Jackass-stjarna lætur lífið í bílslysi

Jackass-stjarnan Ryan Dunn lést í bílslysi í gærkvöldi en þetta kemur fram á vefnum TMZ.com.

Talið er að bíllinn sem Dunn var í hafi verið ekið á allt að 180 kílómetra hraða áður en hann hafnaði utan vegar. Eldur kom upp í bílnum og varð hann alelda á skömmum tíma. Auk Dunn var annar einstaklingur í bílnum, en ekki er búið að bera kennsl á hann.

Dunn var 34 ára gamall og varð heimsfrægur fyrir þátttöku sína í sjónvarpsþáttunum, og síðar bíómyndunum, um strákana í Jackass.