Kimi Raikkonen hefur færri stig en liðsfélagi sinn hjá Ferrari, Sebastian Vettel. Ekki vegna þess að Finninn er hægari heldur vegna þess að Vettel gerir nánast aldrei mistök, samkvæmt tæknistjóra liðsins James Allison.
Framtíð Finnans hefur verið til skoðunar í fjölmiðlum undanfarið, aðallega vegna þess að hann er 59 stigum á eftir Vettel.
Vettel hefur náð sex sinnum á verðlaunapall en Raikkonen aðeins einu sinni síðan þeir urðu liðsfélagar.
Hraðinn sjálfur er ekki vandamálið, fjöldi mistaka er aðal atriðið, sérstaklega mistök í tímatökum, samkvæmt Allison.
„Stundum er Kimi fljótari, í önnur skipti er Seb fljótari. Við höfum einungis séð einu sinni í ár, í Barein að hann (Vettel) getur gert mistök,“ segir Allison.
„Stundum eru það minnstu mistökin sem skemma heilu helgina, hraðinn er þarna ennþá. Kimi veit það líka alveg,“ sagði Allison að lokum.
Orðrómur er á kreiki um að það verði einn Finni fyrir annan, að Raikkonen verði skipt út fyrir Valtteri Bottas á næsta ári. Enn hefur orðrómurinn ekki fengist staðfestur.
Allison: Raikkonen jafn fljótur og Vettel

Tengdar fréttir

Ricciardo útilokar ekki að fara til Ferrari
Hver ekur fyrir Ferrari á næsta ári? Sú spurning brennur á allra vörum. Nú hefur Daniel Ricciardo viðurkennt áhuga á sæti Kimi Raikkonen.

21 kappakstur á næsta ári
Met verður slegið á næsta tímabili í Formúlu 1. 21 kappakstur verður ef áætlanir FIA, alþjóða akstursíþróttasambandsins ganga eftir.

Montezemolo: Bianchi átti að taka sæti Raikkonen
Jules Bianchi átti framtíð fyrir sér hjá Ferrari þegar samningur Kimi Raikkonen myndi renna sitt skeið á enda samkvæmt fyrrum forseta Ferrari, Luca di Montezemolo.

Arrivabene: Bottas meðal margra sem hafa haft samband
Liðsstjóri Ferrari, Maurizio Arrivabene segir marga ökumenn hafa haft samband við sig með það fyrir augum að aka fyrir Ferrari í náinni framtíð.

Bottas: Erfitt að vinna titla með Williams-liðinu
Valtteri Bottas segir ekki ómögulegt að verða heimsmeistari með Williams liðinu. Hann telur það þó afar erfitt.