Gunnlaugur: Stjarnan þarf að stöðva Atla Guðnason Ingvi Þór Sæmundsson skrifar 1. október 2014 07:00 Veigar Páll Gunarsson, leikmaður Stjörnunnar. Á laugardaginn ráðast úrslitin í Pepsi-deild karla þegar FH og Stjarnan mætast í Kaplakrika. Þetta er í fyrsta sinn í 13 ár sem Íslandsmótinu lýkur með hreinum úrslitaleik milli tveggja efstu liðanna og í fjórða skiptið á síðustu 18 árum sem slíkur leikur fer fram. „Það er frábært að fá þennan úrslitaleik. Það er ekkert ósvipað að fara inn í svona leik og bikarúrslitaleik; þú færð engan annan séns,“ segir Gunnlaugur Jónsson sem þekkir það betur en flestir hvernig er að spila úrslitaleiki um Íslandsmeistaratitilinn. Hann lék tvo slíka með ÍA á sínum tíma; gegn KR 1996 og ÍBV fimm árum seinna. Fréttablaðið fékk Gunnlaug, sem er þjálfari ÍA í dag, til að spá í spilin fyrir úrslitaleik FH og Stjörnunnar og rifja upp úrslitaleikina tvo sem hann spilaði. FH hefur verið á toppnum íslenskum fótbolta undanfarinn áratug, en Hafnarfjarðarliðið hefur ekki endað neðar en í 2. sæti síðan 2003. Sex Íslandsmeistaratitlar hafa unnist á þessum tíma, auk tveggja bikarmeistaratitla. Stjarnan hefur ekki enn landað stórum titli í karlaboltanum, en liðið tapaði í úrslitum bikarkeppninnar 2012 og 2013. Gunnlaugur segir að sigurhefðin gæti skipt sköpum á laugardaginn. „Það er komin ofboðsleg hefð hjá FH. Kjarninn er búinn að vera þarna öll þessi ár, þeir hafa aldrei lent neðar en í öðru sæti, spilað bikarúrslitaleiki og unnið titla. FH-ingar vita alveg hvernig á að undirbúa svona leiki og þeir hafa gert þetta svo oft áður. Þeir hafa það fram yfir Stjörnuna, líkt við höfðum sigurhefðina fram yfir KR 1996,“ sagði Gunnlaugur. Stjarnan er, líkt og FH, taplaus í deildinni, auk þess sem liðið fór langt í forkeppni Evrópudeildarinnar. „Ég dáist að frammistöðu Stjörnunnar í sumar,“ segir Gunnlaugur. „Þetta er ótrúlega sterkt hjá þannig séð óreyndu þjálfarateymi. Þótt Rúnar Páll (Sigmundsson) hafi talsverða reynslu er þetta fyrsta tímabilið hans sem þjálfari í efstu deild. En hann og aðstoðarmenn hans hafa unnið stórkostlegt starf. Nú er bara spurning hvort þeir nái að klára þennan stóra leik.“ Stjarnan er þó langt frá því að vera með reynslulaust lið. Veigar Páll Gunnarsson var til að mynda í lykilhlutverki þegar KR varð Íslandsmeistari 2002 og 2003. Gunnlaugur segir að ekki megi vanmeta mikilvægi hans: „Stjarnan hefur Veigar Pál og hann kynntist því að vinna titla með KR. Hann einn gæti sett stórt strik í reikning FH-inga á laugardaginn.“ Gunnlaugur sagði jafnframt að Atli Guðnason væri maðurinn sem Stjarnan yrði að stoppa, en Atli fór á kostum gegn Val í síðustu umferð; skoraði þrennu og átti stoðsendingu, og það á afmælisdaginn sinn. „Atli Guðnason er klárlega maðurinn sem Stjarnan þarf að stoppa. En þeir eru með öflugt kantspil, vel samhæfða vörn og hafa Davíð Þór Viðarsson inni á miðjunni, en hann hefur spilað mjög vel í sumar. Það er þannig séð hvergi veikan hlekk að finna í FH-liðinu,“ sagði Gunnlaugur og bætti við: „Að sama skapi er Stjarnan með mjög sterkt lið þótt þeir sakni Michael Præst. Það kemur til með að reyna mikið á Þorra Geir Rúnarsson, ungan miðjumann Stjörnunnar, á sunnudaginn.