Miðasala á tónleika Alt J er hafin

Miðasala á tónleika bresku hljómsveitarinnar Alt-J í Vodafone-höllinni er hafin á midi.is. Tónleikarnir munu fara fram þann 2. júní næstkomandi.

Sveitin er án vafa ein sú heitasta í dag. Frumburður hennar, An Awesome Wave, kom út árið 2012 og hlaut hin virtu Mercury verðlaun. Önnur platan, This Is All Yours, kom út í fyrra og fór beint á toppinn í Bretlandi og víðar um heiminn.

Sveitin er nú á tónleikaferð um heiminn til að fylgja eftir útgáfu This Is All Yours en á sumum stöðum hefur eftirspurnin eftir miðum verið slík að þurft hefur að breyta um tónleikastað.