Hófu framkvæmdir án leyfis frá ráðherra 23. janúar 2011 08:00 Framkvæmdir við Markarfljót snúast um að verja höfnina gegn framburði fljótsins. Ósar fljótsins eru stutt frá höfninni og því er gripið til þess ráðs að beina henni til austurs. fréttablaðið/óskar Iðnaðarráðuneytið gaf í fyrradag út starfsleyfi til að hefja framkvæmdir við gerð varnargarðs við Markarfljót, hálfum mánuði eftir að framkvæmdir hófust. Siglingastofnun, sem er framkvæmdaraðilinn, sótti ekki um ráðherraleyfi sem kveðið er á um í vatnalögum þar sem lagatúlkun stofnunarinnar var sú að þess þyrfti ekki. Fréttablaðið sendi fyrirspurn til Kristjáns Skarphéðinssonar, ráðuneytisstjóra iðnaðarráðuneytisins, á miðvikudag þar sem spurt var hvort Skipulagsstofnun hefði sótt um starfsleyfið. Þau svör fengust að ekkert erindi hefði borist ráðuneytinu um framkvæmdir við Markarfljót. Í svari Kristjáns við frekari fyrirspurnum um málið á fimmtudag kom fram að vatnalögin frá 1923 væru vissulega í fullu gildi og samkvæmt ákvæðum 133. greinar laganna beri framkvæmdaraðila [Siglingastofnun] að tilkynna ráðherra og fá leyfi hans. „Í þessu felst að ákvörðun ráðherra um það hvort viðkomandi framkvæmd er leyfisskyld þarf að liggja fyrir áður en ráðist er í framkvæmdir.“ Sigurður Áss Grétarsson, forstöðumaður hafnasviðs Siglingastofnunar, taldi túlkun ráðuneytisins á lögunum ranga því heimilt sé, bæði samkvæmt vatnalögum og lögum um flóðvarnir í Markarfljóti, að fara í framkvæmdir án leyfis ráðherra. Sigurður segir að stofnunin hafi verið komin með heimild til framkvæmda frá sveitarfélaginu um miðjan desember og talið það fullnægjandi. Sveitarfélagið hafi leitað til opinberra aðila áður en framkvæmd var heimiluð og það verið mat stofnunarinnar að ekki væri nauðsynlegt að fá heimild frá öðrum aðilum. Ráðuneytið kallaði í gær á sinn fund sveitarstjóra Rangárþings eystra, fulltrúa Skipulagsstofnunar, Umhverfisstofnunar, Orkustofnunar og Siglingastofnunar. Fyrir fundinum lá umsókn Siglingastofnunar um leyfi til framkvæmda við Markarfljót. Á fundinum kom fram að öll skilyrði væru fyrir útgáfu leyfis á grundvelli vatnalaga og ráðuneytið gaf út framkvæmdaleyfið síðar um daginn, að sögn Kristjáns ráðuneytisstjóra. Gerð bráðabirgðavarnargarðsins, sem er 600 metra langur, vestan Markarfljóts færir farveg fljótsins austur um 400 metra. Með nýja varnargarðinum er reiknað með að framburður fljótsins berist síður fyrir hafnarmynnið í Landeyjahöfn. svavar@frettabladid.is Mest lesið Allt með kyrrum kjörum þrátt fyrir reyk og ljóstýru Innlent Fjögurra daga gamlir tvíburarnir fórust á meðan faðirinn brá sér frá Erlent Leita að göngumanni í Kerlingarfjöllum Innlent Stal gaskúti og stakk honum í Wolt-tösku Innlent Gaukarnir gista og fá snyrtingu Innlent Óttast um velferð íbúa og höfðar til skynsemi þeirra Innlent Bótagreiðslur til Íslendinga almennt hærri Innlent Ósammála um hvort árekstur hefði orðið Innlent Halldór Bragason lést í eldsvoðanum Innlent Tryggja þurfi að vindorkan haldist í höndum þjóðarinnar Innlent Fleiri fréttir Ekið heim eftir „smá uppsteyt“ í miðborginni Allt með kyrrum kjörum þrátt fyrir reyk og ljóstýru Gaukarnir gista og fá snyrtingu Leita að göngumanni í Kerlingarfjöllum Óttast um velferð íbúa og höfðar til skynsemi þeirra Tryggja þurfi að vindorkan haldist í höndum þjóðarinnar Bótagreiðslur til Íslendinga almennt hærri Á annað hundrað kvenna bíða eftir minni brjóstum Setti hraðamet í heiðurssundi fyrir syni Eddu Bjarkar Ósammála um hvort árekstur hefði orðið Gripin með óhrein peningabúnt í Leifsstöð Stíga annað stórt skref að virkjun við Búrfell Óvenjulegur grafreitur reistur á Seltjarnarnesi Eyddu sprengju úr seinni heimsstyrjöldinni í Hlíðarfjalli Halldór Bragason lést í eldsvoðanum Enginn vindmyllugarður án bættra vega Orsök veikindanna enn á huldu Gísla Pálma refsað fyrir akstur undir áhrifum Kynhlutlaus klósett orðin að lögum Á hlaupum yfir hraunið með hræ í kjaftinum Vindorka í Dölunum og iðrakveisa á Rjúpnavöllum Stal gaskúti og stakk honum í Wolt-tösku Skoða að kæra útgáfu virkjanaleyfis fyrir Búrfellslund Heilsugæslan skipuleggur sýnatökur vegna e. coli mengunar Greiddu 47 milljónir fyrir 175 hjálma fyrir leiðtogafundinn Heildarakstur í þjóðvegakerfi nærri tvöfaldast á tuttugu árum „Ég held að það þurfi að koma böndum á þetta“ Þakklát fyrir þrjósku hundsins Gætu þurft að loka Fjölskyldulandi „Þetta gæti bara byrjað hvenær sem er“ Sjá meira
