Ashton Kutcher tekur við af Charlie Sheen

Arftaki Charlie Sheen í þáttunum Two And A Half Man er fundinn. Það er enginn annar en hjartaknúsarinn Ashton Kutcher.

Fjölmiðlar í Bandaríkjunum fullyrða að hann hafi skrifað undir samning og muni leika karakterinn „Charlie“ í þáttunum í næstu þáttaröð. Orðrómur um að Ashton tæki við af djammaranum mikla spurðust út á fimmtudaginn og hefur hann nú verið staðfestur.

Ashton hefur leikið í fjölmörgum bíómyndum og þáttum á ferli sínum. Hann stjórnaði meðal annars þáttunum Punk'd sem sýndir voru á Stöð 2 fyrir nokkrum árum og þá er hann giftur stórleikkonunni Demi Moore.