Tveimur meðlimum Hells Angels vísað úr landi

Tveir meðlimir vélhjólagengisins Hells Angels voru stöðvaðir á Keflavíkurflugvelli á föstudaginn og síðan vísað úr landi.Mennirnir tveir voru hingað komnir vegna tveggja ára afmælishátíðar vélhjólagengisins Hells Angels hér á landi, sem fram fór um helgina. Annar þeirra er verðandi meðlimur Hells Angels í Rúmeníu, en hinn fullgildur meðlimur HA- klúbbs í Noregi.Lögreglan á Suðurnesjum handtók mennina og tók Útlendingastofnun síðan ákvörðun um að frávísa þeim, að því er segir í tilkynningu frá lögreglunni.