Meistaradeildin: United og Arsenal áfram Eiríkur Stefán Ásgeirsson skrifar 7. nóvember 2007 21:43 Leikmenn United fagna marki Gerard Pique í kvöld. Nordic Photos / Getty Images Átta leikir fóru fram í Meistaradeild Evrópu í kvöld og urðu Manchester United og Arsenal fyrstu liðin sem tryggja sér sæti í 16-liða úrslitum. Barcelona er mjög nálægt sæti í 16-liða úrslitum eftir sigur á Glasgow Rangers. Eiður Smári Guðjohnsen kom inn á sem varamaður fyrir Andres Iniesta í kvöld en ekki mikið markvert gerðist þær 20 mínútur sem hann var inn á vellinum. Arsenal vann síðast lið Slavia Prag með sjö mörkum gegn engu en „varalið" Arsenal gerði markalaust jafntefli í Tékklandi í kvöld. Sigur hefði fleytt liðinu áfram í 16-liða úrslit. Stuttgart, Steaua Búkarest og Dynamo Kiev eru enn án stiga í keppninni eftir að hafa tapað sínum leikjum í kvöld. Thierry Henry horfir á eftir boltanum eftir baráttu við Alan Hutton, leikmann Rangers.Nordic Photos / Getty Images E-riðill: Barcelona - Rangers 2-0 Snemma var ljóst í hvað stefndi. Barcelona tók frumkvæðið í leiknum strax á fyrstu mínútu og á sjöttu mínútu kom fyrsta markið. Ronaldinho gaf boltann fyrir og Lionel Messi skallaði fyrir markið. Þá kom Thierry Henry á fleygiferð og kom boltanum yfir línuna, sennilega með hendinni. En markið var dæmt gott og gilt. Rangers reyndu að sækja en var lítt ágengt á vallarhelmingi Börsunga.Lionel Messi skoraði svo annað mark Börsunga eftir að hann fylgdi eftir skoti Ronaldinho sem var varið. Glæsileg sókn hjá Börsungum eins og liðið hefur svo oft áður sýnt. Eiður Smári kom inn á sem varamaður á 70. mínútu fyrir Andrés Iniesta en hann hafði snemma í síðari hálfleik fengið högg á vinstra hnéð. Rangers átti skæaðari sóknir á lokakaflanum en ógnuðu þó aldrei forystu Börsunga að einhverju ráði. Eiður Smári fékk ekki úr miklu að moða en leikurinn var nánast búinn þegar hann kom inn á. Barcelona er ekki enn komið áfram en þarf afar lítið til þess að tryggja sér sæti í 16-liða úrslitum keppninnar. Thomas Hitzlsperger er gáttaður á 4-2 tapi Stuttgart fyrir Lyon í kvöld.Nordic Photos / Bongarts Lyon - Stuttgart 4-2 Bæði liðin þurftu nauðsynlega á sigri að halda til að eiga enn von um að komast áfram upp úr riðlinum. Þeir frönsku byrjuðu betur en Hatem Ben Arfa kom þeim yfir strax á sjöttu mínútu.Kim Källstrom bætti um betur á fimmtándu mínútu en aðeins mínútu síðar minnkuðu Þjóðverjarnir muninn. Remy Vercoutre, markvörður Lyon, gerði sig sekan um slæm mistök er hann hélt ekki skoti Thomas Hitzlsperger langt utan af velli. Mario Gomez hirti frákastið og skoraði fyrir Stuttgart.Ben Arfa skoraði þriðja mark Lyon á 37. mínútu eftir sendingu Sidney Govou og þannig stóðu leikar í hálfleik. Gomez minnkaði þó muninn aftur í eitt mark á 56. mínútu og skömmu síðar fékk Hitzlsperger gullið tækifæri til að jafna metin. Stuttgart fékk vítaspyrnu en hann brenndi af. Vítaspyrnudómurinn var reyndar afar vafasamur en Vercoutre, markvörður Lyon, gerði vel og varði skot Hitzlsperger. En sigur Lyon var svo gulltryggður er Juninho skoraði fjórða mark Lyon á lokamínútu leiksins eftir góðan undirbúning Francios Clerc. Fyrir vikið er Stuttgart enn stigalaust í keppninni og Lyon á