Englandi. "Ef ég held áfram að spila í Evrópu, verður það aðeins fyrir Inter og ég er ekki á leið til Portúgal eða Englands," sagði Figo, sem einnig hefur verið orðaður við lið í Saudi Arabíu.

Fótbolti 6.6.2007 16:51

Milan staðfestir áhuga sinn á Eto´o

Forráðamenn AC Milan staðfestu í dag að þeir hefðu mikinn áhuga á að kaupa sóknarmanninn Samuel Eto´o frá Barcelona í sumar. Þeir vísa hinsvegar á bug fregnum um að kaupin séu komin langt á veg og taka fram að ekkert verði gert í málinu fyrr en eftir að deildarkeppninni lýkur á Spáni.

Fótbolti 6.6.2007 13:48

Gildardino er falur hjá AC Milan

Adriano Galliani, varaforseti AC Milan, segir að framherjinn Alberto Gilardino sé falur fyrir 24 milljónir evra eða 2 milljarða króna. Gilardino skoraði 12 mörk fyrir Milan í A-deildinni í vetur en er ósáttur við hlutskipti sitt hjá liðinu og vill gjarnan breyta til.

Fótbolti 5.6.2007 17:09

Ramos orðaður við Manchester City

Eftir að Claudio Ranieri samdi við Juventus í gær hafa forráðamenn Manchester City snúið sér að að Juande Ramos, stjóra Sevilla, til að fylla í skarð Stuart Pearce. Ramos hefur stjórnað Sevilla í næstum því sex ár.

Fótbolti 5.6.2007 09:26

Ranieri búinn að taka við Juventus

Claudio Ranieri, sem sagði upp starfi sínu sem framkvæmdastjóri Parma í síðustu viku hefur verið ráðinn þjálfari Juventus. Þessi fyrrverandi stjóri Chelsea var sterklega orðaður við stjórastöðuna hjá Manchester City eftir að Stuart Pearce var sagt upp störfum.

Fótbolti 4.6.2007 14:54

Ranieri gæti verið á leiðinni til Juventus

Claudio Ranieri, sem nýlega sagði upp starfi sínu sem framkvæmdarstjóri Parma er núna sterklega inni í myndinni sem arftaki Didier Deschamps hjá Juventus ef eitthvað er að marka orð Giovanni Cobolli Gigli, forseti Juventus.

Fótbolti 3.6.2007 20:33

Vanden Borre að ganga til liðs við Fiorentina

Leikmaður Anderlecht í Hollandi, Anthony Vanden Borre hefur skrifað undir 5 ára samning við Fiorentina á Ítalíu. Vanden Borre er gríðarlega efnilegur varnarmaður og spilaði meðal annars 6 leiki fyrir Anderlecht Meistaradeild Evrópu á síðasta tímabili.

Fótbolti 3.6.2007 20:10

Juventus tapaði fyrir Bari

Juventus töpuðu fyrir Bari í dag 0-1 í næstsíðasta leik liðsins í Serie B. Það var Carrus sem skoraði markið fyrir heimamenn í Bari á 57. mínútu. Bari voru óheppnir að bæta ekki við öðru marki því að Ganci misnotaði vítaspyrnu á 87. mínútu eftir að Legrottaglie leikmaður Juventus var vikið af velli.

Fótbolti 3.6.2007 15:32

Ranieri hættur hjá Parma

Ítalska knattspyrnufélagið Parma hefur staðfest að að Claudio Ranieri sé hættur hjá félaginu. Getgátur hafa verið uppi um að hann taki við Manchester City ef að Thaksin Shinawatra nái að yfirtaka klúbbinn.

Fótbolti 31.5.2007 20:20

Júlio César framlengir við Inter

Markvörðurinn Júlio César hefur skrifað undir nýjan samning við Ítalíumeistara Inter Milan sem gildir til ársins 2012. César hefur spilað 13 landsleiki fyrir Brasilíumenn og spilaði 32 leiki fyrir Inter á leiktíðinni þar sem liðið hafði gríðarlega yfirburði í A-deildinni. Hann hefur átt fast sæti í liði Inter síðan hann gekk í raðir liðsins frá Chievo fyrir leiktíðina 2005/06.

Fótbolti 31.5.2007 18:00

Flachi í 16 mánaða bann

Ítalski knattspyrnumaðurinn Francesco Flachi fékk í dag 16 mánaða keppnisbann eftir að eiturlyfjapróf sýndu að hann hafði neytt kókaíns. Félag Flachis, Fiorentina, skýrði frá þessu í dag. Flachi, sem er 32 tveggja ára, mældist með kókaín í blóði sínu eftir leik við Inter Milan þann 28. janúar á þessu ári.

Fótbolti 31.5.2007 11:02

Crespo verður áfram hjá Inter

Argentínski framherjinn Hernan Crespo verður áfram lánsmaður hjá meisturum Inter Milan út næstu leiktíð. Crespo er 31 árs gamall og skoraði 14 mörk í A-deildinni á leiktíðinni. Hann er samningsbundinn Chelsea á Englandi, en fær að halda áfram á Ítalíu eins og hann hafði sjálfur óskað.

