HM-samantekt: Jafntefli hjá Þýskalandi og Rússlandi Eiríkur Stefán Ásgeirsson skrifar 18. janúar 2009 12:24 Það var hart tekið á Pascal Hens og félögum í þýska landsliðinu í gær. Nordic Photos / AFP Fá óvænt úrslit voru á fyrsta keppnisdegi heimsmeistaramótsins í handknattleik sem hófst í Króatíu í fyrrakvöld. Vísir tekur saman það helsta sem gerðist á fyrsta keppnisdegi. Evrópsku liðin voru áberandi í gær og unnu flest sína leiki gegn liðum sem voru ekki frá Evrópu. Eina undantekningin er sú að Túnis vann sigur á Makedóníu en síðarnefnda liðið vann Ísland í undankeppni mótsins. Annars voru einna athyglisverðustu úrslitin þau að heimsmeistararnir, Þýskaland, gerðu jafntefli í fyrsta leik gegn Rússum, 26-26. 24 lið eru mætt til leiks í Króatíu og keppa í fjórum sex liða riðlum. Þrjú efstu liðin í hverjum riðli komast áfram í milliriðla og taka með sér stigin sem þau fengu gegn öðrum liðum sem einnig komust áfram upp úr riðlinum. Liðin úr A- og B-riðlum fara í fyrri milliriðilinn og liðin úr C- og D-riðlunum í þann síðari. Tvö efstu liðin úr hvorum milliriðli komast í undanúrslit mótsins.A-riðill: Úrslit: Slóvakía - Argentína 27-25 Ungverjaland - Ástralía 41-27 Frakkland - Rúmenía 31-21 Ólympíumeistarar Frakklands þurftu lítið að hafa fyrir sigrinum gegn Rúmenum og fóru í gegnum leikinn af gömlum vana. Nikola Karabatic og Guigou voru markahæstir með sjö mörk hvor. Eins og mátti búast við áttu Ungverjar í nákvæmlega engum vandræðum með Ástrali en leikur Slóvakíu og Argentínu var meira spennandi. Á endanum skildi markvarsla Richard Stochl (sautján varin skot) og þrettán mörk Stranovsky-bræðranna á milli liðanna tveggja. Þetta var einkar mikilvægur sigur Slóvaka enda ljóst að Argentína myndi gera sterka atlögu að því að komast áfram annað hvort á kostnað Slóvaka eða Rúmena.B-riðill: Úrslit: Króatía - Suður-Kórea 27-26 Spánn - Kúveit 47-17 Svíþjóð - Kúba 41-14 Fyrirfram var þessi riðill, ásamt D-riðli, hvað minnst spennandi og Evrópuþjóðirnar þrjár taldar líklegastar til að komast áfram. En Suður-Kóreumenn minntu vel á sig í opnunarleiknum á föstudaginn og sýndu að þeir eru sýnd veiði en ekki gefin. Gamla kempan Kyung-Shin Yoon er hættur með landsliðinu en þetta unga landslið stóð lengi vel í gestgjöfunum.C-riðill: Úrslit: Pólland - Alsír 39-22 Þýskaland - Rússland 26-26 Makedónía - Túnis 24-25 Túnis er líklega með sterkasta liðið á mótinu sem er ekki frá Evrópu. Liðið vann sigur á Íslandi á æfingamótinu í Svíþjóð og byrjaði vel í gær með því að leggja liðið sem gekk frá Íslandi í undankeppninni - Makedóníu. Wissem Hmam, einn besti leikmaður Túnis, var þó ekki með í gær vegna meiðsla. Pólverjar fóru létt með Alsír, 39-22, og leikur Þýskalands og Rússlands var aðeins einn tveggja leikja milli tveggja Evrópuþjóða - hinn var á milli Frakka og Rúmena. En það verður ekki annað sagt að Þjóðverjar hafi misst öruggan sigur úr höndunum. Liðið var með fimm marka forystu, 25-20, þegar níu mínútur voru til leiksloka en tókst að missa leikinn í jafntefli.D-riðill: Úrslit: Noregur - Sádí-Arabía 39-23 Egyptaland - Serbía 22-30 Danmörk - Brasilía 40-27 Það var afar fátt sem kom á óvart í þessum riðli og allir sigrar gærdagsins afar öruggir. Helst kom á óvart hversu öruggur sigur Serba á Egyptum var en greinilegt er það þarf mikið að gerast ef Evrópuþjóðirnar þrjár eiga ekki að komast áfram í milliriðlana.Leikir dagsins: A-riðill: 14.00 Ástralía - Slóvakía 16.00 Rúmenía - Ungverjaland 18.00 Argentína - FrakklandB-riðill: 15.30 Kúba - Spánn 