Víkingur Heiðar og önnur hugmynd um norðrið 23. september 2012 14:00 Víkingur Heiðar leikur tónlist sem tengist píanóleikaranum Gould á einn eða annan hátt á tónleikunum sem haldnir verða á þriðjudag. Mynd/Karólína Á þriðjudaginn kemur hefði kanadíski píanóleikarinn Glenn Gould orðið áttræður. Þann dag heldur Víkingur Heiðar Kristjánsson píanóleikari tónleika í Hörpu undir yfirskriftinni Önnur hugmynd um norðrið. Heitið kallast á við útvarpsþætti sem Gould gerði, The Idea of North, en í þeim talaði Gould við íbúa sem bjuggu á afskekktum slóðum í Kanada. Gould er í miklu uppáhaldi hjá Víkingi Heiðari en hugmyndin að því að hann setti saman dagskrá í minningu listamannsins kom frá Peter Paul Kainrath, listrænum stjórnanda Busoni-tónlistarhátíðarinnar á Ítalíu. „Hann hringdi í mig með það erindi að vinna að tónleikum tileinkuðum Gould, diskurinn minn hafði vakið með honum hugrenningartengsl við Gould og þannig varð þessi dagskrá til." Tónleikarnir eru nokkurs konar samtal Víkings Heiðars við píanóleikarann sem er þekktasti píanóleikari 20. aldarinnar. „Mig langaði til að gera eitthvað óvenjulegt. Og vinna þannig í anda Goulds sem stundaði mikla tilraunastarfsemi sjálfur. Þannig varð úr að annars vegar setti ég saman prógramm þar sem ég vann með einangrunarstefið, sem Gould hafði sjálfur unnið með í þáttum sínum um norðrið. Hins vegar fann ég til margvíslega búta úr viðtölum við Gould og leik þá á milli verka. Ég hafði stúderað Gould töluvert mikið og vissi því hvar ég gat leitað fanga," segir Víkingur Heiðar. Gould var mjög frægur fyrir túlkun sína á Bach og fyrri hluti tónleikanna er helgaður verkum hans. Á síðari hluta tónleikanna verða síðrómantísk verk eftir Brahms, Grieg, Sibelius og Wagner; verk sem á einn eða annan hátt tengjast Gould og þema útvarpsþáttarins. „Gould var mjög skapandi og fyrir utan píanóleik sinn gerði hann bæði sjónvarps- og útvarpsþætti. Þess má svo geta að hann hætti að koma fram á tónleikum 32 ára, hann vildi hafa fullkomna stjórn á aðstæðum og það er auðvitað ekki hægt á tónleikum. Að mínu mati var hann mest skapandi og túlkandi listamaður síðustu aldar og hann hefur haft mjög mikil áhrif á mig. En það eru svo sem skiptar skoðanir á honum, ég hitti frægan píanista á dögunum sem spurði mig hvernig ég þoldi Gould," segir Víkingur Heiðar sem hefur flutt dagskrá sína um norðrið tvisvar á áðurnefndri Busoni-hátíð og svo núna í vikunni á MITO-hátíðinni í Mílanó. Víkingur Heiðar flytur dagskrána svo í Eskifjarðarkirkju um helgina og sem fyrr segir í Norðurljósasal Hörpu klukkan átta á þriðjudag. Trixin í tónlistinniAuk þess að sinna tónlistinni vinnur Víkingur Heiðar um þessar mundir að gerð sjónvarpsþátta um tónlist ásamt Höllu Oddnýju Magnúsdóttur sambýliskonu sinni. „Við erum á lokasprettinum, erum búin að taka upp ýmislegt og Halla er nú í Bretlandi að tala við alls konar áhugavert fólk, taugasérfræðinga, heimspekinga og þar fram eftir götunum," segir Víkingur Heiðar. Þættirnir fjalla um tónlist frá margvíslegum sjónarhornum. „Við ætlum til dæmis að útskýra trixin í tónlistinni í einum þættinum, hvernig tónlist virkar á fólk. Svo munum við fjalla um hlutverk flytjandans og skoða ólík sjónarmið listamanna á það, við fjöllum um ljóðasöng og nýja tónlist, svo eitthvað sé nefnt." Víkingur Heiðar segir að meðal þeirra sem hafi veitt honum innblástur við gerð þáttanna hafi verið Glenn Gould. „Gould og Leonard Bernstein gerðu báðir þætti um tónlist sem eru virkilega góðir og hafa gefið mér ótal hugmyndir." sigridur@frettabladid.is Menning Mest lesið Vala Grand gengin út Lífið Lil Curly og Brynja ekki lengur bara vinir Lífið Brad Pitt stoppaði í hamborgara í Dalakofanum Lífið Segist standa með Helga Magnúsi gegn hótunum Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Fjögur börn og trúlofun hjá Evu Dögg Lífið Spjótin hætta ekki að beinast að Blake Lively Lífið Stjörnulífið: Stjörnubrúðkaup og Áslaug Arna í golfi Lífið Frægir kynnar á ráðstefnu Demókrata Lífið