Allir stöðvaðir

Líkt undanfarin ár stendur lögreglan á höfuðborgarsvæðinu fyrir sérstöku átaki gegn ölvunarakstri nú í aðdraganda aðventunnar. Í kvöld stöðvaði lögreglan allar bifreiðar sem ekið var um Hringbraut skammt frá gatnamótunum við Snorrabraut. Jólunum fylgja mannfagnaðir og skemmtanir af ýmsu tagi svo sem tónleikar, jólaglögg og jólahlaðborð.

Lögreglumenn á fimm bifreiðum tóku þátt í átakinu. Samkvæmt upplýsingum sem fengust hjá umferðardeild hafði enginn ökumaður verið tekinn vegna gruns um ölvunarakstur.