“ Gunnlaugur segir að það sé spennandi að sjá hvernig þjálfarar liðanna ætli að leggja leikinn upp. Hann gerir þó ekki ráð fyrir að liðin taki mikla áhættu í byrjun leiks. „Það verður gaman að sjá hvernig þjálfarateymi Stjörnunnar kemur til með að skipuleggja liðið. Stjarnan hefur gert það áður í sumar að bakka aðeins aftar, þétta liðið og beita skyndisóknum, en þeir hafa mikinn hraða fram á við,“ sagði Gunnlaugur og hélt áfram: „Báðir þessir þjálfarar (Rúnar Páll og Heimir Guðjónsson, þjálfara FH) hafa unnið frábært starf í sumar. Heimir er reyndar hættur að koma manni á óvart - hann er orðinn það reyndur. Og ég veit að hann elskar þetta, að undirbúa lið fyrir svona stórleiki.“Stórkostlegur leikur Sagan endurtekur sig að einhverju leyti á laugardaginn, en Heimir var leikmaður KR árið 1996. Og líkt og með FH nú dugði KR jafntefli 1996 til að tryggja sér Íslandsmeistaratitilinn í fyrsta skipti síðan 1968. Skagamenn, sem höfðu orðið meistarar fjögur árin á undan, reyndust hins vegar sterkari á heimavelli og unnu 4-1 sigur með tveimur mörkum frá Bjarna Guðjónssyni og sitt hvoru markinu frá Ólafi Adolfssyni og Haraldi Ingólfssyni. Gunnlaugur segir leikinn ógleymanlegan: „Í minningunni var það stórkostlegur leikur. Það var troðfullur völlur og það hefðu verið fleiri áhorfendur ef Hvalfjarðargöngin hefðu verið komin. Það voru margir sem þurftu frá að hverfa í Reykjavík þaðan sem Akraborgin lagði úr höfn, Það leit ekkert sérstaklega út með veðrið. Það var þvílík rigning daganna á undan, en það stytti upp að morgni leikdags og það var frábært veður meðan leikurinn fór fram. Stemmningin á leiknum var líka frábær.“ Guðjón Þórðarson var þjálfari ÍA á þessum tíma og hann gerði nokkrar tilfærslur á sínu liði fyrir leikinn. „Guðjón kom dálítið á óvart með uppstillingunni,“ segir Gunnlaugur. „Ég var ekki fastamaður í liðinu þetta sumar, en hann stillti mér upp sem hægri bakverði og Steinari Adolfssyni sem vinstri bakverði og setti Sigursteinn Gíslason á miðjuna þar sem hann hafði ekki spilað í einhvern tíma. Og Sigursteinn naut sín mjög vel á þungum velli á móti þeirra akkeri á miðjunni, Heimi Guðjónssyni. Það gekk allt upp og þetta var stórkostlegur sigur.“Menn stóðu varla í lappirnar ÍA vann ekki Íslandsmeistaratitilinn aftur fyrr en fimm árum síðar, 2001, en Gunnlaugur segir að staðan hjá félaginu hafi verið önnur þá: „Árið 2001 var svolítið sérstakt á Akranesi. Væntingarnar voru litlar og liðinu var spáð 5.-6. sæti. Það voru litlir peningar til, sterkir leikmenn voru horfnir á braut og við vorum ekki með neinn erlendan leikmann. En yngri leikmenn voru teknir inn í liðið og stóðu sig frábærlega.