Fengu aðstoð við Meyjarsæti

Björgunarsveit var kölluð út seint í gærkvöldi til að aðstoða ökumann og nokkra farþega, sem sátu fastir í Econoline bíl við Meyjarsæti á Uxahryggjaleið, norðan við Þingvelli.

Leiðin er ófær nema vel búnum fjórhjóaldrifs bílum, en þessi, sem er í eigu ferðaþjónustufyrirtækis, var aðeins með afturdrif.

Björgunarmenn komu bílnum upp á veginn og hjálpuðu ökumanni aftur niður brekkuna, sem hann hafði ætlað upp og var aðgerðinni lokið um klukkan eitt í nótt.