Eftirlit með mengun talið vera óskilvirkt 24. janúar 2011 11:00 Umhverfisvaktin við Hvalfjörð efast um að stóriðjufyrirtækjum sé sjálfum treystandi fyrir mengunarmælingum. fréttablaðið/gva Er stóriðjufyrirtækjum treystandi til að gera eigin mengunarmælingar? Félagið Umhverfisvaktin við Hvalfjörð skorar á Umhverfisstofnun að endurskoða starfsleyfi stóriðjufyrirtækjanna á Grundartanga. „Þetta er með það fyrir augum að færa ábyrgð á framkvæmd mengunarmælinga frá stóriðjufyrirtækjunum til óháðra opinberra aðila," segir í yfirlýsingu. Félagið telur að mælingarnar séu ekki trúverðugar „ef hinn mengandi aðili" sér sjálfur um þær. Stefán Gíslason, umhverfisstjórnunarfræðingur hjá Umís ehf. Environice, telur ekki auðvelt að breyta fyrirkomulaginu. Hins vegar þyrfti að gera meiri kröfur um framkvæmdina og bæta eftirlitið, þar með talið skoðun á niðurstöðum mælinga og viðbrögð ef um frávik er að ræða. „Opinberar eftirlitsstofnanir eiga að mínu mati að vera mun ákveðnari en þær eru varðandi kröfur um framkvæmd mælinga, duglegri við að koma í óundirbúið eftirlit til að geta staðið menn að verki ef rangt er mælt, meðal annars með stikkprufum - og að síðustu miklu harðari í horn að taka ef skilyrðum er ekki fullnægt." Stefán segir að mengunarmælingar séu í eðli sínu svipaðar bókhaldi fyrirtækja. „Fyrirtækjunum er skylt, samkvæmt lögum, reglugerðum eða ákvæðum í starfsleyfum, að halda bókhald um ákveðna þætti og skila því til eftirlitsaðila, hvort sem hann heitir Heilbrigðiseftirlit, Umhverfisstofnun eða Ríkisskattstjóri. Mikið af þessum bókhaldsgögnum verður til með þeim hætti, að eðlilegast og einfaldast er að haldið sé utan um þau innan fyrirtækisins. Öðrum þáttum er auðveldara að úthýsa, til dæmis mælingum á flúor í gróðri eða beinum dýra," segir Stefán. Í tilviki iðjuveranna á Grundartanga, og þá Norðuráls þegar rætt er um flúor, sér utanaðkomandi aðili um mengunarmælingar. Sá er þó ekki alveg óháður iðjuverinu því fyrirtækið greiðir fyrir mælingarnar eins og hverja aðra verktakavinnu. Hins vegar fer greining sýna gjarnan fram hjá óháðri opinberri stofnun hérlendis eða erlendis, á kostnað iðjuversins. „Ég hygg að aðalrökin fyrir því fyrirkomulagi sem viðhaft er varðandi mengunarmælingar frá mengandi starfsemi, þar með talið frá iðjuverum á Grundartanga, séu þau að með þessu sé ábyrgð á framkvæmd og fjármögnun tryggð, og tengd með besta mögulega hætti. Ég treysti þessum fyrirtækjum til að sjá um þessi mál, að því tilskildu að regluverkið og eftirlitsaðilar veiti það aðhald sem þeim ber að veita." svavar@frettabladid.is Mest lesið Allt með kyrrum kjörum þrátt fyrir reyk og ljóstýru Innlent Fjögurra daga gamlir tvíburarnir fórust á meðan faðirinn brá sér frá Erlent Leita að göngumanni í Kerlingarfjöllum Innlent Stal gaskúti og stakk honum í Wolt-tösku Innlent Óttast um velferð íbúa og höfðar til skynsemi þeirra Innlent Gaukarnir gista og fá snyrtingu Innlent Halldór Bragason lést í