17.30 Suður-Kórea - Svíþjóð 19.30 Kúvæt - KróatíaC-riðill: 14.30 Alsír - Makedónía 16.30 Túnis - Þýskaland 18.30 Rússland - PóllandD-riðill: 15.15 Brasilía - Noregur 17.15 Sádí-Arabía - Egyptaland 19.15 Serbía - Danmörk Handbolti Mest lesið England: Hver er kominn, að koma, farinn og að fara? Enski boltinn Víkingar á leið til Albaníu Fótbolti „Verður að dæmast af því hvernig við högum okkur í Evrópu í ár“ Fótbolti Enn ein stjarnan slítur krossband í hné Fótbolti Grátlegt tap niðurstaðan og barátta um sæti í A-deild framundan Körfubolti Hin reynda Dinkins í raðir Njarðvíkur Körfubolti Líflátshótunum rignir yfir Víkinga: „Djöfull er þetta lasið“ Fótbolti Guðmundur Bragi til Danmerkur Handbolti Stefán Ingi á leið til Noregs Fótbolti Fyrrum leikmaður Everton í teymi Slot Enski boltinn Fleiri fréttir Guðmundur Bragi til Danmerkur Miklar væntingarnar til íslenska landsliðsins réttlætanlegar HK endurheimtir tvo leikmenn sem urðu Íslandsmeistarar með liðinu Sveinbjörn fyrsti íslenski handboltamaðurinn til að spila í Ísrael Íslensku strákarnir með bakið upp við vegg Valsmenn fá Króata í heimsókn Haukar mæta Hönunum frá Finnlandi Valskonur fara til Litháen og Haukar til Belgíu Sonur Söndru og Daníels kominn í heiminn Mögnuð endurkoma tryggði íslensku strákunum stig Norðmenn tryggðu Íslandi sæti í 8-liða úrslitum Svíarnir of sterkir fyrir íslensku strákana Össur með tólf mörk í öðrum sigri strákanna í Slóveníu Tuttuguogsjö marka stórsigur í fyrsta leik á EM Hans syrgir pabba sinn en fer 42 ára á ÓL Töpuðu rétt eftir risasigurinn „Fannst ég ekki bæta mig nægilega mikið á þessum tveimur árum“ Stelpurnar hans Þóris völtuðu yfir ólympíumeistarana Úlfurinn snýr aftur til Kiel „Miklar tilfinningasveiflur sem tóku við“ Íslendingar mættu stundum hugsa sinn gang Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Sjá meira
Fá óvænt úrslit voru á fyrsta keppnisdegi heimsmeistaramótsins í handknattleik sem hófst í Króatíu í fyrrakvöld. Vísir tekur saman það helsta sem gerðist á fyrsta keppnisdegi. Evrópsku liðin voru áberandi í gær og unnu flest sína leiki gegn liðum sem voru ekki frá Evrópu. Eina undantekningin er sú að Túnis vann sigur á Makedóníu en síðarnefnda liðið vann Ísland í undankeppni mótsins. Annars voru einna athyglisverðustu úrslitin þau að heimsmeistararnir, Þýskaland, gerðu jafntefli í fyrsta leik gegn Rússum, 26-26. 24 lið eru mætt til leiks í Króatíu og keppa í fjórum sex liða riðlum. Þrjú efstu liðin í hverjum riðli komast áfram í milliriðla og taka með sér stigin sem þau fengu gegn öðrum liðum sem einnig komust áfram upp úr riðlinum. Liðin úr A- og B-riðlum fara í fyrri milliriðilinn og liðin úr C- og D-riðlunum í þann síðari. Tvö efstu liðin úr hvorum milliriðli komast í undanúrslit mótsins.A-riðill: Úrslit: Slóvakía - Argentína 27-25 Ungverjaland - Ástralía 41-27 Frakkland - Rúmenía 31-21 Ólympíumeistarar Frakklands þurftu lítið að hafa fyrir sigrinum gegn Rúmenum og fóru í gegnum leikinn af gömlum vana. Nikola Karabatic og Guigou voru markahæstir með sjö mörk hvor. Eins og mátti búast við áttu Ungverjar í nákvæmlega engum vandræðum með Ástrali en leikur Slóvakíu og Argentínu var meira spennandi. Á endanum skildi markvarsla Richard Stochl (sautján varin skot) og þrettán mörk Stranovsky-bræðranna á milli liðanna tveggja. Þetta var einkar mikilvægur sigur Slóvaka enda ljóst að Argentína myndi gera sterka atlögu að því að komast áfram annað hvort á kostnað Slóvaka eða Rúmena.B-riðill: Úrslit: Króatía - Suður-Kórea 