Nú losar Sky sig við Rooney

Vafasöm hegðun Wayne Rooney heldur áfram að draga dilk á eftir sér. Coca-Cola hefur þegar sagt skilið við Rooney og nú hefur Sky-sjónvarpsstöðin gert slíkt hið sama.

Rooney er að afplána tveggja leikja bann þessa dagana fyrir ljótan munnsöfnuð í myndavél er hann skoraði þrennu gegn West Ham. Hann var einnig gripinn í bólinu með tveim vændiskonum á síðasta ári.

Sky framleiddi þátt með Rooney sem heitir Street striker. Þar var Rooney fylgt eftir um landið er hann leitaði að efnilegustu knattspyrnumönnum Englands.

Fjórða sería var í kortunum, styrkt af Coke, en Sky hefur nú ákveðið að blása þáttinn af.

Umboðsmaður Rooney sagðist þó vera opinn fyrir því að gera þáttinn með annarri sjónvarpsstöð.