eldsvoðanum Innlent Ósammála um hvort árekstur hefði orðið Innlent Bótagreiðslur til Íslendinga almennt hærri Innlent Beðið eftir eldgosi: Allar vefmyndavélarnar á einum stað Innlent Fleiri fréttir Allt með kyrrum kjörum þrátt fyrir reyk og ljóstýru Gaukarnir gista og fá snyrtingu Leita að göngumanni í Kerlingarfjöllum Óttast um velferð íbúa og höfðar til skynsemi þeirra Tryggja þurfi að vindorkan haldist í höndum þjóðarinnar Bótagreiðslur til Íslendinga almennt hærri Á annað hundrað kvenna bíða eftir minni brjóstum Setti hraðamet í heiðurssundi fyrir syni Eddu Bjarkar Ósammála um hvort árekstur hefði orðið Gripin með óhrein peningabúnt í Leifsstöð Stíga annað stórt skref að virkjun við Búrfell Óvenjulegur grafreitur reistur á Seltjarnarnesi Eyddu sprengju úr seinni heimsstyrjöldinni í Hlíðarfjalli Halldór Bragason lést í eldsvoðanum Enginn vindmyllugarður án bættra vega Orsök veikindanna enn á huldu Gísla Pálma refsað fyrir akstur undir áhrifum Kynhlutlaus klósett orðin að lögum Á hlaupum yfir hraunið með hræ í kjaftinum Vindorka í Dölunum og iðrakveisa á Rjúpnavöllum Stal gaskúti og stakk honum í Wolt-tösku Skoða að kæra útgáfu virkjanaleyfis fyrir Búrfellslund Heilsugæslan skipuleggur sýnatökur vegna e. coli mengunar Greiddu 47 milljónir fyrir 175 hjálma fyrir leiðtogafundinn Heildarakstur í þjóðvegakerfi nærri tvöfaldast á tuttugu árum „Ég held að það þurfi að koma böndum á þetta“ Þakklát fyrir þrjósku hundsins Gætu þurft að loka Fjölskyldulandi „Þetta gæti bara byrjað hvenær sem er“ Einbeitti sér alfarið að Svedda Tönn Sjá meira
Er stóriðjufyrirtækjum treystandi til að gera eigin mengunarmælingar? Félagið Umhverfisvaktin við Hvalfjörð skorar á Umhverfisstofnun að endurskoða starfsleyfi stóriðjufyrirtækjanna á Grundartanga. „Þetta er með það fyrir augum að færa ábyrgð á framkvæmd mengunarmælinga frá stóriðjufyrirtækjunum til óháðra opinberra aðila," segir í yfirlýsingu. Félagið telur að mælingarnar séu ekki trúverðugar „ef hinn mengandi aðili" sér sjálfur um þær. Stefán Gíslason, umhverfisstjórnunarfræðingur hjá Umís ehf. Environice, telur ekki auðvelt að breyta fyrirkomulaginu. Hins vegar þyrfti að gera meiri kröfur um framkvæmdina og bæta eftirlitið, þar með talið skoðun á niðurstöðum mælinga og viðbrögð ef um frávik er að ræða. „Opinberar eftirlitsstofnanir eiga að mínu mati að vera mun ákveðnari en þær eru varðandi kröfur um framkvæmd mælinga, duglegri við að koma í óundirbúið eftirlit til að geta staðið menn að verki ef rangt er mælt, meðal annars með stikkprufum - og að síðustu miklu harðari í horn að taka ef skilyrðum er ekki fullnægt." Stefán segir að mengunarmælingar séu í eðli sínu svipaðar bókhaldi fyrirtækja. „Fyrirtækjunum er skylt, samkvæmt lögum, reglugerðum eða ákvæðum í starfsleyfum, að halda bókhald um ákveðna þætti og skila því til eftirlitsaðila, hvort sem hann heitir Heilbrigðiseftirlit, Umhverfisstofnun eða Ríkisskattstjóri. Mikið af þessum bókhaldsgögnum