Kosið um 23 þúsund manna byggð 5. október 2005 00:01 Í sameiningarkosningunum á laugardag taka íbúar við Eyjafjörð afstöðu til þess hvort tímabært sé að sameina öll sveitarfélögin á svæðinu, að undanskildum Grímseyjarhreppi. Þar með yrði til ríflega 23 þúsund manna samfélag við Eyjarfjörð þar sem um 70 prósent íbúanna búa á Akureyri. Stærsta sameiningarkosningin á laugardaginn, með tilliti til fjölda sveitarfélaga, snýst um sameiningu níu sveitarfélaga á Eyjafjarðarsvæðinu. Haldnir voru kynningarfundir í öllum sveitarfélögunum níu og var fundarsókn allgóð á flestum stöðunum. Síðasti kynningarfundurinn var haldinn á Akureyri í gærkvöld og var fundarsókn mjög dræm, en einungis 60 aftæplega 17 þúsund íbúum bæjarins mættu á fundinn. Samkvæmt viðhorfskönnun rannsóknarstofnunar Háskólans á Akureyri frá því í febrúar síðastliðnum nýtur hugmyndin um eitt sveitarfélag við Eyjafjörð meira fylgis á meðal íbúa þéttbýlisstaðanna fjögurra en í hinum fimm sveitarfélögunum þar sem byggð er dreifðari. Andstaðan við stórsameiningu í Eyjafirði virðist vera hvað mest í Eyjafjarðarsveit og Grýtubakkahreppi, en á Grenivík sem er í Grýtubakkahreppi er sagt að þeir sem hlynntir séu sameiningu fari með veggjum. Guðný Sverrisdóttir, sveitarstjóri Grýtubakkahrepps, segir að íbúar þar óttist mest að svæðið verði jaðarbyggð í þessu stóra sveitarfélagi. Dæmin hafi sýnt það að jaðarbyggðir líði fyrir stöðu sína og þjónusta hafi skerst þar. Grýtubakkahreppur eigi heilmiklar eignir í aflaheimildum og þær hafi verið nýttar til þess að byggja upp atvinnulífið á staðnum. Guðný segir enn fremur að dæmin hafi sýnt það að sveitarfélög hafi ekki legið á sínum aflaheimildum heldur yfirleitt selt þær. Það óttist íbúar á staðnum mest. Guðný segir að Grenvíkingar leiti mikið til Akureyrar nú þegar og henni finnist mjög gott að hafa bæinn í nágrenninu en bæjarfélögin þurfi ekkert endilega að ganga í eina sæng. Fjárhagsstaða sveitarfélaganna er misjöfn en verst er staðan í Ólafsfirðir, Dalvíkurbyggð, Siglufirði og Hörgárbyggð. Erfitt er hins vegar að meta til fulls fjárhagsstöðu sveitarfélaganna þar sem bókfærðar eignir kunna að vera aðrar en markaðsverð þeirra. Slagorð Akureyrarbæjar er: Öll lífsins gæði. Aðspurður, ef það sé satt og rétt, hvort Akureyringar hafi eftir einhverju að slægjast í kosningunum segir Kristján Þór Júlíusson, bæjarstjóri á Akureyri, að hann telji að það sé eftir töluverðu að slægjast fyrir alla íbúa svæðisins, að standa saman sem Eyfirðingar út á við og inn á við og halda málum sínum saman fram sem ein heild fremur en að vera með níu ólíkar, uppbrotnar skoðanir. Sófanías Antonsson, íbúi á Dalvík, segist aðspurður sáttur við að sameinast Akureyringum og telur að helsti ávinningur Dalvíkinga af sameiningunni verði á sviði fjármála, en fjárhagur Dalvíkur hefur verið erfiður. Ásrún Aðalsteinsdóttir, íbúi á Akureyri, segist ætla að hafna sameiningunni þar sem hún telji að litlu sveitarfélögin eigi ekki samleið með Akureyri. Hólmgeir Valdimarsson, íbúi í Eyjafjarðarsveit, segist aðspurður afar hlynntur sameiningu vegna þess að sameinaðir muni Eyfirðingar búa til enn öflugra sveitarfélag heldur en verði nokkurn tíma hægt að áorka í Eyjafjarðarsveit. Árið 1993 var gerð tilraun til stórsameiningar við Eyjafjörð. Þá voru Siglfirðingar ekki inni í myndinni. Í þeim kosningum samþykktu íbúar á Akureyri, í Arnarhreppi og Hrísey sameiningu en íbúar annarra sveitarfélaga við Eyjafjörð voru ekki tilbúnir að sameinast fyrir tólf árum. Fréttir Innlent Stj.mál Mest lesið Göngubrúin