Ragnar: Hélt að tímabilið væri búið Eiríkur Stefán Ásgeirsson skrifar 5. desember 2007 18:19 Ragnar hefur farið á kostum í frönsku úrvalsdeildinni. Nordic Photos / AFP Ragnar Óskarsson verður frá næsta mánuðinn að minnsta kosti vegna hnémeiðsla. Batahorfur eru þó betri en hann óttaðist fyrirfram. „Ég fékk slæmt högg á hnéð í leik á föstudaginn," sagði Ragnar við Vísi. „Ég fór í skoðun í gær og var ég búinn að búa mig undir það versta. Ég hélt að krossbandið væri slitið, ég þyrfti að fara í aðgerð og að tímabilið væri búið. En sem betur fer reyndist þetta ekki svo slæmt." Ragnar verður engu að síður frá næsta mánuðinn, að minnsta kosti, þar sem það tognaði á krossbandinu. „Þetta er mun betri niðurstaða en ég bjóst við." Hann leikur með franska úrvalsdeildarliðinu USAM Nimes og missir af næstu þremur leikjum liðsins í deildinni og einum bikarleik. Eftir það fer deildin í frí fram yfir EM í Noregi. „Ég ætla að sjá til hvernig ég verð eftir um það bil mánuð. Vonandi get ég byrjað að æfa aftur þá og spilað svo með liðinu í febrúar." Um er að ræða sama krossband sem slitnaði í sama hné fyrir sex árum síðan. Þá lék hann með Dunkurque í sömu deild. „Þetta var mjög slæmt högg sem ég fékk og kom það mér á óvart að krossbandið skyldi ekki hafa farið algjörlega. En hversu vel það heldur nú verður bara að koma í ljós. Ég fer vonandi á næstu dögum til Dunkurque þar sem læknirinn sem gerði aðgerðina á sínum tíma ætlar að kíkja á mig. Hann þekkir þetta auðvitað manna best." Ragnar sagði að aðgerðin hafi heppnast mjög vel á sínum tíma og eftir átta mánaða endurhæfingu hafi hann ekkert fundið fyrir meiðslunum. Íslendingaslagur í kvöld Ragnar hefur staðið sig gríðarlega vel á tímabilinu í Frakklandi og er markahæsti leikmaður deildarinnar. Hann er lykilmaður í liði Nimes sem er í efri hluta deildarinnar. Montpellier og Chambery eru í nokkrum sérflokki á toppnum en nokkur lið koma í einum hnapp eftir þeim og er Nimes eitt af þeim. „Tímabilið hefur byrjað virkilega vel hjá mér og það hefur verið góður stígandi í liðinu. Ef við vinnum í kvöld verðum við búnir að styrkja okkar stöðu mjög vel." Nimes mætir hinu Íslendingaliðinu í frönsku deildinni, St. Raphael, á heimavelli sínum í kvöld. Með því leikur Bjarni Fritzson sem er gamall ÍR-ingur, rétt eins og Ragnar. „Það er auðvitað mjög svekkjandi að missa af þessum leik, rétt eins og öllum hinum. En það er alveg ljóst að við megum helst ekki tapa í kvöld." Ragnar á bekk íslenska landsliðsins í leik á HM í Þýskalandi í janúar síðastliðnum.Nordic Photos / AFP Alltaf tilbúinn í landsleiki Ragnar var ekki valinn í landsliðið nú á haustdögum þrátt fyrir að hafa staðið sig vel með félagsliði sínu. „Það kom mér ekki á óvart," sagði hann. „Ekki vegna frammistöðu minnar heldur þess sem á undan hefur gengið. Ég myndi vel skilja Alfreð ef hann væri orðinn þreyttur á mér," sagði hann og hló. „Fyrst þegar hann valdi mig var ég að gifta mig, svo var ég ekki með á HM þar sem við vorum að eignast barn. Svo eftir það var ég ekki algjörlega heill og ég bað hann um að velja annan í minn stað." Hann segir að það sé allt í góðu milli sín og landsliðsþjálfarans, Alfreðs Gíslasonar. „Ég væri ekki lengi að svara kallinu játandi ef það kæmi aftur. Það er alltaf heiður að spila með landsliðinu en ef ég er ekki valinn skil ég það mjög vel. Það eru margir frábærir leikmenn í landsliðinu." Ragnar hefur aldrei náð sínu besta fram í landsleikjum sínum þrátt fyrir að hafa átt góðu gengi að fagna með félagsliðum sínum. „Ég spila stórt hlutverk með liðinu mínu hér þar sem ég spila yfirleitt í sextíu mínútur og af sjálfsöryggi. Ég má líka gera nokkuð mörg mistök og nýt þannig meira trausts. Í landsliðinu eru góðir menn í öllum stöðum og maður hefur kannski bara tíu mínútur til að sanna sig. Mér hefur kannski ekki gengið nægilega vel að nýta þær mínútur sem ég hef fengið með landsliðinu en þótt þær séu fáar hef ég fengið mörg tækifæri." Hann segir þó að hann sé alls ekki búinn að útiloka það að spila aftur með landsliðinu. „Ef landsliðið þarf einhvern tímann á mér að halda er ég alltaf klár." Handbolti Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn KR kærir og segir KSÍ mismuna félögum Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Frakkar rétt sluppu inn í átta liða úrslitin Sjá meira
