Hörður Axel til Spánar

Landsliðsmaðurinn Hörður Axel Vilhjálmsson er búinn að finna sér nýtt félag. Hann samdi við spænska úrvalsdeildarliðið CB Valladolid.

Hörður Axel verður þar með þriðji Íslendingurinn sem spilar í deildinni en þar eru fyrir Jón Arnór Stefánsson og Haukur Helgi Pálsson.

Hörður kemur til félagsins frá þýska liðinu Mitteldeutscher þar sem hann skoraði níu stig að meðaltali í leik síðasta vetur.

Hann æfði með öðru spænsku félagi, Bilbao Basket, á dögunum en fékk ekki samning þar.