“ ÍA kom flestum á óvart þetta sumar og var í toppbaráttu. Úrslitin réðust svo í lokaumferðinni þegar Skagamenn sóttu ÍBV heim, en öfugt við leikinn 1996 dugði ÍA jafntefli 2001 til að verða meistarar. „Ég man að við fórum deginum fyrir leikinn til Eyja í alveg skelfilegu veðri í Herjólfi,“ sagði Gunnlaugur um aðdraganda leiksins, en hann var fyrirliði ÍA á þessum tíma. „Við tókum æfingu fljótlega eftir að við komum og hún var skrautleg. Menn voru með riðuna og stóðu varla í lappirnar. Maður var ekkert alltof brattur og ég man að það var erfitt að fá gistingu. Við fengum þó inni á einhverju gistiheimili og sum rúmin þar voru mjög vafasöm,“ bætti Gunnlaugur við. ÍA byrjaði leikinn betur og komst fljótlega í 0-2. Tómas Ingi Tómasson, núverandi sérfræðingur Pepsi-markanna, jafnaði hins vegar leikinn með tveimur mörkum og Eyjamenn sóttu stíft undir lok leiksins. „Ég man að þeir settu inn á stóran framherja, Aleksander Ilic, og færðu miðvörðinn og fyrirliðann Hlyn Stefánsson fram og síðan dældu þeir bara háum boltum inn í vítateiginn. En við héldum þetta út og þetta var ótrúlegur sigur, einn sá óvæntasti í sögunni held ég,“ sagði Gunnlaugur að lokum. Pepsi Max-deild karla Mest lesið „Ég er mögulega búinn að spila minn síðasta leik“ Íslenski boltinn Zirkzee hetjan í sínum fyrsta leik Enski boltinn Sjáðu þegar dómarinn vísaði ljósmyndara Víkings af velli Íslenski boltinn Cailtin Clark áritaði kornabarn Körfubolti „Við erum bikarmeistarar þannig það skiptir ekki máli“ Fótbolti „Það sjá allir hve mikilvægir varamenn eru“ Enski boltinn Dagskráin í dag: Fyrsti leikur Óskars Hrafns með KR Sport „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn Myndaveisla: Mjólkin flæddi þegar Valskonur fögnuðu bikartitlinum Íslenski boltinn Fleiri fréttir Sjáðu þegar dómarinn vísaði ljósmyndara Víkings af velli Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ Uppgjörið: Sanngjarnt þegar Valskonur tryggðu sér bikarinn Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Sjá meira
Á laugardaginn ráðast úrslitin í Pepsi-deild karla þegar FH og Stjarnan mætast í Kaplakrika. Þetta er í fyrsta sinn í 13 ár sem Íslandsmótinu lýkur með hreinum úrslitaleik milli tveggja efstu liðanna og í fjórða skiptið á síðustu 18 árum sem slíkur leikur fer fram. „Það er frábært að fá þennan úrslitaleik. Það er ekkert ósvipað að fara inn í svona leik og bikarúrslitaleik; þú færð engan annan séns,“ segir Gunnlaugur Jónsson sem þekkir það betur en flestir hvernig er að spila úrslitaleiki um Íslandsmeistaratitilinn. Hann lék tvo slíka með ÍA á sínum tíma; gegn KR 1996 og ÍBV fimm árum seinna. Fréttablaðið fékk Gunnlaug, sem er þjálfari ÍA í dag, til að spá í spilin fyrir úrslitaleik FH og Stjörnunnar og rifja upp úrslitaleikina tvo sem hann spilaði. FH hefur verið á toppnum íslenskum fótbolta undanfarinn áratug, en Hafnarfjarðarliðið hefur ekki endað neðar en í 2. sæti síðan 2003. Sex Íslandsmeistaratitlar hafa unnist á þessum tíma, auk tveggja bikarmeistaratitla. Stjarnan hefur ekki enn landað stórum titli í karlaboltanum, en liðið tapaði í úrslitum bikarkeppninnar 2012 og 2013. Gunnlaugur segir að sigurhefðin gæti skipt sköpum á laugardaginn. „Það er komin ofboðsleg hefð hjá FH. Kjarninn er búinn að vera þarna öll þessi ár, þeir hafa aldrei lent neðar en í öðru sæti, spilað bikarúrslitaleiki og unnið titla. FH-ingar vita alveg hvernig á að undirbúa svona leiki og þeir hafa gert þetta svo oft áður. Þeir hafa það fram yfir Stjörnuna, líkt við höfðum