Brotist inn í íbúðahús í Kópavogi

Brotist var inn í íbúðarhús í Kópavogi síðdegis í gær eða í gærkvöldi, en íbúarnir urðu þess ekki varir fyrr en þeir komu heim upp úr miðnætti.

Lögregla telur ekki útilokað að innbrotið tengist ellefu innbrotum, sem framin hafa verið í heimahús í Hafnarfirði og Garðabæ að undanförnu, öll síðdegis eða á kvöldin.

Þar hefur meðal annars verið stolið skartgripum, stafrænum myndavélum og tölvum. Lögregla biður fólk að vera vakandi fyrir grunsamlegri mannaferð við hús nágranna sinna og gera lögreglu viðvart.