verður til með þeim hætti, að eðlilegast og einfaldast er að haldið sé utan um þau innan fyrirtækisins. Öðrum þáttum er auðveldara að úthýsa, til dæmis mælingum á flúor í gróðri eða beinum dýra," segir Stefán. Í tilviki iðjuveranna á Grundartanga, og þá Norðuráls þegar rætt er um flúor, sér utanaðkomandi aðili um mengunarmælingar. Sá er þó ekki alveg óháður iðjuverinu því fyrirtækið greiðir fyrir mælingarnar eins og hverja aðra verktakavinnu. Hins vegar fer greining sýna gjarnan fram hjá óháðri opinberri stofnun hérlendis eða erlendis, á kostnað iðjuversins. „Ég hygg að aðalrökin fyrir því fyrirkomulagi sem viðhaft er varðandi mengunarmælingar frá mengandi starfsemi, þar með talið frá iðjuverum á Grundartanga, séu þau að með þessu sé ábyrgð á framkvæmd og fjármögnun tryggð, og tengd með besta mögulega hætti. Ég treysti þessum fyrirtækjum til að sjá um þessi mál, að því tilskildu að regluverkið og eftirlitsaðilar veiti það aðhald sem þeim ber að veita." svavar@frettabladid.is
Mest lesið Allt með kyrrum kjörum þrátt fyrir reyk og ljóstýru Innlent Fjögurra daga gamlir tvíburarnir fórust á meðan faðirinn brá sér frá Erlent Leita að göngumanni í Kerlingarfjöllum Innlent Stal gaskúti og stakk honum í Wolt-tösku Innlent Óttast um velferð íbúa og höfðar til skynsemi þeirra Innlent Gaukarnir gista og fá snyrtingu Innlent Halldór Bragason lést í eldsvoðanum Innlent Ósammála um hvort árekstur hefði orðið Innlent Bótagreiðslur til Íslendinga almennt hærri Innlent Beðið eftir eldgosi: Allar vefmyndavélarnar á einum stað Innlent Fleiri fréttir Allt með kyrrum kjörum þrátt fyrir reyk og ljóstýru Gaukarnir gista og fá snyrtingu Leita að göngumanni í Kerlingarfjöllum Óttast um velferð íbúa og höfðar til skynsemi þeirra Tryggja þurfi að vindorkan haldist í höndum þjóðarinnar Bótagreiðslur til Íslendinga almennt hærri Á annað hundrað kvenna bíða eftir minni brjóstum Setti hraðamet í heiðurssundi fyrir syni Eddu Bjarkar Ósammála um hvort árekstur hefði orðið Gripin með óhrein peningabúnt í Leifsstöð Stíga annað stórt skref að virkjun við Búrfell Óvenjulegur grafreitur reistur á Seltjarnarnesi Eyddu sprengju úr seinni heimsstyrjöldinni í Hlíðarfjalli Halldór Bragason lést í eldsvoðanum Enginn vindmyllugarður án bættra vega Orsök veikindanna enn á huldu Gísla Pálma refsað fyrir akstur undir áhrifum Kynhlutlaus klósett orðin að lögum Á hlaupum yfir hraunið með hræ í kjaftinum Vindorka í Dölunum og iðrakveisa á Rjúpnavöllum Stal gaskúti og stakk honum í Wolt-tösku Skoða að kæra útgáfu virkjanaleyfis fyrir Búrfellslund Heilsugæslan skipuleggur sýnatökur vegna e. coli mengunar Greiddu 47 milljónir fyrir 175 hjálma fyrir leiðtogafundinn Heildarakstur í þjóðvegakerfi nærri tvöfaldast á tuttugu árum „Ég held að það þurfi að koma böndum á þetta“ Þakklát fyrir þrjósku hundsins Gætu þurft að loka Fjölskyldulandi „Þetta gæti bara byrjað hvenær sem er“ Einbeitti sér alfarið að Svedda Tönn Sjá meira