Ragnar Óskarsson verður frá næsta mánuðinn að minnsta kosti vegna hnémeiðsla. Batahorfur eru þó betri en hann óttaðist fyrirfram. „Ég fékk slæmt högg á hnéð í leik á föstudaginn," sagði Ragnar við Vísi. „Ég fór í skoðun í gær og var ég búinn að búa mig undir það versta. Ég hélt að krossbandið væri slitið, ég þyrfti að fara í aðgerð og að tímabilið væri búið. En sem betur fer reyndist þetta ekki svo slæmt." Ragnar verður engu að síður frá næsta mánuðinn, að minnsta kosti, þar sem það tognaði á krossbandinu. „Þetta er mun betri niðurstaða en ég bjóst við." Hann leikur með franska úrvalsdeildarliðinu USAM Nimes og missir af næstu þremur leikjum liðsins í deildinni og einum bikarleik. Eftir það fer deildin í frí fram yfir EM í Noregi. „Ég ætla að sjá til hvernig ég verð eftir um það bil mánuð. Vonandi get ég byrjað að æfa aftur þá og spilað svo með liðinu í febrúar." Um er að ræða sama krossband sem slitnaði í sama hné fyrir sex árum síðan. Þá lék hann með Dunkurque í sömu deild. „Þetta var mjög slæmt högg sem ég fékk og kom það mér á óvart að krossbandið skyldi ekki hafa farið algjörlega. En hversu vel það heldur nú verður bara að koma í ljós. Ég fer vonandi á næstu dögum til Dunkurque þar sem læknirinn sem gerði aðgerðina á sínum tíma ætlar að kíkja á mig. Hann þekkir þetta auðvitað manna best." Ragnar sagði að aðgerðin hafi heppnast mjög vel á sínum tíma og eftir átta mánaða endurhæfingu hafi hann ekkert fundið fyrir meiðslunum. Íslendingaslagur í kvöld Ragnar hefur staðið sig gríðarlega vel á tímabilinu í Frakklandi og er markahæsti leikmaður deildarinnar. Hann er lykilmaður í liði Nimes sem er í efri hluta deildarinnar. Montpellier og Chambery eru í nokkrum sérflokki á toppnum en nokkur lið koma í einum hnapp eftir þeim og er Nimes eitt af þeim. „Tímabilið hefur byrjað virkilega vel hjá mér og það hefur verið góður stígandi í liðinu. Ef við vinnum í kvöld verðum við búnir að styrkja okkar stöðu mjög vel." Nimes mætir hinu Íslendingaliðinu í frönsku deildinni, St. Raphael, á heimavelli sínum í kvöld. Með því leikur Bjarni Fritzson sem er gamall ÍR-ingur, rétt eins og Ragnar. „Það er auðvitað mjög svekkjandi að missa af þessum leik, rétt eins og öllum hinum. En það er alveg ljóst að við megum helst ekki tapa í kvöld." Ragnar á bekk íslenska landsliðsins í leik á HM í Þýskalandi í janúar síðastliðnum.Nordic Photos / AFP Alltaf tilbúinn í landsleiki Ragnar var ekki valinn í landsliðið nú á haustdögum þrátt fyrir að hafa staðið sig vel með félagsliði sínu. „Það kom mér ekki á óvart," sagði hann. „Ekki vegna frammistöðu minnar heldur þess sem á undan hefur gengið. Ég myndi vel skilja Alfreð ef hann væri orðinn þreyttur á mér," sagði hann og hló. „Fyrst þegar hann valdi mig var ég að gifta mig, svo var ég ekki með á HM þar sem við vorum að eignast barn. Svo eftir það var ég ekki algjörlega heill og ég bað hann um að velja annan í minn stað." Hann segir að það sé allt í góðu milli sín og landsliðsþjálfarans, Alfreðs Gíslasonar. „Ég væri ekki lengi að svara kallinu játandi ef það kæmi aftur. Það er alltaf heiður að spila með landsliðinu en ef ég er ekki valinn skil ég það mjög vel. Það eru margir frábærir leikmenn í landsliðinu." Ragnar hefur aldrei náð sínu besta fram í landsleikjum sínum þrátt fyrir að hafa átt góðu gengi að fagna með félagsliðum sínum. „Ég spila stórt hlutverk með liðinu mínu hér þar sem ég spila yfirleitt í sextíu mínútur og af sjálfsöryggi. Ég má líka gera nokkuð mörg mistök og nýt þannig meira trausts. Í landsliðinu eru góðir menn í öllum stöðum og maður hefur kannski bara tíu mínútur til að sanna sig. Mér hefur kannski ekki gengið nægilega vel að nýta þær mínútur sem ég hef fengið með landsliðinu en þótt þær séu fáar hef ég fengið mörg tækifæri." Hann segir þó að hann sé alls ekki búinn að útiloka það að spila aftur með landsliðinu. „Ef landsliðið þarf einhvern tímann á mér að halda er ég alltaf klár."
Handbolti Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn KR kærir og segir KSÍ mismuna félögum Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Frakkar rétt sluppu inn í átta liða úrslitin Sjá meira