Heimir Hallgrímsson og Lars Lagerbäck landsliðsþjálfarar Íslands í fótbolta hafa kallað Guðlaug Victor Pálsson inn í landsliðshóp Íslands fyrir leikinn gegn Eistlandi á miðvikudaginn.
Guðlaugur Victor sem leikur með NEC Nijmegen í Hollandi kemur inn í hópinn í stað Kristjáns Gauta Emilssonar leikmanns FH sem er meiddur.
Guðlaugur Victor hefur áður verið valinn í landsliðið en hefur ekki enn spilað sinn fyrsta landsleik.
Guðlaugur Victor inn í landsliðshópinn
