Óvænt tap Sevilla gegn Gimnastic á Spáni

Sevilla mistókst að komast fram yfir Barcelona og á topp spænsku úrvalsdeildarinnar þegar liðið tapaði mjög óvænt fyrir einu af neðstu liðum deildarinnar, Gimntastic, með einu marki gegn engu. Þetta var fyrsta tap Sevilla í síðustu átta leikjum í spænsku deildinni.

Sveilla er þó áfram með jafnmörg stig og Barcelona, eða 50. Barca er hins vegar með hagstæðari markatölu. Real Madrid er í þriðja sæti og Valencia, sem á leik til góða í kvöld, er í því fjórða.