Fótbolti 30.5.2007 15:49

Ranieri óákveðinn

Claudio Ranieri þjálfari Parma á Ítalíu segist ekki hafa rætt við forráðamenn Manchester City með það fyrir augum að gerast næsti knattspyrnustjóri félagsins. Hann bjargaði Parma frá falli um síðustu helgi en hefur verið orðaður við félög víða í Evrópu. "Ég mun ræða við forráðamenn Parma á næstu dögum," sagði Ranieri, sem útilokar ekki að vera áfram hjá ítalska félaginu.

Fótbolti 29.5.2007 14:32

Juventus auglýsir eftir Lippi

Forráðamenn Juventus vilja ólmir að gamla brýnið Marcello Lippi taki við liðinu eftir að Didier Deschamps sagði starfi sínu lausu á dögunu. Lippi hefur áður verið hjá Juventus við góðan orðstír, en hann hefur verið í fríi síðan hann gerði Ítala að heimsmeisturum síðasta sumar. Aðstoðarþjálfarinn Giancarlo Corradini mun stýra Juventus í þeim tveimur leikjum sem liðið á eftir í B-deildinni í vor, en liðið hefur þegar tryggt sér sæti á meðal þeirra bestu á næstu leiktíð.

Fótbolti 28.5.2007 20:10

Keppni lauk á Ítalíu í dag

Í dag fór fram lokaumferðin í ítölsku A-deildinni í knattspyrnu. Chievo Verona þurfti að bíta í það súra epli að falla úr deildinni eftir sex ára veru meðal þeirra bestu, en Reggina, Siena og Parma unnu öll leiki sína og tryggðu sæti sitt.

Fótbolti 27.5.2007 17:40

Ancelotti lofar dularfullum risakaupum í sumar

Mikil spenna ríkir nú í Mílanó eftir ummæli sem Carlo Ancelotti þjálfari AC Milan lét falla á blaðamannafundi í gær. Þar upplýsti hann að félagið væri á góðri leið með að landa stórlaxi á leikmannamarkaðnum í sumar og sagði "heiminn fara á annan endann" ef hann gæfi upp hver leikmaðurinn væri.

Fótbolti 26.5.2007 18:40

Deschamps sagði af sér hjá Juventus

Franski þjálfarinn Didier Deschamps hefur sagt af sér hjá ítalska stórliðinu Juventus þrátt fyrir að hafa stýrt liðinu rakleitt upp í A-deildina í vetur eftir að liðið var fellt niður í B-deildina síðasta sumar. Heyrst hefur að Juventus ætli sér að reyna að lokka fyrrum landsliðsþjálfarann Marcello Lippi í starfið.

Fótbolti 26.5.2007 14:01

Roma vann ítalska bikarinn

Roma varð í dag ítalskur bikarmeistari eftir 2-1 tap gegn Inter Milan í síðari úrslitaleik liðanna í Mílanó. Roma vann 5-2 stórsigur í fyrri leiknum og vann því samanlagt 8-3. Inter komst í 2-0 á sex mínútna kafla í upphafi síðari hálfleiks með mörkum frá Cruz og Crespo, en Ivan Cordoba var vikið af leikvelli á 71. mínútu og eftir það minnkaði Simone Perrotta muninn fyrir Roma og tryggði liðinu bikarinn.

Fótbolti 17.5.2007 18:15

Juventus getur tryggt sig í A-deildina um helgina

Stórveldið Juventus á Ítalíu getur tryggt sér sæti meðal þeirra bestu á ný með útsigri á Arezzo í ítölsku B-deildinni um helgina, en þá verða reyndar þrjár umferðir eftir af keppninni. Það verður því aldrei þessu vant leikur í B-deildinni sem verður í sviðsljósinu á Ítalíu um helgina, því staða mála á toppnum í A-deildinni er þegar ráðin.

Fótbolti 17.5.2007 16:26

Roma valtaði yfir Inter

Roma er í góðri stöðu eftir fyrri úrslitaleik sinn við Inter Milan í ítalska bikarnum. Roma vann 6-2 stórsigur á Mílanóliðinu í dag. Totti, De Rossi og Perrota komu Roma í 3-0 eftir stundarfjórðung og Amantino Manchini og Panucci (2) bættu við mörkum. Hernan Crespo skoraði bæði mörk gestanna.

Fótbolti 9.5.2007 18:33

Costacurta mun aðstoða Ancelotti

Gamli refurinn Alessandro Costacurta hjá AC Milan mun gerast aðstoðarmaður Carlo Ancelotti þjálfara þegar hann leggur skóna á hilluna í sumar. Costacurta er 41 árs gamall og lék sinn fyrsta leik fyrir Milan árið 1986. Tveir aðrir af eldri leikmönnum liðsins, þeir Cafu og Paolo Maldini, hafa þegar gefið það út að þeir ætli að spila eitt ár í viðbót.