enn góðan möguleika til að komast áfram í keppninni. Staðan í E-riðli: 1. Barcelona - 10 stig (markatala: 7-0) 2. Rangers - 7 (5-3) 3. Lyon - 6 (6-8) 4. Stuttgart - 0 (3-10) F-riðill: Sporting - Roma 2-2 Manchester United þurfti að ná betri úrslitum en Sporting til að komast áfram í 16-liða úrslit og voru það því góð tíðindi þegar Marco Casetti kom Rómverjum yfir snemma leiks. En Liedson jafnaði metin fyrir Sporting á 22. mínútu og bætti svo um betur á 64. mínútu. Það reyndist þó ekki sigurmark leiksins því David Pizarro skoraði jöfnunarmark Rómverja á 89. mínútu og tryggði þar með sæti United í 16-liða úrslitunum.Cristiano Ronaldo fagnar marki sínu í kvöld með Louis Saha og Nani, til hægri.Nordic Photos / Getty ImagesManchester United - Dynamo Kiev 4-0 Þó nokkrar breytingar voru á liði United frá síðasta leik. Rio Ferdinand var hvíldur og Gerard Pique tók hans stað í vörninni. Þá kom Danny Simpson í byrjunarliðið í stað Wes Brown, Michael Carrick fyrir Owen Hargreaves, Nani fyrir Ryan Giggs og Darren Fletcher fyrir Anderson. United byrjaði betur í leiknum og Ronaldo og Tevez ógnuðu marki úkraínska liðsins snemma leiks. En það var varnarmaðurinn Pique sem þakkaði fyrir sig og skoraði fyrsta mark United með laglegum skalla. Michael Carrick skallaði að marki eftir hornspyrnu Cristiano Ronaldo en boltinn fór af Tevez og fyrir Pique sem skilaði knettinum örugglega í netið.Tevez bætti um betur skömmu síðar og var markið glæsilegt. Hann fékk knöttinn á eigin vallarhelmingi, stormaði upp völlinn og eftir laglegt samspil við Wayne Rooney skilaði hann knettinum í netið. Edwin van der Sar, markvörður United, meiddist í leiknum og kom Tomasz Kuszczak inn á í hans stað.Wayne Rooney skoraði svo þriðja mark United á 76. mínútu og Cristiano Ronaldo bætti við því fjórða á 88. mínútu. Varnarleikur gestanna var ekki upp á marga fiska í kvöld en það var Nani sem lagði upp mark Rooney en mark Ronaldo kom eftir glæsilegt einkaframtak. Feykiöruggur sigur hjá United og er liðið komið áfram í 16-liða úrslit keppninnar.Staðan í F-riðli:1. Manchester United - 12 stig (10-2) 2. Roma - 7 (6-4) 3. Sporting Lissabon - 4 (5-6) 4. Dynamo Kiev - 0 (3-12)Zlatan Ibrahimovic fagnar öðru marka sinna í kvöld ásamt liðsfélögum sínum í Inter.Nordic Photos / Getty ImagesG-riðill:Inter - CSKA Moskva 4-2 Þegar þessi lið mættust í Mosvku fyrir tveimur vikum náðu heimamenn forystunni en töpuðu leiknum á endanum. Í kvöld komst CSKA Moskva aftur yfir og í þetta sinn tveimur mörkum. Fyrst skoraði Jo á 23. mínútu og svo Vagner Love á 31. mínútu. En það entist í afar skamman tíma. Zlatan Ibrahimovic minnkaði muninn aðeins mínútu síðar og Esteban Cambiasso jafnaði svo metin á 34. mínútu. Þannig stóðu leikar allt þar til um miðjan síðari hálfleikinn að Cambiasso skoraði öðru sinni. Til að bæta gráu á svart fyrir Rússanna skoraði Ibrahimovic fjórða mark Inter á 75. mínútu. Sagan hafði því endurtekið sig, því miður fyrir lið CSKA Moskvu.Fenerbahce - PSV Eindhoven 2-0 Colin Kazim-Richards, fyrrum leikmaður Brighton og Sheffield United, kom Tyrkjunum yfir í fyrri hálfleik og Semih Senturk bætti um betur örskömmu síðar. Þar við stóð, tvö mörk með tveggja mínútna millibili