Töpuðu öllu sínu í annað sinn Jóhann Óli Eiðsson skrifar 28. desember 2015 16:39 Myndin sýnir Sigurð og Kristbjörgu í eldhúsinu í húsinu sem nú er brunnið. Til hægri má sjá brunarústirnar. „Foreldrar mínir eru orðnir nokkuð gamlir og þetta er gífurlegt áfall. Sérstaklega í ljósi þess að þetta er í annað sinn sem þau tapa öllu sínu,“ segir Mike Tomasson í samtali við Vísi en foreldrar hans, Sigurður Tómasson og Kristbjörg Þórarinsdóttir, töpuðu öllu sínu í eldsvoða í gær. Foreldrar Mike eru búsett í bænum Ipswich, skammt frá Brisbane, á austurströnd Ástralíu. Þar hafa þau búið í um aldarfjórðung. Áður bjuggu þau í Reykjavík og áttu um skeið hlut í stað sem kallaður var Ölkeldan. Þegar viðskiptafélagi þeirra vildi breyta til ákváðu þau að selja hlut sinn í staðnum og flytjast búferlum til Ástralíu. Þar bauðst Sigurði starf á veitingahúsi og elti fjölskyldan hann út. „Síðar komu þau á fót fyrirtæki sem fór á hausinn eftir að starfsmaður þess sveik fjármuni úr því og gerði það gjaldþrota,“ segir Mike. Faðir hans hafi alltaf verið afar gjafmildur og í raun svo gjafmildur að á köflum hafi það nánast verið vandamál fyrir fjölskylduna. „Ef hann þekkir einhvern fjárþurfi þá hleypur hann undir bagga óhikað.“ Konan, sem stal peningunum, kom til föður hans og tjáði honum að móðir sín væri mikið veik og þyrfti peninga fyrir aðgerð sem Sigurður lét hana hafa. Síðar meir kom í ljós að hún hafði verið að skjóta fé undan en það gerðist of seint. Þegar upp um það komst hafði konan flúið land og enginn veit hvar hún er niðurkomin nú. „Mamma og pabbi þurftu að selja húsið sitt til að eiga fyrir skuldum en það dugði ekki til og á endanum lýstu þau sig gjaldþrota,“ segir Mike. „Þau hafa allt sitt líf, og enn þann dag í dag, unnið baki brotnu til að eiga þak yfir höfuð sér. Loksins þegar þau eiga sitt eigið heimili þá brennur það til kaldra kola.“ Óvíst er hve mikið tryggingarnar koma til með að dekka af tjóninu sem fjölskyldan varð fyrir en það mun líklega lenda á Mike að eiga við tryggingafyrirtækið. Húsið hafi verið skráð á hans nafn vegna fjárhagslegrar stöðu foreldra hans. Þar til að önnur lausn finnst búa foreldrar hans heima hjá bróður hans. Sá er giftur íslenskri konu sem hann kynntist í Ástralíu. Mike býr hins vegar og starfar í Reykjavík sem kaffibarþjónn á Reykjavík Roasters. Hann hefur búið hér síðastliðin átta ár eða frá því hann var 24 ára. „Ég hugsa að ég fari út að hjálpa þeim og vera hjá þeim eins fljótt og ég get,“ segir Mike. Hann hefur opnað söfnunarreikning til styrktar Sigurði og Kristbjörgu en nú þegar hafa um 1.000 ástralskir dollarar, um hundrað þúsund krónur, safnast. Þeir sem vilja leggja fjölskyldunni lið geta smellt hér en að neðan má sjá umfjöllun ástralskrar sjónvarpsstöðvar um brunann. Mest lesið „Mikið af slæmum genum í landinu okkar“ Erlent Íbúakosning verður haldin í Hafnarfirði Innlent Svikahrappurinn bjó í íbúð hinnar látnu í níu ár Innlent Orðinn „kokhraustur kvenhatari“ og tækifærissinni Innlent Skutu niður eigin dróna yfir Úkraínu Erlent „Sölumaður dauðans“ aftur í vopnasölu Erlent Segir að verjast þurfi árásum á flugvöllinn með fullum hnefa Innlent Koma siglandi og sótt á hestvagni Innlent Fylgdu eftir ábendingum um aðkomu undirheimanna Innlent Dómur yfir Alberti kveðinn upp á fimmtudag Innlent Fleiri fréttir „Mikið af slæmum genum í landinu okkar“ Skutu niður eigin dróna yfir Úkraínu „Sölumaður dauðans“ aftur í vopnasölu Úr óveðri í kröftugasta fellibyl ársins á sólarhring Segjast hafa ráðist á rússneskt ríkisútvarp á afmælisdegi Pútín Deila Nóbelnum fyrir uppgötvun á miRNA Bein útsending: Hver fær Nóbelsverðlaunin í læknisfræði? Fjórtán ára ráðinn til að hefna fyrir morðið á fimmtán ára Eitt ár frá upphafi stríðsins á Gasa Íranskur herforingi sagður hafa látist í loftárásum Ísraela Lýsa nóttinni sem skelfilegri Minnkandi virðing fyrir heilbrigðisstarfsfólki á Gasa Ung kona látin eftir skotárás í Ísrael Huldukona í lykilhlutverki í lygilegu ráðabruggi um símboðana „Ein versta nóttin“ í Beirút frá upphafi átaka Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Sjá meira
