Samfylkingarfólk fundar

Flokksstjórn Samfylkingarinnar kemur saman í Reykjavík í dag. Fundurinn hefst klukkan 13 með ræðu formanns flokksins, Jóhönnu Sigurðardóttur forsætisráðherra en á þriðjudaginn verða tvö ár frá því að hún tók við embætti forsætisráðherra fyrst kvenna.

Fram kemur í tilkynningu frá Samfylkingunni að gefinn verði góður tími til almennra umræðna að framsögum loknum. Ákvörðun Hæstaréttar að ógilda stjórnlagaþingskosningarnar verður vafalítið tekin til umræðu sem og fjölmörg önnur mál.