og Fenerbahce fagnaði dýrmætum sigri.Fenerbahce og Inter standa vel að vígi en eru þó enn ekki 100% örugg um að komast áfram í 16-liða úrslit.Staðan í G-riðli:1. Inter - 9 stig (8-4) 2. Fenerbahce - 8 (5-2) 3. PSV Eindhoven - 4 (2-5) 4. CSKA Moskva - 1 (6-10)H-riðill: Steaua - Sevilla 0-2Renato kom Sevilla yfir í fyrri hálfleik og bætti svo við öðru í þeim síðari. Öruggur sigur hjá Spánverjunum í Búlgaríu.Theo Walcott var ekki á skotskónum í kvöld.Nordic Photos / Getty ImagesSlavia - Arsenal 0-0 Arsene Wenger gerði átta breytingar á liðinu sem gerði jafntefli við Manchester United í ensku úrvalsdeildinni um helgina. Lassana Diarra, Alex Song, Gilberto Silva, Denilson, Abou Diaby, Theo Walcott, Eduardo og Nicklas Bendtner komu í byrjunarliðið en þeir Manuel Almunia, Gael Glichy og William Gallas héldu sætum sínum. En Arsenal hefur gengið vel í Prag þar sem leikurinn fór fram í kvöld. Arsenal hefur unnið Spart Prag þrívegis undanfarin ár, þar á meðal í haust í undankeppni Meistaradeildarinnar. Það var kalt í veðri í Prag og það hafði greinilega sín áhrif. Arsenal var heppið að það lenti ekki undir í fyrri hálfleik en Zdenek Senkerik skallaði rétt yfir markið skömmu fyrir leikhlé. Senkerik átti svo aðra ágæta tilraun í síðari hálfleik en Almunia var vel á verði.Þar við sat og ekkert mark leit dagsins ljós í Prag. Ljósi punkturinn er þó sá að Arsenal dugði eitt stig til að komast áfram í 16-liða úrslit Meistaradeildarinnar.Staðan í H-riðli:1. Arsenal 10 stig (11-0) 2. Sevilla 9 (8-6) 3. Slavia 4 (4-12) 4. Steaua 0 (2-7) Meistaradeild Evrópu Mest lesið Selfoss fór með sigur af hólmi á Laugardalsvelli Íslenski boltinn „Komnir með miklu fleiri stig en ég átti von á“ Handbolti Dortmund kom til baka á meðan AC Milan og Chelsea unnu örugga sigra Fótbolti „Varnarleikurinn var skelfilegur” Handbolti Uppgjörið: Fram - Haukar 37-34 | Framarar gengu á lagið í síðari hálfleik Handbolti FH á toppinn eftir sigur í Garðabæ Handbolti Virtist ætla að vaða í samherja sinn Fótbolti Tryggvi Snær í riðlakeppni Evrópubikarsins Körfubolti Efast um dugnað og hugarfar Rashford Enski boltinn Ísak Bergmann kom Düsseldorf til bjargar Fótbolti Fleiri fréttir Selfoss fór með sigur af hólmi á Laugardalsvelli Dortmund kom til baka á meðan AC Milan og Chelsea unnu örugga sigra Ísak Bergmann kom Düsseldorf til bjargar Fótboltaráðstefna Norðurlanda í Reykjavík næsta vor Virtist ætla að vaða í samherja sinn Fram fær liðsstyrk úr Breiðholti „Þetta er dýrmætur tími og maður finnur hvað þetta skiptir mann miklu máli“ Gísli Gottskálk verðlaunaður með nýjum samningi Efast um dugnað og hugarfar Rashford Börsungar bannaðir í Belgrad vegna nasistafána Tímabilið búið hjá Rodri Hermann hættur með ÍBV Glódís mætir Arsenal, Juventus og Sædísi Segir að Xavi hafi látið Barcelona spila eins og Eibar Bestu guttarnir í Bestu deild karla Man United stefnir á að vinna ensku úrvalsdeildina árið 2028 Samherji Stefáns Teits kærður fyrir meint bit Engin vandræði þrátt fyrir að vera manni færri nær allan leikinn Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Birkir á leið til Vals á nýjan leik Kroos ætlaði að fara til United en svo var Moyes rekinn Afleitur Evrópuárangur Ten Hags upp á síðkastið Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Sjá meira
