Frumflytur dansverk í Tókýó 4. júní 2012 17:00 Ragnheiður Bjarnason danslistakona. Danslistakonan Ragnheiður Bjarnason frumflutti um helgina dansverkið Frosting í galleríinu XYZ collective í Tókýó. Frosting er lifandi innsetning þar sem dans, tónlist og myndlist mynda eitt listaverk. Ragnheiður Bjarnason er höfundur verksins, en hún bjó einnig til sviðsmynd og búninga, auk þess að dansa í verkinu. Belginn Benjamin Dousselaere sá um tónlistina. Hugmyndin um glassúr og notkun þess í daglegu lífi er það sem Ragnheiður vinnur með í verkinu. „Við reynum alltaf að fegra raunveruleikann á einhvern hátt. Í Frosting tek ég aðallega á kvenlíkamanum, þar sem ég er kona, og skoða hvernig við konur fegrum hann og pússum, fyllum upp í allar fellingar og hrukkur. Við breytum líkamanum eftir hentugleika samfélagsins hverju sinni, áður en við höldum út í okkar daglega amstur," útskýrir Ragnheiður. „Glassúr er sætur og góður, lúkkar vel og hefur engar glufur né hrukkur, aðeins slétt yfirborð. Það er allt fallegra þegar glassúrinn er kominn á." Ragnheiður fékk hugmyndina að verkinu þegar hún var við nám í fataiðn í Tækniskólanum síðasta vetur. Út frá því varð hún forvitin um klæðaburð kvenna frá fornu fari og fannst áhugavert að rýna í hvernig konur hafa alltaf sveigt og beygt líkama sinn eftir hentisemi tískunnar hverju sinni. „Oftast eru þessar aðferðir frekar ógnvekjandi og kvalafullar. Ekkert hefur breyst. Það eina sem við höfum núna í meira magni eru aðgerðir til að halda í það sem telst vera fagurt. Enn er verið að móta kvenlíkamann eftir ákveðnum tískustraumum og fegurðarmótum sem breytast örar en við höldum."Frosting. Í verkinu vinnur Ragnheiður með hugmyndir um glassúr og hvernig það er notað í daglegu lífi til að fegra raunveruleikann.Ragnheiður dvelur í Tókýó í sumar með unnusta sínum, Snæbirni Brynjarssyni, en hann er í námi þar. Hún heimsótti hann fyrst í desember síðastliðnum og kynntist þá japönskum umboðsmanni og áhugamanni um íslenska list, sem bauðst til að aðstoða hana við að setja upp sýningu í Tókýó. Þegar Ragnheiður kemur heim í ágúst stefnir hún á að sýna Frosting hér. Þangað til ætlar hún að halda áfram að njóta lífsins á nýjum slóðum. „Tókýó er bara snilld. Hér er gjörsamlega allt. Menningin er svo allt öðruvísi en við eigum að venjast heima að það er ekki hægt að lýsa því. Ef þú ert ekki búin að fara til Japans þá ætti það að vera á topp 5 listanum yfir staði til að heimsækja næstu árin." holmfridur@frettabladid.is Menning Mest lesið Vala Grand gengin út Lífið Lil Curly og Brynja ekki lengur bara vinir Lífið Brad Pitt stoppaði í hamborgara í Dalakofanum Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Segist standa með Helga Magnúsi gegn hótunum Lífið Fjögur börn og trúlofun hjá Evu Dögg Lífið Stjörnulífið: Stjörnubrúðkaup og Áslaug Arna í golfi Lífið Spjótin hætta ekki að beinast að Blake Lively Lífið Frægir kynnar á ráðstefnu Demókrata Lífið Stórstjörnur og lúðrasveit í brúðkaupi Fanneyjar og Teits Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Danslistakonan Ragnheiður Bjarnason frumflutti um helgina dansverkið Frosting í galleríinu XYZ collective í Tókýó. Frosting er lifandi innsetning þar sem dans, tónlist og myndlist mynda eitt listaverk. Ragnheiður Bjarnason er höfundur verksins, en hún bjó einnig til sviðsmynd og búninga, auk þess að dansa í verkinu. Belginn Benjamin Dousselaere sá um tónlistina. Hugmyndin um glassúr og notkun þess í daglegu lífi er það sem Ragnheiður vinnur með í verkinu. „Við reynum alltaf að fegra raunveruleikann á einhvern hátt. Í Frosting tek ég aðallega á kvenlíkamanum, þar sem ég er kona, og skoða hvernig við konur fegrum hann og pússum, fyllum upp í allar fellingar og hrukkur. Við breytum líkamanum eftir hentugleika samfélagsins hverju sinni, áður en við höldum út í okkar daglega amstur," útskýrir Ragnheiður. „Glassúr er sætur og góður, lúkkar vel og hefur engar glufur né hrukkur, aðeins slétt yfirborð. Það er allt fallegra þegar glassúrinn er kominn á." Ragnheiður fékk hugmyndina að verkinu þegar hún var við nám í fataiðn í Tækniskólanum síðasta vetur. Út frá því varð hún forvitin um klæðaburð kvenna frá fornu fari og fannst áhugavert að rýna í hvernig konur hafa alltaf sveigt og beygt líkama sinn eftir hentisemi tískunnar hverju sinni. „Oftast eru þessar aðferðir frekar ógnvekjandi og kvalafullar. Ekkert hefur breyst. Það eina sem við höfum núna í meira magni eru aðgerðir til að halda í það sem telst vera fagurt. Enn er verið að móta kvenlíkamann eftir ákveðnum tískustraumum og fegurðarmótum sem breytast örar en við höldum."Frosting. Í verkinu vinnur Ragnheiður með hugmyndir um glassúr og hvernig það er notað í daglegu lífi til að fegra raunveruleikann.Ragnheiður dvelur í Tókýó í sumar með unnusta sínum, Snæbirni Brynjarssyni, en hann er í námi þar. Hún heimsótti hann fyrst í desember síðastliðnum og kynntist þá japönskum umboðsmanni og áhugamanni um íslenska list, sem bauðst til að aðstoða hana við að setja upp sýningu í Tókýó. Þegar Ragnheiður kemur heim í ágúst stefnir hún á að sýna Frosting hér. Þangað til ætlar hún að halda áfram að njóta lífsins á nýjum slóðum. „Tókýó er bara snilld. Hér er gjörsamlega allt. Menningin er svo allt öðruvísi en við eigum að venjast heima að það er ekki hægt að lýsa því. Ef þú ert ekki búin að fara til Japans þá ætti það að vera á topp 5 listanum yfir staði til að heimsækja næstu árin." holmfridur@frettabladid.is
Menning Mest lesið Vala Grand gengin út Lífið Lil Curly og Brynja ekki lengur bara vinir Lífið Brad Pitt stoppaði í hamborgara í Dalakofanum Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Segist standa með Helga Magnúsi gegn hótunum Lífið Fjögur börn og trúlofun hjá Evu Dögg Lífið Stjörnulífið: Stjörnubrúðkaup og Áslaug Arna í golfi Lífið Spjótin hætta ekki að beinast að Blake Lively Lífið Frægir kynnar á ráðstefnu Demókrata Lífið Stórstjörnur og lúðrasveit í brúðkaupi Fanneyjar og Teits Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira