Góður sigur hjá GOG

Danska liðið GOG vann í dag mikilvægan 24-23 útsigur á Skjern í toppbaráttu úrvalsdeildarinnar. Vignir Svavarsson skoraði 3 mörk fyrir Skjern en Snorri Steinn Guðjónsson var með 2 fyrir gestina.

FCK er í efsta sæti deildarinnar og hefur þegar tryggt sér deildarmeistaratitilinn. FCK hefur 40 stig, Arhus hefur 34 stig í öðru og GOG 32 í þriðja sætinu. Bjerringbro er í fjórða sæti með 31 stig, Skjern 30 og Kolding 29, en fjögur efstu liðin í deildinni komast í úrslitakeppnina um titilinn.