Sonko til liðs við Stoke

Stoke hefur keypt Ibrahima Sonko frá Reading en kaupverðið er talið vera í kringum tvær milljónir punda. Sonko stóðst læknisskoðun í dag og skrifaði svo undir þriggja ára samning.

Þessi senegalski varnarmaður gekk til liðs við Reading frá Brentford 2004. Hann er sjöundi leikmaðurinn sem Stoke kaupir í sumar.

Tony Scholes, stjórnarmaður Stoke, segir á opinberri vefsíðu félagsins að mikil ánægja sé með komu Sonko enda sé þar á ferð góður leikmaður með úrvalsdeildar-reynslu.