Einbeitir sér að því að spila á Spáni

Framherjinn ungi Fernando Torres hjá Atletico Madrid segist upp með sér yfir áhuga Arsenal á að fá sig í sínar raðir, en tekur fram að það eina sem hann sé að hugsa um í augnablikinu sé að spila með félagsliði sínu og landsliði.

"Það eina sem ég hugsa um í dag er að spila fyrir Atletico og spænska landsliðið. Ég er upp með mér yfir áhuga Arsenal, því það er gott lið með góðan þjálfara, en núna er ég bara að hugsa um landsleikinn á morgun," sagði Torres í dag.