Innlent

Meiðyrðamál Mumma í Götusmiðjunni: Ummælin dæmd ómerk

Sunna Karen Sigurþórsdóttir skrifar
Guðmundur Týr Þórarinsson og Bragi Guðbrandsson.
Guðmundur Týr Þórarinsson og Bragi Guðbrandsson.
Dómur féll í dag í Héraðsdómi Reykjavíkur í meiðyrðamáli Guðmundar Týs Þórarinssonar, forstöðumanns Götusmiðjunnar, gegn Braga Guðbrandssyni forstjóra Barnaverndarstofu. 

Málið var afar umdeilt og stór orð látin falla sem varð til þess að Götusmiðjunni var lokað árið 2010. Var Guðmundur, sem oftast er kallaður Mummi, meðal annars sakaður um að hafa hótað börnum vistheimilisins ofbeldi og limlestingum. 

Bragi lét þau ummæli falla, meðal annars í samtali við Vísi og RÚV, að ákveðin samskipti Mumma hafi farið út fyrir öll velsæmismörk og að framganga Mumma hafi valdið börnum vistheimilisins vanlíðan og óöryggi. Sagði hann að um stjórnunarvanda hafi verið að ræða sem síðar hafi farið að bitna á börnunum og skaðað þau. Því hafi verið gripið til þeirra aðgerða að loka meðferðarheimilinu.

Ummæli þessi voru dæmt ómerk og er Braga því gert að greiða Mumma 400 þúsund krónur í bætur auk greiðslu alls sakarkostnaðar, samtals 650 þúsund krónur. 

Götusmiðjunni var formlega lokað í júnímánuði 2010 í kjölfar þessara ásakana en Mummi hefur ávallt haldið fram sakleysi sínu. Hann hefur nú ákveðið að opna Götusmiðjuna að nýju og segir brýna þörf fyrir meðferðarúrræði sem þessi fyrir ungmenni sem leiðst hafa út í heim áfengis og vímuefna.


Tengdar fréttir

Götusmiðjan: Vill að félagsmálaráðuneytið komi að málinu

Guðmundur Týr Þórarinsson forstöðumaður Götusmiðjunnar sem lokað var í gær af Barnaverndarstofu, krefst þess að félagsmálaráðuneytið komi að lausn ágreiningsins sem uppi er á milli Guðmundar og Barnaverndarstofu. Hann fullyrðir að Bragi Guðbrandsson forstöðumaður Barnaverndarstofu hafi boðist til að kaupa Götusmiðjuna af Guðmundi. Síðar hafi hann hætt við kaupin.

Forstöðumaður Götusmiðjunnar vísar ásökunum um ofbeldi á bug

Forstöðumaður Götusmiðjunnar íhugar málaferli gegn Barnaverndarstofu sem lokaði heimilinu í kvöld og sendi átta ungmenni heim. Forstöðumaðurinn, Guðmundur Týr Þórarinsson gjarnan kallaður Mummi, segir börnin hafi verið fjarlægð með ólögmætum hætti úr meðferð Götusmiðjunnar. Hann vísar ásökunum líkamsmeiðingar á bug.

Mummi í Mótorsmiðjunni er í fjölmiðlabanni

Guðmundur Týr Þórarinsson, betur þekktur sem Mummi í Götusmiðjunni, segir í yfirlýsingu til fjölmiðla vera í fjölmiðlabanni til 15. júlí, samkvæmt samningi við Barnaverndarstofu.

Götusmiðjan opnar aftur á ný

"Við erum eina vestræna borgin sem rekum ekki neyðarúrræði fyrir unglinga á götunni. Það er ekki til. Það er blóðugt að samfélagið bjóði ekki upp á stað þar sem þessir krakkar geta komið saman,“ segir Guðmundur Týr Þórarinsson.

