Rob Ford, borgarstjórinn í Toronto, var í gær lagður inn á spítala eftir að hafa gengist undir ýmsar rannsóknir sem bentu til þess að hann væri með æxli.
Ford á að hafa kvartað undan verkjum undanfarna mánuði en hann hefur verið tíður gestur í fjölmiðlum um allan heima að undanförnu vegna áfengis- og fíkniefnaneyslu sinnar.
Borgarstjórnin í Toronto í Kanada ákvað í nóvember að svipta borgarstjórann nær öllum völdum.
Ford hefur verið mikið í sviðsljósinu en hann hefur meðal annars viðurkennt að hafa reykt krakk í borgarstjóratíð sinni auk þess sem myndband birtist af honum á sínum tíma þar sem hann hótar manni kvalarfullum dauðdaga.
Ford hefur gefið það út að hann ætli sér að ná endurkjöri í borgarstjórnarkosningum í október.
Chelsea
Tottenham