sigurhefðina fram yfir KR 1996,“ sagði Gunnlaugur. Stjarnan er, líkt og FH, taplaus í deildinni, auk þess sem liðið fór langt í forkeppni Evrópudeildarinnar. „Ég dáist að frammistöðu Stjörnunnar í sumar,“ segir Gunnlaugur. „Þetta er ótrúlega sterkt hjá þannig séð óreyndu þjálfarateymi. Þótt Rúnar Páll (Sigmundsson) hafi talsverða reynslu er þetta fyrsta tímabilið hans sem þjálfari í efstu deild. En hann og aðstoðarmenn hans hafa unnið stórkostlegt starf. Nú er bara spurning hvort þeir nái að klára þennan stóra leik.“ Stjarnan er þó langt frá því að vera með reynslulaust lið. Veigar Páll Gunnarsson var til að mynda í lykilhlutverki þegar KR varð Íslandsmeistari 2002 og 2003. Gunnlaugur segir að ekki megi vanmeta mikilvægi hans: „Stjarnan hefur Veigar Pál og hann kynntist því að vinna titla með KR. Hann einn gæti sett stórt strik í reikning FH-inga á laugardaginn.“ Gunnlaugur sagði jafnframt að Atli Guðnason væri maðurinn sem Stjarnan yrði að stoppa, en Atli fór á kostum gegn Val í síðustu umferð; skoraði þrennu og átti stoðsendingu, og það á afmælisdaginn sinn. „Atli Guðnason er klárlega maðurinn sem Stjarnan þarf að stoppa. En þeir eru með öflugt kantspil, vel samhæfða vörn og hafa Davíð Þór Viðarsson inni á miðjunni, en hann hefur spilað mjög vel í sumar. Það er þannig séð hvergi veikan hlekk að finna í FH-liðinu,“ sagði Gunnlaugur og bætti við: „Að sama skapi er Stjarnan með mjög sterkt lið þótt þeir sakni Michael Præst. Það kemur til með að reyna mikið á Þorra Geir Rúnarsson, ungan miðjumann Stjörnunnar, á sunnudaginn.“ Gunnlaugur segir að það sé spennandi að sjá hvernig þjálfarar liðanna ætli að leggja leikinn upp. Hann gerir þó ekki ráð fyrir að liðin taki mikla áhættu í byrjun leiks. „Það verður gaman að sjá hvernig þjálfarateymi Stjörnunnar kemur til með að skipuleggja liðið. Stjarnan hefur gert það áður í sumar að bakka aðeins aftar, þétta liðið og beita skyndisóknum, en þeir hafa mikinn hraða fram á við,“ sagði Gunnlaugur og hélt áfram: „Báðir þessir þjálfarar (Rúnar Páll og Heimir Guðjónsson, þjálfara FH) hafa unnið frábært starf í sumar. Heimir er reyndar hættur að koma manni á óvart - hann er orðinn það reyndur. Og ég veit að hann elskar þetta, að undirbúa lið fyrir svona stórleiki.“Stórkostlegur leikur Sagan endurtekur sig að einhverju leyti á laugardaginn, en Heimir var leikmaður KR árið 1996. Og líkt og með FH nú dugði KR jafntefli 1996 til að tryggja sér Íslandsmeistaratitilinn í fyrsta skipti síðan 1968. Skagamenn, sem höfðu orðið meistarar fjögur árin á undan, reyndust hins vegar sterkari á heimavelli og unnu 4-1 sigur með tveimur mörkum frá Bjarna Guðjónssyni og sitt hvoru markinu frá Ólafi Adolfssyni og Haraldi Ingólfssyni. Gunnlaugur segir leikinn ógleymanlegan: „Í minningunni var það stórkostlegur leikur. Það var troðfullur völlur og það hefðu verið fleiri áhorfendur ef Hvalfjarðargöngin hefðu verið komin. Það voru margir sem þurftu frá að hverfa í Reykjavík þaðan sem Akraborgin lagði úr höfn, Það leit ekkert sérstaklega út með veðrið. Það var þvílík rigning daganna á undan, en það stytti upp að morgni leikdags og það var frábært veður meðan leikurinn fór fram. Stemmningin á leiknum var líka frábær.