Sættir í málefnum Götusmiðjunnar

Barnaverndarstofa og Götusmiðjan hafa náð samkomulagi um að Götusmiðjan hætti rekstri meðferðarheimilisins. Barnaverndarstofa og Götusmiðjan eru sammála um að þrátt fyrir að Götusmiðjan hafi unnið gott starf í þágu barna og ungmenna á undanförnum árum sé tímabært að ljúka samstarfi aðila.

Götusmiðjan vill bætur líkt og Árbót

Hugsanlegt er að ríkið hafi bakað sér bótaskyldu með greiðslu 30 milljóna króna bóta til meðferðarheimilisins Árbótar í Þingeyjarsýslu. Lögfræðingur Götusmiðjunnar segir að samið hafi verið við skjólstæðing sinn á allt öðrum forsendum í sumar og ætlar með málið lengra á grundvelli jafnræðisreglu stjórnarskrárinnar.

Barnaverndayfirvöld brutu ekki á Götusmiðjunni

Barnaverndaryfirvöld fóru að málsmeðferðarreglum barnaverndarlaga og stjórnsýslulaga við rannsókn á málefnum Götusmiðjunnar og tóku ákvarðanir sínar með hagsmuni barnanna að leiðarljósi eins og þeim er skylt. Þetta kemur fram í niðurstöðu félags- og tryggingamálaráðuneytisins sem hefur lokið athugun sinni á meðferð málsins.

Bragi varaði við fordæmisgildinu

Fram kom í Fréttablaðinu í gær að lögmaður Götusmiðjunnar teldi að jafnræðisregla stjórnarskrárinnar hefði verið brotin þegar ráðherrar blönduðu sér í samningaviðræður um uppgjör við Árbótarhjónin, enda hefði Götusmiðjan fengið allt aðra meðferð í kerfinu þegar samningnum við hana var sagt upp. Sagðist hann ætla að kvarta yfir málinu til umboðsmanns Alþingis.

Rannsókn á starfsháttum Braga Guðbrandssonar

Skýrsla ríkisendurskoðunar um „þjónustusamninga Barnaverndarstofu og lok þeirra“ hefur verið til umfjöllunar í fjölmiðlum. Meðferðarheimilið Torfastöðum hefur verið drengið inní þá umfjöllun og hljómar eins og að okkur hafi verið sagt upp samningi við ríkið. Það var ekki

Saka Guðmund um einelti og hroka

Barnaverndarstofu barst kvörtunarbréf, undirritað af tíu starfsmönnum Götusmiðjunnar, í maí síðastliðnum. Í bréfinu lýsa starfsmenn yfir áhyggjum af starfsemi meðferðarheimilisins og saka Guðmund Tý Þórarinsson, forstöðumann stofnunarinnar, um einelti. Í bréfinu segir einnig að Guðmundur komi mjög sjaldan og óreglulega inn í Götusmiðjuna og þegar hann komi þá sé hann með yfirgang, frekju og hroka.

Götusmiðjunni lokað - átta ungmenni send heim

Meðferðarheimilinu Götusmiðjunni hefur verið lokað og voru allir skjólstæðingar heimilisins sendir heim í kvöld að kröfu barnaverndaryfirvalda. „Undirrótin er fyrst og fremst stjórnunarvandi á staðnum og þegar vandinn var farinn að bitna á meðferðinni og skaða börnin fannst okkur ekki annað hægt en að grípa til þessara aðgerða,“ segir Bragi Guðbrandsson, forstjóri Barnaverndarstofu.

Segir Guðmund hafa vakið ótta og kvíða

Forstjóri Barnaverndarstofu segir forstöðumann Götusmiðjunnar hafa með framkomu sinni vakið ótta og kvíða meðal þeirra barna sem þar voru í vistun, en smiðjunni var lokað í gær. Forstöðumaðurinn hafnar því og segir forstjórann ganga of hart fram, eðlilegra hefði verið að veita sér áminningu.

Mest lesið


Fleiri fréttir

Sjá meira


×

Mest lesið