Stórstjörnur og lúðrasveit í brúðkaupi Fanneyjar og Teits Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Á þriðjudaginn kemur hefði kanadíski píanóleikarinn Glenn Gould orðið áttræður. Þann dag heldur Víkingur Heiðar Kristjánsson píanóleikari tónleika í Hörpu undir yfirskriftinni Önnur hugmynd um norðrið. Heitið kallast á við útvarpsþætti sem Gould gerði, The Idea of North, en í þeim talaði Gould við íbúa sem bjuggu á afskekktum slóðum í Kanada. Gould er í miklu uppáhaldi hjá Víkingi Heiðari en hugmyndin að því að hann setti saman dagskrá í minningu listamannsins kom frá Peter Paul Kainrath, listrænum stjórnanda Busoni-tónlistarhátíðarinnar á Ítalíu. „Hann hringdi í mig með það erindi að vinna að tónleikum tileinkuðum Gould, diskurinn minn hafði vakið með honum hugrenningartengsl við Gould og þannig varð þessi dagskrá til." Tónleikarnir eru nokkurs konar samtal Víkings Heiðars við píanóleikarann sem er þekktasti píanóleikari 20. aldarinnar. „Mig langaði til að gera eitthvað óvenjulegt. Og vinna þannig í anda Goulds sem stundaði mikla tilraunastarfsemi sjálfur. Þannig varð úr að annars vegar setti ég saman prógramm þar sem ég vann með einangrunarstefið, sem Gould hafði sjálfur unnið með í þáttum sínum um norðrið. Hins vegar fann ég til margvíslega búta úr viðtölum við Gould og leik þá á milli verka. Ég hafði stúderað Gould töluvert mikið og vissi því hvar ég gat leitað fanga," segir Víkingur Heiðar. Gould var mjög frægur fyrir túlkun sína á Bach og fyrri hluti tónleikanna er helgaður verkum hans. Á síðari hluta tónleikanna verða síðrómantísk verk eftir Brahms, Grieg, Sibelius og Wagner; verk sem á einn eða annan hátt tengjast Gould og þema útvarpsþáttarins. „Gould var mjög skapandi og fyrir utan píanóleik sinn gerði hann bæði sjónvarps- og útvarpsþætti. Þess má svo geta að hann hætti að koma fram á tónleikum 32 ára, hann vildi hafa fullkomna stjórn á aðstæðum og það er auðvitað ekki hægt á tónleikum. Að mínu mati var hann mest skapandi og túlkandi listamaður síðustu aldar og hann hefur haft mjög mikil áhrif á mig. En það eru svo sem skiptar skoðanir á honum, ég hitti frægan píanista á dögunum sem spurði mig hvernig ég þoldi Gould," segir Víkingur Heiðar sem hefur flutt dagskrá sína um norðrið tvisvar á áðurnefndri Busoni-hátíð og svo núna í vikunni á MITO-hátíðinni í Mílanó. Víkingur Heiðar flytur dagskrána svo í Eskifjarðarkirkju um helgina og sem fyrr segir í Norðurljósasal Hörpu klukkan átta á þriðjudag. Trixin í tónlistinniAuk þess að sinna tónlistinni vinnur Víkingur Heiðar um þessar mundir að gerð sjónvarpsþátta um tónlist ásamt Höllu Oddnýju Magnúsdóttur sambýliskonu sinni. „Við erum á lokasprettinum, erum búin að taka upp ýmislegt og Halla er nú í Bretlandi að tala við alls konar áhugavert fólk, taugasérfræðinga, heimspekinga og þar fram eftir götunum," segir Víkingur Heiðar. Þættirnir fjalla um tónlist frá margvíslegum sjónarhornum. „Við ætlum til dæmis að útskýra trixin í tónlistinni í einum þættinum, hvernig tónlist virkar á fólk. Svo munum við fjalla um hlutverk flytjandans og skoða ólík sjónarmið listamanna á það, við fjöllum um ljóðasöng og nýja tónlist, svo eitthvað sé nefnt." Víkingur Heiðar segir að meðal þeirra sem hafi veitt honum innblástur við gerð þáttanna hafi verið Glenn Gould. „Gould og Leonard Bernstein gerðu báðir þætti um tónlist sem eru virkilega góðir og hafa gefið mér ótal hugmyndir." sigridur@frettabladid.is
Menning Mest lesið Vala Grand gengin út Lífið Lil Curly og Brynja ekki lengur bara vinir Lífið Brad Pitt stoppaði í hamborgara í Dalakofanum Lífið Segist standa með Helga Magnúsi gegn hótunum Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Fjögur börn og trúlofun hjá Evu Dögg Lífið Spjótin hætta ekki að beinast að Blake Lively Lífið Stjörnulífið: Stjörnubrúðkaup og Áslaug Arna í golfi Lífið Frægir kynnar á ráðstefnu Demókrata Lífið Stórstjörnur og lúðrasveit í brúðkaupi Fanneyjar og Teits Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira