Landfylling við Gufunes samþykkt

Skipulagsstofnun hefur fallist á fyrirhugaða gerð landfyllinga við vestan- og norðanvert Gufunes í Reykjavík með því skilyrði að framkvæmdir við gerð grjótvarnargarðs og þvergarða innan hans verði utan göngutíma laxfiska, þ.e. frá 1. maí til 30. september. Úrskurðað var samkvæmt lögum nr. 106/2000 um mat á umhverfisáhrifum. Í tilkynningu Skipulagsstofnunar kemur fram að kæra megi úrskurðinn til umhverfisráðherra en kærufrestur er til 16. febrúar næstkomandi.