Fótbolti 7.5.2007 15:58

Inter heldur tryggð við Adriano

Forseti Ítalíumeistara Inter Milan segir félagið ekki ætla að selja framherjann Adriano þó hann hafi átt í miklum vandræðum á leiktíðinni. Adriano skoraði um tíma ekki mark í níu mánuði fyrir lið sitt og var í kjölfarið sæmdur "Gullnu Ruslatunnunni" sem eru verðlaun sem ítölsk útvapsstöð veitir fyrir lélegustu frammistöðuna á tímabilinu.

Fótbolti 3.5.2007 16:10

Maldini ætlar að halda áfram að spila

Ítalska knattspyrnugoðið Paolo Maldini hjá AC Milan hefur staðfest að hann sé hvergi nærri hættur að spila þó hann sé orðinn 38 ára gamall og ætlar að spila í það minnsta út næstu leiktíð. Hann fer væntanlega í hnéuppskurð eftir þessa leiktíð vegna meiðsla sem hann hlaut á dögunum, en annars er þessi frábæri varnarmaður í góðu formi.

Fótbolti 3.5.2007 13:31

Peruzzi hættur

Fyrrum landsliðsmarkvörðurinn Angelo Peruzzi hjá Lazio tilkynnti í dag að hann hefði spilað sinn síðasta leik fyrir félagið því hann ætli að leggja hanskana á hilluna. Peruzzi er 37 ára gamall og var í landsliði Ítala á HM í sumar. Hann lék sinn fyrsta leik fyrir Roma árið 1987 en náði besta árangri sínum með Juventus á síðasta áratug þar sem hann vann þrjá Ítalíutitla og báðar Evrópukeppnirnar. Hann spilaði 31 landsleik fyrir Ítala.

Fótbolti 30.4.2007 16:36

Buffon sagður á leið til AC Milan

Ítalskir fjölmiðlar greina frá því í dag að ítalski landsliðsmarkvörðurinn Gianluigi Buffon muni ganga til liðs við AC Milan frá Juventus í sumar. Buffon stóð við loforð sitt í vetur og spilaði með Juve í B-deildinni þar sem liðið er nálægt því að tryggja sér sæti á meðal þeirra bestu á ný.

Fótbolti 26.4.2007 14:48

Mancini verður áfram hjá Inter

Massimo Moratti, forseti nýkrýndra Ítalíumeistara í Inter Milan, kom öllum á óvart í gær þegar hann tilkynnti að þjálfarinn Roberto Mancini hefði framlengt samning sinn við félagið fyrir nokkru síðan. Moratti náðu að leyna fréttunum frá ítölskum fjölmiðlum, en staða Mancini hjá félaginu hafði alls ekki þótt örugg.

Fótbolti 23.4.2007 08:55

Inter tryggði sér ítalska meistaratitilinn

Inter tryggði sér í dag ítalska meistaratitilinn í knattspyrnu með því að leggja Siena af velli í dag. Á sama tíma tapaði Roma fyrir Atalanta sem þýðir að liðið á ekki lengur tölfræðilega möguleika á að ná Inter að stigum. AC Milan steig stórt skref í átt að sæti í forkeppni Meistaradeildarinnar með sínum fjórða sigurleik í röð.

Fótbolti 22.4.2007 14:54

Vieri höfðar mál á hendur Inter fyrir njósnir

Christian Vieri, leikmaður Atalanta, hyggst höfða mál á hendur Inter sem hann lék áður með fyrir að hafa látið njósna um hann. Vieri sakar forráðamenn Inter um að hafa ráðið einkaspæjara til þess að fylgjast með sér.

Fótbolti 20.4.2007 11:49

Adriano dæmdur í tveggja leika bann fyrir leikaraskap

Aganefnd ítölsku úrvalsdeildarinnar hefur dæmt brasilíska sóknarmanninn Adriano, leikmann Inter, í tveggja leikja bann fyrir leikaraskap. Adriano létt sig falla í vítateig Roma þegar hann reyndi að leika fram hjá Alexander Doni, markverði Roma, í leik liðanna á miðvikudag.

Fótbolti 20.4.2007 11:28

Sjö ítalskir dómarar reknir frá störfum

Ítalska dómarasambandið tilkynnti í dag að sjö aðaldómarar og tveir aðstoðardómarar hefðu verið reknir úr samtökunum vegna tengsla þeirra við nýtt spillingarmál sem verið hefur í rannsókn á Ítalíu. Þetta voru niðurstöður ítarlegrar rannsóknar sem gerð var á leikjum sem fram fóru í A-deildinni leiktíðina 2004-05. Þessi rannsókn var framkvæmd í framhaldi af þeirri sem varð til þess að Juventus var dæmt niður í B-deildina í sumar.

Fótbolti 19.4.2007 20:34