átti að vera tilbúin í síðasta lagi í sumar Innlent Ísraelar herja á miðborg Beirút Erlent Síðasta farþegaflug Air Atlanta á Boeing 747-júmbóþotunni Innlent Skjálftar að stærð 3,6 og 3,3 Innlent „Þetta er eiginlega bankahrun karlmennskunnar“ Innlent 105 ára og syngur í kór - Sérrí og Baileys eftir æfingu Innlent Foreldrar margoft kvartað undan hættulegum gatnamótum Innlent „Dapurleg framkoma“ fólks á vettvangi banaslyss umhugsunarefni Innlent Vegfarandinn er látinn Innlent Tvö innbrot í verslanir í dag Innlent Fleiri fréttir Bílnúmerin voru pappaspjöld vafinn í plastpoka Göngubrúin átti að vera tilbúin í síðasta lagi í sumar Síðasta farþegaflug Air Atlanta á Boeing 747-júmbóþotunni 105 ára og syngur í kór - Sérrí og Baileys eftir æfingu Foreldrar margoft kvartað undan hættulegum gatnamótum Skjálftar að stærð 3,6 og 3,3 Íbúar kalla eftir úrbótum á hættulegum gatnamótum við Sæbraut Tvö innbrot í verslanir í dag „Ég vil auðvitað klára kjörtímabilið“ „Þetta er eiginlega bankahrun karlmennskunnar“ Bæjarstjórinn óttast ekki fólksflótta úr Árborg Kveðst tilbúinn í kosningar þegar „þessi ríkisstjórn springur loksins“ „Dapurleg framkoma“ fólks á vettvangi banaslyss umhugsunarefni Maðurinn sem var stunginn enn á sjúkrahúsi Banaslys á Sæbraut og stofnun nýs stjórnmálaflokks Vegfarandinn er látinn Arnar Þór stofnar Lýðræðisflokkinn Staða karlmennskunnar, kosningavetur og átök í Mið-Austurlöndum Talaði fyrir „tveggja ríkja lausn“ á allsherjarþingi Þriðjungur þunglyndra náði fullum bata með „heilasjúkraþjálfun“ Hlaupið í rénum en gasmengun gæti verið á svæðinu Þoturnar sem flytja Íslendinga yfir Atlantshafið næstu áratugi Ekið á gangandi vegfaranda við Sæbraut Maður stunginn í brjóstkassann í nótt „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Sjá meira
Í sameiningarkosningunum á laugardag taka íbúar við Eyjafjörð afstöðu til þess hvort tímabært sé að sameina öll sveitarfélögin á svæðinu, að undanskildum Grímseyjarhreppi. Þar með yrði til ríflega 23 þúsund manna samfélag við Eyjarfjörð þar sem um 70 prósent íbúanna búa á Akureyri. Stærsta sameiningarkosningin á laugardaginn, með tilliti til fjölda sveitarfélaga, snýst um sameiningu níu sveitarfélaga á Eyjafjarðarsvæðinu. Haldnir voru kynningarfundir í öllum sveitarfélögunum níu og var fundarsókn allgóð á flestum stöðunum. Síðasti kynningarfundurinn var haldinn á Akureyri í gærkvöld og var fundarsókn mjög dræm, en einungis 60 aftæplega 17 þúsund íbúum bæjarins mættu á fundinn. Samkvæmt viðhorfskönnun rannsóknarstofnunar Háskólans á Akureyri frá því í febrúar síðastliðnum nýtur hugmyndin um eitt sveitarfélag við Eyjafjörð meira fylgis á meðal íbúa þéttbýlisstaðanna fjögurra en í hinum fimm sveitarfélögunum þar sem byggð er dreifðari. Andstaðan við stórsameiningu í Eyjafirði virðist vera hvað mest í Eyjafjarðarsveit og Grýtubakkahreppi, en á Grenivík sem er í Grýtubakkahreppi er sagt að þeir sem hlynntir séu sameiningu fari með veggjum. Guðný Sverrisdóttir, sveitarstjóri Grýtubakkahrepps, segir að íbúar þar óttist mest að svæðið verði jaðarbyggð í þessu stóra sveitarfélagi. Dæmin hafi sýnt það að jaðarbyggðir líði fyrir stöðu sína og þjónusta hafi skerst þar. Grýtubakkahreppur eigi heilmiklar eignir í aflaheimildum og þær hafi verið nýttar til þess að byggja upp atvinnulífið á staðnum. Guðný segir enn fremur að dæmin hafi sýnt það að sveitarfélög hafi ekki legið á sínum aflaheimildum heldur yfirleitt selt þær. Það óttist íbúar á staðnum mest. Guðný segir að Grenvíkingar leiti mikið til Akureyrar nú