“ Guðjón Þórðarson var þjálfari ÍA á þessum tíma og hann gerði nokkrar tilfærslur á sínu liði fyrir leikinn. „Guðjón kom dálítið á óvart með uppstillingunni,“ segir Gunnlaugur. „Ég var ekki fastamaður í liðinu þetta sumar, en hann stillti mér upp sem hægri bakverði og Steinari Adolfssyni sem vinstri bakverði og setti Sigursteinn Gíslason á miðjuna þar sem hann hafði ekki spilað í einhvern tíma. Og Sigursteinn naut sín mjög vel á þungum velli á móti þeirra akkeri á miðjunni, Heimi Guðjónssyni. Það gekk allt upp og þetta var stórkostlegur sigur.“Menn stóðu varla í lappirnar ÍA vann ekki Íslandsmeistaratitilinn aftur fyrr en fimm árum síðar, 2001, en Gunnlaugur segir að staðan hjá félaginu hafi verið önnur þá: „Árið 2001 var svolítið sérstakt á Akranesi. Væntingarnar voru litlar og liðinu var spáð 5.-6. sæti. Það voru litlir peningar til, sterkir leikmenn voru horfnir á braut og við vorum ekki með neinn erlendan leikmann. En yngri leikmenn voru teknir inn í liðið og stóðu sig frábærlega.“ ÍA kom flestum á óvart þetta sumar og var í toppbaráttu. Úrslitin réðust svo í lokaumferðinni þegar Skagamenn sóttu ÍBV heim, en öfugt við leikinn 1996 dugði ÍA jafntefli 2001 til að verða meistarar. „Ég man að við fórum deginum fyrir leikinn til Eyja í alveg skelfilegu veðri í Herjólfi,“ sagði Gunnlaugur um aðdraganda leiksins, en hann var fyrirliði ÍA á þessum tíma. „Við tókum æfingu fljótlega eftir að við komum og hún var skrautleg. Menn voru með riðuna og stóðu varla í lappirnar. Maður var ekkert alltof brattur og ég man að það var erfitt að fá gistingu. Við fengum þó inni á einhverju gistiheimili og sum rúmin þar voru mjög vafasöm,“ bætti Gunnlaugur við. ÍA byrjaði leikinn betur og komst fljótlega í 0-2. Tómas Ingi Tómasson, núverandi sérfræðingur Pepsi-markanna, jafnaði hins vegar leikinn með tveimur mörkum og Eyjamenn sóttu stíft undir lok leiksins. „Ég man að þeir settu inn á stóran framherja, Aleksander Ilic, og færðu miðvörðinn og fyrirliðann Hlyn Stefánsson fram og síðan dældu þeir bara háum boltum inn í vítateiginn. En við héldum þetta út og þetta var ótrúlegur sigur, einn sá óvæntasti í sögunni held ég,“ sagði Gunnlaugur að lokum.
Pepsi Max-deild karla Mest lesið „Ég er mögulega búinn að spila minn síðasta leik“ Íslenski boltinn Zirkzee hetjan í sínum fyrsta leik Enski boltinn Sjáðu þegar dómarinn vísaði ljósmyndara Víkings af velli Íslenski boltinn Cailtin Clark áritaði kornabarn Körfubolti „Við erum bikarmeistarar þannig það skiptir ekki máli“ Fótbolti „Það sjá allir hve mikilvægir varamenn eru“ Enski boltinn Dagskráin í dag: Fyrsti leikur Óskars Hrafns með KR Sport „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn Myndaveisla: Mjólkin flæddi þegar Valskonur fögnuðu bikartitlinum Íslenski boltinn Fleiri fréttir Sjáðu þegar dómarinn vísaði ljósmyndara Víkings af velli Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ Uppgjörið: Sanngjarnt þegar Valskonur tryggðu sér bikarinn Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Sjá meira