27-26 Spánn - Kúveit 47-17 Svíþjóð - Kúba 41-14 Fyrirfram var þessi riðill, ásamt D-riðli, hvað minnst spennandi og Evrópuþjóðirnar þrjár taldar líklegastar til að komast áfram. En Suður-Kóreumenn minntu vel á sig í opnunarleiknum á föstudaginn og sýndu að þeir eru sýnd veiði en ekki gefin. Gamla kempan Kyung-Shin Yoon er hættur með landsliðinu en þetta unga landslið stóð lengi vel í gestgjöfunum.C-riðill: Úrslit: Pólland - Alsír 39-22 Þýskaland - Rússland 26-26 Makedónía - Túnis 24-25 Túnis er líklega með sterkasta liðið á mótinu sem er ekki frá Evrópu. Liðið vann sigur á Íslandi á æfingamótinu í Svíþjóð og byrjaði vel í gær með því að leggja liðið sem gekk frá Íslandi í undankeppninni - Makedóníu. Wissem Hmam, einn besti leikmaður Túnis, var þó ekki með í gær vegna meiðsla. Pólverjar fóru létt með Alsír, 39-22, og leikur Þýskalands og Rússlands var aðeins einn tveggja leikja milli tveggja Evrópuþjóða - hinn var á milli Frakka og Rúmena. En það verður ekki annað sagt að Þjóðverjar hafi misst öruggan sigur úr höndunum. Liðið var með fimm marka forystu, 25-20, þegar níu mínútur voru til leiksloka en tókst að missa leikinn í jafntefli.D-riðill: Úrslit: Noregur - Sádí-Arabía 39-23 Egyptaland - Serbía 22-30 Danmörk - Brasilía 40-27 Það var afar fátt sem kom á óvart í þessum riðli og allir sigrar gærdagsins afar öruggir. Helst kom á óvart hversu öruggur sigur Serba á Egyptum var en greinilegt er það þarf mikið að gerast ef Evrópuþjóðirnar þrjár eiga ekki að komast áfram í milliriðlana.Leikir dagsins: A-riðill: 14.00 Ástralía - Slóvakía 16.00 Rúmenía - Ungverjaland 18.00 Argentína - FrakklandB-riðill: 15.30 Kúba - Spánn 17.30 Suður-Kórea - Svíþjóð 19.30 Kúvæt - KróatíaC-riðill: 14.30 Alsír - Makedónía 16.30 Túnis - Þýskaland 18.30 Rússland - PóllandD-riðill: 15.15 Brasilía - Noregur 17.15 Sádí-Arabía - Egyptaland 19.15 Serbía - Danmörk
Handbolti Mest lesið England: Hver er kominn, að koma, farinn og að fara? Enski boltinn Víkingar á leið til Albaníu Fótbolti „Verður að dæmast af því hvernig við högum okkur í Evrópu í ár“ Fótbolti Enn ein stjarnan slítur krossband í hné Fótbolti Grátlegt tap niðurstaðan og barátta um sæti í A-deild framundan Körfubolti Hin reynda Dinkins í raðir Njarðvíkur Körfubolti Líflátshótunum rignir yfir Víkinga: „Djöfull er þetta lasið“ Fótbolti Guðmundur Bragi til Danmerkur Handbolti Stefán Ingi á leið til Noregs Fótbolti Fyrrum leikmaður Everton í teymi Slot Enski boltinn Fleiri fréttir Guðmundur Bragi til Danmerkur Miklar væntingarnar til íslenska landsliðsins réttlætanlegar HK endurheimtir tvo leikmenn sem urðu Íslandsmeistarar með liðinu Sveinbjörn fyrsti íslenski handboltamaðurinn til að spila í Ísrael Íslensku strákarnir með bakið upp við vegg Valsmenn fá Króata í heimsókn Haukar mæta Hönunum frá Finnlandi Valskonur fara til Litháen og Haukar til Belgíu Sonur Söndru og Daníels kominn í heiminn Mögnuð endurkoma tryggði íslensku strákunum stig Norðmenn tryggðu Íslandi sæti í 8-liða úrslitum Svíarnir of sterkir fyrir íslensku strákana Össur með tólf mörk í öðrum sigri strákanna í Slóveníu Tuttuguogsjö marka stórsigur í fyrsta leik á EM Hans syrgir pabba sinn en fer 42 ára á ÓL Töpuðu rétt eftir risasigurinn „Fannst ég ekki bæta mig nægilega mikið á þessum tveimur árum“ Stelpurnar hans Þóris völtuðu yfir ólympíumeistarana Úlfurinn snýr aftur til Kiel „Miklar tilfinningasveiflur sem tóku við“ Íslendingar mættu stundum hugsa sinn gang Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Sjá meira