Páll Hilmarsson, eiginmaður Hildar Lilliendahl, hefur birt afsökunarbeiðni á bloggsíðu sinni vegna ummæla sem voru til umfjöllunar í Kastljósi í gærkvöldi.
Í þættinum sagði söngkonan Hafdís Huld Þrastardóttir frá ummælum sem notandinn NöttZ lét fjalla um sig á samskiptamiðlinum Bland.is fyrir fimm árum. Hildur Lilliendahl hefur gengist við því að eiga notendanafnið NöttZ en benti á að eiginmaður sinn bæri ábyrgð á hluta ummælanna.
Páll segir að sér þyki ömurlegt að Hafdís Huld hafi þjáðst vegna orða sinna á vefnum haustið 2009. Hann eigi sér engar málsbætur.
Hildur skrifaði sjálf Fésbókarfærslu í gærkvöldi þar sem hún baðst afsökunar á ummælum sínum sem fjallað hefði verið um í fjölmiðlum. Þá sagðist hún í viðtali við Vísi í gær aldrei hafa haldið því fram að hún væri einhver engill.
Afsökunarbeiðni Páls má sjá hér að neðan.
Í gær birti Kastljós viðtal við söngkonuna Hafdísi Huld. Þar kom fram að hún hefur þjáðst vegna þess sem ég lét frá mér á vefnum bland.is á haustdögum 2009. Það þykir mér ömurlegt. Ég vil biðja hana, sem og alla aðra, innilega afsökunar á því. Það var ljótt, illgjarnt og allsendis óverðskuldað. Ég á mér engar málsbætur.
Það eina sem ég get gert er að læra af mistökum mínum og reyna að gera betur.
Aston Villa
PSG
