Miðherjinn Shaquille O´Neal hjá Miami Heat er í síauknum mæli farinn að starfa sem lögreglumaður, en í fréttir frá Bandaríkjunum í gær herma að hann hafi verið til aðstoðar í misheppnaðri innrás í hús í Virginíufylki í síðasta mánuði.
Lögregla gerði húsleit hjá manni sem sakaður var um að framleiða barnaklám, en þegar allt kom til alls gerði lögreglan innrás í rangt hús. Talsmaður lögreglu staðfesti að O´Neal hefði tekið þátt í innrásinni, en miðherjinn sjálfur hefur vísað þessum tíðindum á bug.
O´Neal hefur lengi áformað að gerast lögreglumaður þegar ferli hans í körfuboltanum lýkur og ekki er langt síðan hann aðstoðaði við handtöku ofbeldismanns í Miami.