Átta leikir fóru fram í Meistaradeild Evrópu í kvöld og urðu Manchester United og Arsenal fyrstu liðin sem tryggja sér sæti í 16-liða úrslitum. Barcelona er mjög nálægt sæti í 16-liða úrslitum eftir sigur á Glasgow Rangers. Eiður Smári Guðjohnsen kom inn á sem varamaður fyrir Andres Iniesta í kvöld en ekki mikið markvert gerðist þær 20 mínútur sem hann var inn á vellinum. Arsenal vann síðast lið Slavia Prag með sjö mörkum gegn engu en „varalið" Arsenal gerði markalaust jafntefli í Tékklandi í kvöld. Sigur hefði fleytt liðinu áfram í 16-liða úrslit. Stuttgart, Steaua Búkarest og Dynamo Kiev eru enn án stiga í keppninni eftir að hafa tapað sínum leikjum í kvöld. Thierry Henry horfir á eftir boltanum eftir baráttu við Alan Hutton, leikmann Rangers.Nordic Photos / Getty Images E-riðill: Barcelona - Rangers 2-0 Snemma var ljóst í hvað stefndi. Barcelona tók frumkvæðið í leiknum strax á fyrstu mínútu og á sjöttu mínútu kom fyrsta markið. Ronaldinho gaf boltann fyrir og Lionel Messi skallaði fyrir markið. Þá kom Thierry Henry á fleygiferð og kom boltanum yfir línuna, sennilega með hendinni. En markið var dæmt gott og gilt. Rangers reyndu að sækja en var lítt ágengt á vallarhelmingi Börsunga.Lionel Messi skoraði svo annað mark Börsunga eftir að hann fylgdi eftir skoti Ronaldinho sem var varið. Glæsileg sókn hjá Börsungum eins og liðið hefur svo oft áður sýnt. Eiður Smári kom inn á sem varamaður á 70. mínútu fyrir Andrés Iniesta en hann hafði snemma í síðari hálfleik fengið högg á vinstra hnéð. Rangers átti skæaðari sóknir á lokakaflanum en ógnuðu þó aldrei forystu Börsunga að einhverju ráði. Eiður Smári fékk ekki úr miklu að moða en leikurinn var nánast búinn þegar hann kom inn á. Barcelona er ekki enn komið áfram en þarf afar lítið til þess að tryggja sér sæti í 16-liða úrslitum keppninnar. Thomas Hitzlsperger er gáttaður á 4-2 tapi Stuttgart fyrir Lyon í kvöld.Nordic Photos / Bongarts Lyon - Stuttgart 4-2 Bæði liðin þurftu nauðsynlega á sigri að halda til að eiga enn von um að komast áfram upp úr riðlinum. Þeir frönsku byrjuðu betur en Hatem Ben Arfa kom þeim yfir strax á sjöttu mínútu.Kim Källstrom bætti um betur á fimmtándu mínútu en aðeins mínútu síðar minnkuðu Þjóðverjarnir muninn. Remy Vercoutre, markvörður Lyon, gerði sig sekan um slæm mistök er hann hélt ekki skoti Thomas Hitzlsperger langt utan af velli. Mario Gomez hirti frákastið og skoraði fyrir Stuttgart.Ben Arfa skoraði þriðja mark Lyon á 37. mínútu eftir sendingu Sidney Govou og þannig stóðu leikar í hálfleik. Gomez minnkaði þó muninn aftur í eitt mark á 56. mínútu og skömmu síðar fékk Hitzlsperger gullið tækifæri til að jafna metin. Stuttgart fékk vítaspyrnu en hann brenndi af. Vítaspyrnudómurinn var reyndar afar vafasamur en Vercoutre, markvörður Lyon, gerði vel og varði skot Hitzlsperger. En sigur Lyon var svo gulltryggður er Juninho skoraði fjórða mark Lyon á lokamínútu leiksins eftir góðan undirbúning Francios Clerc. Fyrir vikið er Stuttgart enn stigalaust í keppninni og Lyon á enn góðan möguleika til að komast áfram í keppninni. Staðan í E-riðli: 1. Barcelona - 10 