Í samstarf við tískurisa 18. nóvember 2011 13:00 Hugrún Dögg Árnadóttir og Magni Þorsteinsson hjá Kron by Kronkron eru hæstánægð með samstarfið við franska fyrirtækið Mariu Luisu. Fréttablaðið/Valli „Þetta hefur alveg gríðarlega þýðingu fyrir okkur markaðslega séð og á vafalaust eftir að opna margar dyr. Fyrir okkur sem hönnunarfyrirtæki hefur auðvitað líka heilmikið að segja að vera sett í hóp með jafn áhrifaríkum hönnuðum. Hvað þá ef þeir eru valdir af leiðandi fyrirtæki eins og Mariu Luisu.“ Þetta segir Magni Þorsteinsson, annar eigenda Kron by Kronkron sem er komið í samstarf við franska tískurisann Mariu Luisu um hönnun, framleiðslu og sölu á skóm. Skórnir verða hluti af línu sem fyrirtækið lét hanna sérstaklega fyrir vefverslun sína 3suisses sem er sú stærsta í Frakklandi. Línan samanstendur af hlutum úr smiðju nokkurra af nafntoguðustu hönnuðum heims, Jonathans Saunders, Bernhards Willhelm, Yazbukey, Richards Nicoll og fleiri. Hún verður kynnt til sögunnar í lok mánaðarins og kemur á markað eftir áramót. „Maria Luisa er ávallt með puttann á púlsinum og ákvað að leiða saman krafta fólks sem fyrirtækinu þykir skara fram úr í hönnun í því skyni að vekja athygli almennings á tísku. Það hefur lengi haft augastað á Kron by Kronkron vegna einstakrar og spennandi hönnunar og bauð okkur þess vegna að vera með í að setja saman þessa línu fyrir 3suisses,“ segir Magni en útkoman verður í anda þeirrar skótísku sem Kron by Kronkron hefur getið sér gott orð fyrir; litrík, tímalaus og þægileg. Magni tekur þó fram að ekki sé eins mikið lagt upp úr smáatriðum og fjölda lita og áður þar sem skórnir komi til með að fara í fjöldaframleiðslu. „Enda hugsaðir fyrir miklu stærri markað þar sem vefverslun Mariu Luisu, 3suisses, er gríðarlega stór,“ bendir hann á og bætir við að Maria Luisa muni síðan að auki hefja sölu á aðallínu Kron by Kronkron í verslunum sínum í Asíu, það er í Hong Kong, Qatar og víðar eftir áramót. „Asíumarkaður hefur einmitt reynst okkur rosalega vel í gegnum tíðina,“ nefnir hann. roald@frettabladid.is Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Sunneva og Tanja ræða lýtaaðgerðirnar sínar Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
„Þetta hefur alveg gríðarlega þýðingu fyrir okkur markaðslega séð og á vafalaust eftir að opna margar dyr. Fyrir okkur sem hönnunarfyrirtæki hefur auðvitað líka heilmikið að segja að vera sett í hóp með jafn áhrifaríkum hönnuðum. Hvað þá ef þeir eru valdir af leiðandi fyrirtæki eins og Mariu Luisu.“ Þetta segir Magni Þorsteinsson, annar eigenda Kron by Kronkron sem er komið í samstarf við franska tískurisann Mariu Luisu um hönnun, framleiðslu og sölu á skóm. Skórnir verða hluti af línu sem fyrirtækið lét hanna sérstaklega fyrir vefverslun sína 3suisses sem er sú stærsta í Frakklandi. Línan samanstendur af hlutum úr smiðju nokkurra af nafntoguðustu hönnuðum heims, Jonathans Saunders, Bernhards Willhelm, Yazbukey, Richards Nicoll og fleiri. Hún verður kynnt til sögunnar í lok mánaðarins og kemur á markað eftir áramót. „Maria Luisa er ávallt með puttann á púlsinum og ákvað að leiða saman krafta fólks sem fyrirtækinu þykir skara fram úr í hönnun í því skyni að vekja athygli almennings á tísku. Það hefur lengi haft augastað á Kron by Kronkron vegna einstakrar og spennandi hönnunar og bauð okkur þess vegna að vera með í að setja saman þessa línu fyrir 3suisses,“ segir Magni en útkoman verður í anda þeirrar skótísku sem Kron by Kronkron hefur getið sér gott orð fyrir; litrík, tímalaus og þægileg. Magni tekur þó fram að ekki sé eins mikið lagt upp úr smáatriðum og fjölda lita og áður þar sem skórnir komi til með að fara í fjöldaframleiðslu. „Enda hugsaðir fyrir miklu stærri markað þar sem vefverslun Mariu Luisu, 3suisses, er gríðarlega stór,“ bendir hann á og bætir við að Maria Luisa muni síðan að auki hefja sölu á aðallínu Kron by Kronkron í verslunum sínum í Asíu, það er í Hong Kong, Qatar og víðar eftir áramót. „Asíumarkaður hefur einmitt reynst okkur rosalega vel í gegnum tíðina,“ nefnir hann. roald@frettabladid.is
Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Sunneva og Tanja ræða lýtaaðgerðirnar sínar Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira