Ræður sálfræðing til að stappa stálinu í liðið

Steve McClaren hefur ráðið sálfræðing til að stappa stálinu í leikmenn enska landsliðsins. Sálfræðingurinn er fyrrum körfuboltaþjálfari og fyrirlesari og starfaði áður með McClaren hjá Manchester United og Middlesbrough. Honum er ætlað að efla sálrænan styrk enska liðsins, sem frægt er orðið fyrir að missa niður um sig buxurnar á mikilvægum augnablikum - enda hefur liðið til að mynda tapað fimm af sex síðustu vítakeppnum sínum á stórmótum frá árinu 1990.