Iðnaðarráðuneytið gaf í fyrradag út starfsleyfi til að hefja framkvæmdir við gerð varnargarðs við Markarfljót, hálfum mánuði eftir að framkvæmdir hófust. Siglingastofnun, sem er framkvæmdaraðilinn, sótti ekki um ráðherraleyfi sem kveðið er á um í vatnalögum þar sem lagatúlkun stofnunarinnar var sú að þess þyrfti ekki. Fréttablaðið sendi fyrirspurn til Kristjáns Skarphéðinssonar, ráðuneytisstjóra iðnaðarráðuneytisins, á miðvikudag þar sem spurt var hvort Skipulagsstofnun hefði sótt um starfsleyfið. Þau svör fengust að ekkert erindi hefði borist ráðuneytinu um framkvæmdir við Markarfljót. Í svari Kristjáns við frekari fyrirspurnum um málið á fimmtudag kom fram að vatnalögin frá 1923 væru vissulega í fullu gildi og samkvæmt ákvæðum 133. greinar laganna beri framkvæmdaraðila [Siglingastofnun] að tilkynna ráðherra og fá leyfi hans. „Í þessu felst að ákvörðun ráðherra um það hvort viðkomandi framkvæmd er leyfisskyld þarf að liggja fyrir áður en ráðist er í framkvæmdir.“ Sigurður Áss Grétarsson, forstöðumaður hafnasviðs Siglingastofnunar, taldi túlkun ráðuneytisins á lögunum ranga því heimilt sé, bæði samkvæmt vatnalögum og lögum um flóðvarnir í Markarfljóti, að fara í framkvæmdir án leyfis ráðherra. Sigurður segir að stofnunin hafi verið komin með heimild til framkvæmda frá sveitarfélaginu um miðjan desember og talið það fullnægjandi. Sveitarfélagið hafi leitað til opinberra aðila áður en framkvæmd var heimiluð og það verið mat stofnunarinnar að ekki væri nauðsynlegt að fá heimild frá öðrum aðilum. Ráðuneytið kallaði í gær á sinn fund sveitarstjóra Rangárþings eystra, fulltrúa Skipulagsstofnunar, Umhverfisstofnunar, Orkustofnunar og Siglingastofnunar. Fyrir fundinum lá umsókn Siglingastofnunar um leyfi til framkvæmda við Markarfljót. Á fundinum kom fram að öll skilyrði væru fyrir útgáfu leyfis á grundvelli vatnalaga og ráðuneytið gaf út framkvæmdaleyfið síðar um daginn, að sögn Kristjáns ráðuneytisstjóra. Gerð bráðabirgðavarnargarðsins, sem er 600 metra langur, vestan Markarfljóts færir farveg fljótsins austur um 400 metra. Með nýja varnargarðinum er reiknað með að framburður fljótsins berist síður fyrir hafnarmynnið í Landeyjahöfn. svavar@frettabladid.is
Mest lesið Allt með kyrrum kjörum þrátt fyrir reyk og ljóstýru Innlent Fjögurra daga gamlir tvíburarnir fórust á meðan faðirinn brá sér frá Erlent Leita að göngumanni í Kerlingarfjöllum Innlent Stal gaskúti og stakk honum í Wolt-tösku Innlent Gaukarnir gista og fá snyrtingu Innlent Óttast um velferð íbúa og höfðar til skynsemi þeirra Innlent Bótagreiðslur til Íslendinga almennt hærri Innlent Ósammála um hvort árekstur hefði orðið Innlent Halldór Bragason lést í eldsvoðanum Innlent Tryggja þurfi að vindorkan haldist í höndum þjóðarinnar Innlent Fleiri fréttir Ekið heim eftir „smá uppsteyt“ í miðborginni Allt með kyrrum kjörum þrátt fyrir reyk og ljóstýru Gaukarnir gista og fá snyrtingu Leita að göngumanni í Kerlingarfjöllum Óttast um velferð íbúa og höfðar til skynsemi þeirra Tryggja þurfi að vindorkan haldist í höndum þjóðarinnar Bótagreiðslur til Íslendinga almennt hærri Á annað hundrað kvenna bíða eftir minni brjóstum Setti hraðamet í heiðurssundi fyrir syni Eddu Bjarkar Ósammála um hvort árekstur hefði orðið Gripin með óhrein peningabúnt í Leifsstöð Stíga annað stórt skref að virkjun við Búrfell Óvenjulegur grafreitur reistur á Seltjarnarnesi Eyddu sprengju úr seinni heimsstyrjöldinni í Hlíðarfjalli Halldór Bragason lést í eldsvoðanum Enginn vindmyllugarður án bættra vega Orsök veikindanna enn á huldu Gísla Pálma refsað fyrir akstur undir áhrifum Kynhlutlaus klósett orðin að lögum Á hlaupum yfir hraunið með hræ í kjaftinum Vindorka í Dölunum og iðrakveisa á Rjúpnavöllum Stal gaskúti og stakk honum í Wolt-tösku Skoða að kæra útgáfu virkjanaleyfis fyrir Búrfellslund Heilsugæslan skipuleggur sýnatökur vegna e. coli mengunar Greiddu 47 milljónir fyrir 175 hjálma fyrir leiðtogafundinn Heildarakstur í þjóðvegakerfi nærri tvöfaldast á tuttugu árum „Ég held að það þurfi að koma böndum á þetta“ Þakklát fyrir þrjósku hundsins Gætu þurft að loka Fjölskyldulandi „Þetta gæti bara byrjað hvenær sem er“ Sjá meira