Gefur kost á sér í 3.-5. sæti

Grímur Gíslason framkvæmdastjóri hefur ákveðið að gefa kost á sér í 3.-5. sæti í prófkjöri Sjálfstæðisflokksins í Suðurkjördæmi fyrir alþingiskosningarnar næsta vor.

Grímur er fæddur og uppalinn í Vestmannaeyjum og hefur starfað sem blaðamaður, kennari og verkefnisstjóri en starfar nú sem framkvæmdastjóri Atlas hf.

Grímur hefur verið virkur í störfum innan Sjálfstæðisflokksins frá unglingsaldri og sat meðal annars í stjórn Eyverja, félags ungra sjálfstæðismanna í Eyjum. Grímur situr nú í miðstjórn Sjálfstæðisflokksins.