Vonast til að geta búið til bóluefni gegn HIV

Nýtt bóluefni verndar apa fyrir SIV veirusmiti og gæti leitt til þess að hægt verði að búa til bóluefni gegn HIV veirunni sem gagnast mönnum. SIV veiran í öpum er lík HIV veirunni sem herjar á menn.

Bandarískir vísindamenn stóðu fyrir rannsókninni en frá henni er greint í nýjasta hefti tímaritsins Nature.

Um helmingur apanna sem fengu bóluefnið smituðust ekki þegar veirunni var sprautað í þá og var bóluefnið virkt þeim öllum, að einum undanskildum, að ári liðnu.