Þetta er svona brosbíll 13. október 2005 14:52 Grái Citroenbragginn hennar Ernu Hrannar Herbertsdóttur er sætur bíll sem fær fólk til að horfa á eftir sér. "Þetta er svona brosbíll. Fólk lyftir brúnum þegar það sér hann -- og brosir. Allt niður í smábörn. Hann er það mikið öðruvísi en þeir bílar sem algengastir eru á götunum," segir Erna Hrönn ánægð með gripinn og heldur áfram. "Ég varð voða kát þegar ég sá hann auglýstan síðastliðið sumar -- ég held bara að það hafi verið í Fréttablaðinu. Það var ekki fyrr en í júlí þannig að ég er svo til nýbyrjuð að taka hann til kostanna. Áður var hann í eigu Vestmannaeyings og hann á allan heiðurinn af því hvað hann lítur vel út að utan. Sætin eru orðin svolítið slitin en ég læt laga þau einhverntíma." Bíllinn er af árgerð 1988 en bara ekinn 56 þúsund kílómetra. Svo er hann með topplúgu og hægt að taka þakið niður. "Það var ansi þægilegt í sumarhitanum," segir eigandinn. Erna Hrönn starfar í eldhúsi Latabæjar og fer á brosbílnum í vinnuna þegar vel viðrar. Hún kveðst hafa látið sig dreyma um svona Citroenbragga frá því hún var ung stelpa úti í Frakklandi. "Ég hef alltaf verið veik fyrir þeim síðan enda er ofsalega gott að sitja í þeim, fjaðrabúnaðurinn er svo fínn. Svo eru þeir mjög léttir. Það er leikur fyrir eina manneskju að ýta þeim en það væri heldur ekki sniðugt að fara á slíkum bíl meðfram Hafnarfjallinu þegar mesta rokið er. Við ætlum að leggja þessum í vetur því hann er frekar óþéttur og kaldur og hentar ekki til vetraraksturs. Setjum hann því inn í skúr og lofum honum vera þar í 3-4 mánuði, þar til vorar á ný." Bílar Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Eva segir lífið betra með Kára Stefáns Lífið Íslendingar tilnefndir til Emmy-verðlauna Bíó og sjónvarp „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hildur Vala og Kjartan keyptu raðhús í Fossvogi Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
Grái Citroenbragginn hennar Ernu Hrannar Herbertsdóttur er sætur bíll sem fær fólk til að horfa á eftir sér. "Þetta er svona brosbíll. Fólk lyftir brúnum þegar það sér hann -- og brosir. Allt niður í smábörn. Hann er það mikið öðruvísi en þeir bílar sem algengastir eru á götunum," segir Erna Hrönn ánægð með gripinn og heldur áfram. "Ég varð voða kát þegar ég sá hann auglýstan síðastliðið sumar -- ég held bara að það hafi verið í Fréttablaðinu. Það var ekki fyrr en í júlí þannig að ég er svo til nýbyrjuð að taka hann til kostanna. Áður var hann í eigu Vestmannaeyings og hann á allan heiðurinn af því hvað hann lítur vel út að utan. Sætin eru orðin svolítið slitin en ég læt laga þau einhverntíma." Bíllinn er af árgerð 1988 en bara ekinn 56 þúsund kílómetra. Svo er hann með topplúgu og hægt að taka þakið niður. "Það var ansi þægilegt í sumarhitanum," segir eigandinn. Erna Hrönn starfar í eldhúsi Latabæjar og fer á brosbílnum í vinnuna þegar vel viðrar. Hún kveðst hafa látið sig dreyma um svona Citroenbragga frá því hún var ung stelpa úti í Frakklandi. "Ég hef alltaf verið veik fyrir þeim síðan enda er ofsalega gott að sitja í þeim, fjaðrabúnaðurinn er svo fínn. Svo eru þeir mjög léttir. Það er leikur fyrir eina manneskju að ýta þeim en það væri heldur ekki sniðugt að fara á slíkum bíl meðfram Hafnarfjallinu þegar mesta rokið er. Við ætlum að leggja þessum í vetur því hann er frekar óþéttur og kaldur og hentar ekki til vetraraksturs. Setjum hann því inn í skúr og lofum honum vera þar í 3-4 mánuði, þar til vorar á ný."
Bílar Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Eva segir lífið betra með Kára Stefáns Lífið Íslendingar tilnefndir til Emmy-verðlauna Bíó og sjónvarp „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hildur Vala og Kjartan keyptu raðhús í Fossvogi Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira