Ronaldo er ekki á heimleið

Ítalska félagið AC Milan hefur sent frá sér yfirlýsingu þar sem þeim orðrómi er neitað að brasilíski sóknarmaðurinn Ronaldo sé á leið heim til Brasilíu.

Fjölmiðlar hafa sagt að Ronaldo sé að fara að ganga til liðs við Flamengo en AC Milan segir það ekki satt. Ronaldo hefur aðeins leikið einn leik með Milan á tímabilinu vegna meiðsla.

Ronaldo eyddi jólunum í Brasilíu og út frá því fóru sögurnar af stað. Samningur hans við AC Milan rennur út næsta sumar.