Ný stefna HÍ á afmælisári

Kristín Ingólfsdóttir, rektor Háskóla Íslands, opnar í dag dagskrá afmælishátíðar háskólans, en hann fagnar aldarafmæli hinn 17. júní.

Á kynningunni, sem hefst klukkan 11, mun menntamálaráðherra opna nýjan afmælisvef og rektor gerir grein fyrir dagskrá afmælisársins. Þar má meðal annars nefna að þekktir fræðimenn halda fyrirlestra í skólanum auk þess sem fjölbreyttar uppákomur verða úti um allt land og aldarsaga háskólans kemur út.

Í dag verður einnig kynnt ný framtíðarstefna háskólans til næstu fimm ára.- þj