Davíð Þór og félagar héldu sæti sínu

Davíð Þór Viðarsson og félagar í Öster leika áfram í sænsku B-deildinni á næstu leiktíð. Liðið hafði betur gegn Qviding í tveimur umspilsleikjum um sætið.

Davíð Þór er fyrirliði Öster en hann kom til liðsins frá FH fyrir tímabilið.

Liðið vann fyrri leikinn gegn Qviding 2-0, sem varð í öðru sæti í suðurriðli sænsku C-deildarinnar í haust.

Qviding komst svo yfir í leiknum í dag en Öster tryggði sér sigur með tveimur mörkum á lokamínútum leiksins og samanlagt 4-1.