þegar og henni finnist mjög gott að hafa bæinn í nágrenninu en bæjarfélögin þurfi ekkert endilega að ganga í eina sæng. Fjárhagsstaða sveitarfélaganna er misjöfn en verst er staðan í Ólafsfirðir, Dalvíkurbyggð, Siglufirði og Hörgárbyggð. Erfitt er hins vegar að meta til fulls fjárhagsstöðu sveitarfélaganna þar sem bókfærðar eignir kunna að vera aðrar en markaðsverð þeirra. Slagorð Akureyrarbæjar er: Öll lífsins gæði. Aðspurður, ef það sé satt og rétt, hvort Akureyringar hafi eftir einhverju að slægjast í kosningunum segir Kristján Þór Júlíusson, bæjarstjóri á Akureyri, að hann telji að það sé eftir töluverðu að slægjast fyrir alla íbúa svæðisins, að standa saman sem Eyfirðingar út á við og inn á við og halda málum sínum saman fram sem ein heild fremur en að vera með níu ólíkar, uppbrotnar skoðanir. Sófanías Antonsson, íbúi á Dalvík, segist aðspurður sáttur við að sameinast Akureyringum og telur að helsti ávinningur Dalvíkinga af sameiningunni verði á sviði fjármála, en fjárhagur Dalvíkur hefur verið erfiður. Ásrún Aðalsteinsdóttir, íbúi á Akureyri, segist ætla að hafna sameiningunni þar sem hún telji að litlu sveitarfélögin eigi ekki samleið með Akureyri. Hólmgeir Valdimarsson, íbúi í Eyjafjarðarsveit, segist aðspurður afar hlynntur sameiningu vegna þess að sameinaðir muni Eyfirðingar búa til enn öflugra sveitarfélag heldur en verði nokkurn tíma hægt að áorka í Eyjafjarðarsveit. Árið 1993 var gerð tilraun til stórsameiningar við Eyjafjörð. Þá voru Siglfirðingar ekki inni í myndinni. Í þeim kosningum samþykktu íbúar á Akureyri, í Arnarhreppi og Hrísey sameiningu en íbúar annarra sveitarfélaga við Eyjafjörð voru ekki tilbúnir að sameinast fyrir tólf árum.
Fréttir Innlent Stj.mál Mest lesið Göngubrúin átti að vera tilbúin í síðasta lagi í sumar Innlent Ísraelar herja á miðborg Beirút Erlent Síðasta farþegaflug Air Atlanta á Boeing 747-júmbóþotunni Innlent Skjálftar að stærð 3,6 og 3,3 Innlent „Þetta er eiginlega bankahrun karlmennskunnar“ Innlent 105 ára og syngur í kór - Sérrí og Baileys eftir æfingu Innlent Foreldrar margoft kvartað undan hættulegum gatnamótum Innlent „Dapurleg framkoma“ fólks á vettvangi banaslyss umhugsunarefni Innlent Vegfarandinn er látinn Innlent Tvö innbrot í verslanir í dag Innlent Fleiri fréttir Bílnúmerin voru pappaspjöld vafinn í plastpoka Göngubrúin átti að vera tilbúin í síðasta lagi í sumar Síðasta farþegaflug Air Atlanta á Boeing 747-júmbóþotunni 105 ára og syngur í kór - Sérrí og Baileys eftir æfingu Foreldrar margoft kvartað undan hættulegum gatnamótum Skjálftar að stærð 3,6 og 3,3 Íbúar kalla eftir úrbótum á hættulegum gatnamótum við Sæbraut Tvö innbrot í verslanir í dag „Ég vil auðvitað klára kjörtímabilið“ „Þetta er eiginlega bankahrun karlmennskunnar“ Bæjarstjórinn óttast ekki fólksflótta úr Árborg Kveðst tilbúinn í kosningar þegar „þessi ríkisstjórn springur loksins“ „Dapurleg framkoma“ fólks á vettvangi banaslyss umhugsunarefni Maðurinn sem var stunginn enn á sjúkrahúsi Banaslys á Sæbraut og stofnun nýs stjórnmálaflokks Vegfarandinn er látinn Arnar Þór stofnar Lýðræðisflokkinn Staða karlmennskunnar, kosningavetur og átök í Mið-Austurlöndum Talaði fyrir „tveggja ríkja lausn“ á allsherjarþingi Þriðjungur þunglyndra náði fullum bata með „heilasjúkraþjálfun“ Hlaupið í rénum en gasmengun gæti verið á svæðinu Þoturnar sem flytja Íslendinga yfir Atlantshafið næstu áratugi Ekið á gangandi vegfaranda við Sæbraut Maður stunginn í brjóstkassann í nótt „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Sjá meira