„Foreldrar mínir eru orðnir nokkuð gamlir og þetta er gífurlegt áfall. Sérstaklega í ljósi þess að þetta er í annað sinn sem þau tapa öllu sínu,“ segir Mike Tomasson í samtali við Vísi en foreldrar hans, Sigurður Tómasson og Kristbjörg Þórarinsdóttir, töpuðu öllu sínu í eldsvoða í gær. Foreldrar Mike eru búsett í bænum Ipswich, skammt frá Brisbane, á austurströnd Ástralíu. Þar hafa þau búið í um aldarfjórðung. Áður bjuggu þau í Reykjavík og áttu um skeið hlut í stað sem kallaður var Ölkeldan. Þegar viðskiptafélagi þeirra vildi breyta til ákváðu þau að selja hlut sinn í staðnum og flytjast búferlum til Ástralíu. Þar bauðst Sigurði starf á veitingahúsi og elti fjölskyldan hann út. „Síðar komu þau á fót fyrirtæki sem fór á hausinn eftir að starfsmaður þess sveik fjármuni úr því og gerði það gjaldþrota,“ segir Mike. Faðir hans hafi alltaf verið afar gjafmildur og í raun svo gjafmildur að á köflum hafi það nánast verið vandamál fyrir fjölskylduna. „Ef hann þekkir einhvern fjárþurfi þá hleypur hann undir bagga óhikað.“ Konan, sem stal peningunum, kom til föður hans og tjáði honum að móðir sín væri mikið veik og þyrfti peninga fyrir aðgerð sem Sigurður lét hana hafa. Síðar meir kom í ljós að hún hafði verið að skjóta fé undan en það gerðist of seint. Þegar upp um það komst hafði konan flúið land og enginn veit hvar hún er niðurkomin nú. „Mamma og pabbi þurftu að selja húsið sitt til að eiga fyrir skuldum en það dugði ekki til og á endanum lýstu þau sig gjaldþrota,“ segir Mike. „Þau hafa allt sitt líf, og enn þann dag í dag, unnið baki brotnu til að eiga þak yfir höfuð sér. Loksins þegar þau eiga sitt eigið heimili þá brennur það til kaldra kola.“ Óvíst er hve mikið tryggingarnar koma til með að dekka af tjóninu sem fjölskyldan varð fyrir en það mun líklega lenda á Mike að eiga við tryggingafyrirtækið. Húsið hafi verið skráð á hans nafn vegna fjárhagslegrar stöðu foreldra hans. Þar til að önnur lausn finnst búa foreldrar hans heima hjá bróður hans. Sá er giftur íslenskri konu sem hann kynntist í Ástralíu. Mike býr hins vegar og starfar í Reykjavík sem kaffibarþjónn á Reykjavík Roasters. Hann hefur búið hér síðastliðin átta ár eða frá því hann var 24 ára. „Ég hugsa að ég fari út að hjálpa þeim og vera hjá þeim eins fljótt og ég get,“ segir Mike. Hann hefur opnað söfnunarreikning til styrktar Sigurði og Kristbjörgu en nú þegar hafa um 1.000 ástralskir dollarar, um hundrað þúsund krónur, safnast. Þeir sem vilja leggja fjölskyldunni lið geta smellt hér en að neðan má sjá umfjöllun ástralskrar sjónvarpsstöðvar um brunann.
Mest lesið „Mikið af slæmum genum í landinu okkar“ Erlent Íbúakosning verður haldin í Hafnarfirði Innlent Svikahrappurinn bjó í íbúð hinnar látnu í níu ár Innlent Orðinn „kokhraustur kvenhatari“ og tækifærissinni Innlent Skutu niður eigin dróna yfir Úkraínu Erlent „Sölumaður dauðans“ aftur í vopnasölu Erlent Segir að verjast þurfi árásum á flugvöllinn með fullum hnefa Innlent Koma siglandi og sótt á hestvagni Innlent Fylgdu eftir ábendingum um aðkomu undirheimanna Innlent Dómur yfir Alberti kveðinn upp á fimmtudag Innlent Fleiri fréttir „Mikið af slæmum genum í landinu okkar“ Skutu niður eigin dróna yfir Úkraínu „Sölumaður dauðans“ aftur í vopnasölu Úr óveðri í kröftugasta fellibyl ársins á sólarhring Segjast hafa ráðist á rússneskt ríkisútvarp á afmælisdegi Pútín Deila Nóbelnum fyrir uppgötvun á miRNA Bein útsending: Hver fær Nóbelsverðlaunin í læknisfræði? Fjórtán ára ráðinn til að hefna fyrir morðið á fimmtán ára Eitt ár frá upphafi stríðsins á Gasa Íranskur herforingi sagður hafa látist í loftárásum Ísraela Lýsa nóttinni sem skelfilegri Minnkandi virðing fyrir heilbrigðisstarfsfólki á Gasa Ung kona látin eftir skotárás í Ísrael Huldukona í lykilhlutverki í lygilegu ráðabruggi um símboðana „Ein versta nóttin“ í Beirút frá upphafi átaka Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Sjá meira