Deco fyllir skarð Eiðs Smára

Mikil ánægja ríkir yfir komu Portúgalans Deco inn í herbúðir Chelsea. Þeir Joe Cole og Luiz Felipe Scolari eru sérstaklega kátir yfir því að fá þennan skapandi miðjumann inn í liðið.

Í Daily Telegraph í dag er aft er eftir enska landsliðsmanninum Joe Cole að í Deco sé kominn leikstjórnandi sem Chelsea hafi ekki haft í herbúðum liðsins síðan Eiður Smári Guðjohnsen fór til Barcelona á sínum tíma.

Scolari knattspyrnustjóri er líka ánægður með Deco, enda þekkir hann vel til leikmannsins eftir að hafa stýrt honum með portúgalska landsliðinu um árabil.

"Deco er með sérstakan leikstíl sem bætir leikmennina sem í kring um hann eru. Ég er bæði með leikmenn í liðinu sem tryggja að það spili skemmtilega knattspyrnu og um leið árangursríka," sagði Scolari.