stig (markatala: 7-0) 2. Rangers - 7 (5-3) 3. Lyon - 6 (6-8) 4. Stuttgart - 0 (3-10) F-riðill: Sporting - Roma 2-2 Manchester United þurfti að ná betri úrslitum en Sporting til að komast áfram í 16-liða úrslit og voru það því góð tíðindi þegar Marco Casetti kom Rómverjum yfir snemma leiks. En Liedson jafnaði metin fyrir Sporting á 22. mínútu og bætti svo um betur á 64. mínútu. Það reyndist þó ekki sigurmark leiksins því David Pizarro skoraði jöfnunarmark Rómverja á 89. mínútu og tryggði þar með sæti United í 16-liða úrslitunum.Cristiano Ronaldo fagnar marki sínu í kvöld með Louis Saha og Nani, til hægri.Nordic Photos / Getty ImagesManchester United - Dynamo Kiev 4-0 Þó nokkrar breytingar voru á liði United frá síðasta leik. Rio Ferdinand var hvíldur og Gerard Pique tók hans stað í vörninni. Þá kom Danny Simpson í byrjunarliðið í stað Wes Brown, Michael Carrick fyrir Owen Hargreaves, Nani fyrir Ryan Giggs og Darren Fletcher fyrir Anderson. United byrjaði betur í leiknum og Ronaldo og Tevez ógnuðu marki úkraínska liðsins snemma leiks. En það var varnarmaðurinn Pique sem þakkaði fyrir sig og skoraði fyrsta mark United með laglegum skalla. Michael Carrick skallaði að marki eftir hornspyrnu Cristiano Ronaldo en boltinn fór af Tevez og fyrir Pique sem skilaði knettinum örugglega í netið.Tevez bætti um betur skömmu síðar og var markið glæsilegt. Hann fékk knöttinn á eigin vallarhelmingi, stormaði upp völlinn og eftir laglegt samspil við Wayne Rooney skilaði hann knettinum í netið. Edwin van der Sar, markvörður United, meiddist í leiknum og kom Tomasz Kuszczak inn á í hans stað.Wayne Rooney skoraði svo þriðja mark United á 76. mínútu og Cristiano Ronaldo bætti við því fjórða á 88. mínútu. Varnarleikur gestanna var ekki upp á marga fiska í kvöld en það var Nani sem lagði upp mark Rooney en mark Ronaldo kom eftir glæsilegt einkaframtak. Feykiöruggur sigur hjá United og er liðið komið áfram í 16-liða úrslit keppninnar.Staðan í F-riðli:1. Manchester United - 12 stig (10-2) 2. Roma - 7 (6-4) 3. Sporting Lissabon - 4 (5-6) 4. Dynamo Kiev - 0 (3-12)Zlatan Ibrahimovic fagnar öðru marka sinna í kvöld ásamt liðsfélögum sínum í Inter.Nordic Photos / Getty ImagesG-riðill:Inter - CSKA Moskva 4-2 Þegar þessi lið mættust í Mosvku fyrir tveimur vikum náðu heimamenn forystunni en töpuðu leiknum á endanum. Í kvöld komst CSKA Moskva aftur yfir og í þetta sinn tveimur mörkum. Fyrst skoraði Jo á 23. mínútu og svo Vagner Love á 31. mínútu. En það entist í afar skamman tíma. Zlatan Ibrahimovic minnkaði muninn aðeins mínútu síðar og Esteban Cambiasso jafnaði svo metin á 34. mínútu. Þannig stóðu leikar allt þar til um miðjan síðari hálfleikinn að Cambiasso skoraði öðru sinni. Til að bæta gráu á svart fyrir Rússanna skoraði Ibrahimovic fjórða mark Inter á 75. mínútu. Sagan hafði því endurtekið sig, því miður fyrir lið CSKA Moskvu.Fenerbahce - PSV Eindhoven 2-0 Colin Kazim-Richards, fyrrum leikmaður Brighton og Sheffield United, kom Tyrkjunum yfir í fyrri hálfleik og Semih Senturk bætti um betur örskömmu síðar. Þar við stóð, tvö mörk með tveggja mínútna millibili og Fenerbahce fagnaði dýrmætum sigri.Fenerbahce og Inter standa vel að vígi en eru þó enn ekki 100% örugg um að komast áfram í 16-liða úrslit.Staðan í G-riðli:1. Inter - 9 stig (8-4) 2. Fenerbahce - 8 (5-2) 3. PSV Eindhoven - 4 (2-5) 4. CSKA Moskva - 1 (6-10)H-riðill: Steaua - Sevilla 0-2Renato kom Sevilla yfir í fyrri hálfleik og bætti svo við öðru í þeim síðari. Öruggur sigur hjá Spánverjunum í Búlgaríu.Theo Walcott var ekki á skotskónum í kvöld.Nordic Photos / Getty ImagesSlavia - Arsenal 0-0 Arsene Wenger gerði átta breytingar á liðinu sem gerði jafntefli við Manchester United í ensku úrvalsdeildinni um helgina. Lassana Diarra, Alex Song, Gilberto Silva, Denilson, Abou Diaby, Theo Walcott, Eduardo og Nicklas Bendtner komu í byrjunarliðið en þeir Manuel Almunia, Gael Glichy og William Gallas héldu sætum sínum. En Arsenal hefur gengið vel í Prag þar sem leikurinn fór fram í kvöld. Arsenal hefur unnið Spart Prag þrívegis undanfarin ár, þar á meðal í haust í undankeppni Meistaradeildarinnar. Það var kalt í veðri í Prag og það hafði greinilega sín áhrif. Arsenal var heppið að það lenti ekki undir í fyrri hálfleik en Zdenek Senkerik skallaði rétt yfir markið skömmu fyrir leikhlé. Senkerik átti svo aðra ágæta tilraun í síðari hálfleik en Almunia var vel á verði.Þar við sat og ekkert mark leit dagsins ljós í Prag. Ljósi punkturinn er þó sá að Arsenal dugði eitt stig til að komast áfram í 16-liða úrslit Meistaradeildarinnar.Staðan í H-riðli:1. Arsenal 10 stig (11-0) 2. Sevilla 9 (8-6) 3. Slavia 4 (4-12) 4. Steaua 0 (2-7)
Meistaradeild Evrópu Mest lesið Selfoss fór með sigur af hólmi á Laugardalsvelli Íslenski boltinn „Komnir með miklu fleiri stig en ég átti von á“ Handbolti Dortmund kom til baka á meðan AC Milan og Chelsea unnu örugga sigra Fótbolti „Varnarleikurinn var skelfilegur” Handbolti Uppgjörið: Fram - Haukar 37-34 | Framarar gengu á lagið í síðari hálfleik Handbolti FH á toppinn eftir sigur í Garðabæ Handbolti Virtist ætla að vaða í samherja sinn Fótbolti Tryggvi Snær í riðlakeppni Evrópubikarsins Körfubolti Efast um dugnað og hugarfar Rashford Enski boltinn Ísak Bergmann kom Düsseldorf til bjargar Fótbolti Fleiri fréttir Selfoss fór með sigur af hólmi á Laugardalsvelli Dortmund kom til baka á meðan AC Milan og Chelsea unnu örugga sigra Ísak Bergmann kom Düsseldorf til bjargar Fótboltaráðstefna Norðurlanda í Reykjavík næsta vor Virtist ætla að vaða í samherja sinn Fram fær liðsstyrk úr Breiðholti „Þetta er dýrmætur tími og maður finnur hvað þetta skiptir mann miklu máli“ Gísli Gottskálk verðlaunaður með nýjum samningi Efast um dugnað og hugarfar Rashford Börsungar bannaðir í Belgrad vegna nasistafána Tímabilið búið hjá Rodri Hermann hættur með ÍBV Glódís mætir Arsenal, Juventus og Sædísi Segir að Xavi hafi látið Barcelona spila eins og Eibar Bestu guttarnir í Bestu deild karla Man United stefnir á að vinna ensku úrvalsdeildina árið 2028 Samherji Stefáns Teits kærður fyrir meint bit Engin vandræði þrátt fyrir að vera manni færri nær allan leikinn Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Birkir á leið til Vals á nýjan leik Kroos ætlaði að fara til United en svo var Moyes rekinn Afleitur Evrópuárangur Ten Hags upp á síðkastið Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Sjá meira