Krimmarnir í Miami mega gæta sín því lögreglan í Miami var að útskrifa stærsta lögregluþjón heimsins, Shaquille O"Neal. Shaq neitaði að sverja eiðinn með hinum lögreglumönnunum sem voru að útskrifast þar sem hann vildi ekki skyggja á stóra daginn þeirra.
Þess í stað sór hann eið inni á skrifstofu. Eins og gera má ráð fyrir er Shaq ekki í fullri vinnu hjá lögreglunni heldur er hann í "varaliðinu" ef svo má segja en þrátt fyrir það fær hann lögregluskjöld og hefur þar að auki fullan rétt til þess að bera skotvopn. Hann má einnig handtaka fólk.