Innilokaðir í brennandi húsi

Sex slökkviliðsmenn eru fastir inni í bílastæðahúsi í bænum Gretzenbach í Sviss en eldur varð laus í húsinu í morgun. Slökkviliðsmennirnir urðu inniloka þegar þak hússins hrundi og að sögn talsmanns lögreglunnar í bænum eru líkurnar á því að mennirnir finnist á lífi orðnar hverfandi. Tíu slökkviliðsmenn voru inni í húsinu þegar þakið hrundi og sluppu þrír þeirra ómeiddir en einn var fluttur á sjúkrahús vegna mögulegrar reykeitrunar að því er Reuters greinir frá. 200 björgunarmenn vinna þessa stundina að björgun mannanna sex og er meðal annars notast við stórvirkar vinnuvélar til þess arna.