Ætlar að heilla Kínverja upp úr skónum Guðrún Ansnes skrifar 23. september 2015 09:00 Ýr fyrir utan heimili sitt í Kína. "Draumurinn er að mynda framtíðar viðskiptatengsl svo að ég hafi afsökun til þess að koma hingað árlega." „Ég pakkaði efnunum mínum niður í tvær töskur og tók svo bara saumavélina í handfarangri,“ segir fatahönnuðurinn Ýr Þrastardóttir, sem datt í sannkallaðan lukkupott þegar henni bauðst nokkuð óvænt að dvelja í borginni Xiamen í Kína, og hanna þar undir merki sínu Another Creation. Hún er fyrsti fatahönnuðurinn sem er boðið að dvelja í listamannaíbúð „art residence“, en hingað til hefur aðeins myndlistarmönnum og rithöfundum verið boðið. „Upphafið að þessu ævintýri varð í vor þegar kærastinn minn bauð mér með sér hingað í vinnuferð. Ég var nýbúin að halda stóra sýningu í Hörpunni og leit á þetta sem frábært tækifæri til þess að skoða framleiðslumöguleika svo ég tók með mér slatta af prótótýpum úr sýningunni og lét sauma fyrir mig endurgerðir sem heppnuðust frábærlega.“ Þó svo tíminn hafi verið ansi knappur, og Ýri hafi ekki tekist að láta framleiða línuna sína, hljóp sannarlega á snærið hjá henni, því í þessari ferð kynntist hún Inke Guðmundsson, sem er framkvæmdastjóri Chinese- European Art Center. „Hún varð svo hrifin af athafnaseminni í mér og bauð mér að koma og vera listamaður hjá sér og halda sýningu í galleríinu sínu,“ útskýrir Ýr og skýtur því að, að eðlilega hafi hún ekki vílað fyrir sér að bregða sér aftur hálfa leið yfir jarðarkringluna og dvelja næstu fjóra mánuðina í Xiamen. Segir Ýr Kínverja afar hrifna af evrópskri hönnun, og ekki skemmi fyrir henni að vera frá Íslandi í því samhengi. „Frá því ég kom hefur mér tekist að mynda tengsl við ótrúlega flotta hönnuði hérna og það er skemmtileg tilviljun að fyrir tæpum mánuði var opnuð formlega fyrsta „collage“-hönnunarbúðin hérna, Arkipelago, með tíu ungum hönnuðum í Xiamen og er listagallerí á efstu hæðinni. Þetta er ekki ólíkt því sem ég tók sjálf þátt í á Íslandi þegar við tókum okkur saman nokkrir hönnuðir og opnuðum Kiosk, nema þetta er tíu sinnum stærra,“ segir Ýr og bætir við létt í lundu: „eins og reyndar allt í Kína.“En allt kostar peninga, líka í Kína, svo okkar kona hefur hafið söfnun á Karolinafund, þar sem hún vonast til að geta gert enn meira úr þessu ferðalagi, sem hún upplifir að megninu til sem lærdómsferð. „Ég vonast til að áhugamenn um listamenn og frumkvöðlastarf sjái sér fært að styrkja mig í þessu verkefni. Reyndar koma saumavélin og efnin mér ansi langt og ég er alls ekki frá því að ég muni halda hér stórkostlega sýningu sem verður undir sterkum asískum áhrifum, einhvers konar blöndu þess evrópska og asíska, hvernig sem allt fer. Ég ætla að heilla Kínverja upp úr skónum,“ segir Ýr himinlifandi að lokum. Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Fundu ástina á ný eftir skilnað Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
„Ég pakkaði efnunum mínum niður í tvær töskur og tók svo bara saumavélina í handfarangri,“ segir fatahönnuðurinn Ýr Þrastardóttir, sem datt í sannkallaðan lukkupott þegar henni bauðst nokkuð óvænt að dvelja í borginni Xiamen í Kína, og hanna þar undir merki sínu Another Creation. Hún er fyrsti fatahönnuðurinn sem er boðið að dvelja í listamannaíbúð „art residence“, en hingað til hefur aðeins myndlistarmönnum og rithöfundum verið boðið. „Upphafið að þessu ævintýri varð í vor þegar kærastinn minn bauð mér með sér hingað í vinnuferð. Ég var nýbúin að halda stóra sýningu í Hörpunni og leit á þetta sem frábært tækifæri til þess að skoða framleiðslumöguleika svo ég tók með mér slatta af prótótýpum úr sýningunni og lét sauma fyrir mig endurgerðir sem heppnuðust frábærlega.“ Þó svo tíminn hafi verið ansi knappur, og Ýri hafi ekki tekist að láta framleiða línuna sína, hljóp sannarlega á snærið hjá henni, því í þessari ferð kynntist hún Inke Guðmundsson, sem er framkvæmdastjóri Chinese- European Art Center. „Hún varð svo hrifin af athafnaseminni í mér og bauð mér að koma og vera listamaður hjá sér og halda sýningu í galleríinu sínu,“ útskýrir Ýr og skýtur því að, að eðlilega hafi hún ekki vílað fyrir sér að bregða sér aftur hálfa leið yfir jarðarkringluna og dvelja næstu fjóra mánuðina í Xiamen. Segir Ýr Kínverja afar hrifna af evrópskri hönnun, og ekki skemmi fyrir henni að vera frá Íslandi í því samhengi. „Frá því ég kom hefur mér tekist að mynda tengsl við ótrúlega flotta hönnuði hérna og það er skemmtileg tilviljun að fyrir tæpum mánuði var opnuð formlega fyrsta „collage“-hönnunarbúðin hérna, Arkipelago, með tíu ungum hönnuðum í Xiamen og er listagallerí á efstu hæðinni. Þetta er ekki ólíkt því sem ég tók sjálf þátt í á Íslandi þegar við tókum okkur saman nokkrir hönnuðir og opnuðum Kiosk, nema þetta er tíu sinnum stærra,“ segir Ýr og bætir við létt í lundu: „eins og reyndar allt í Kína.“En allt kostar peninga, líka í Kína, svo okkar kona hefur hafið söfnun á Karolinafund, þar sem hún vonast til að geta gert enn meira úr þessu ferðalagi, sem hún upplifir að megninu til sem lærdómsferð. „Ég vonast til að áhugamenn um listamenn og frumkvöðlastarf sjái sér fært að styrkja mig í þessu verkefni. Reyndar koma saumavélin og efnin mér ansi langt og ég er alls ekki frá því að ég muni halda hér stórkostlega sýningu sem verður undir sterkum asískum áhrifum, einhvers konar blöndu þess evrópska og asíska, hvernig sem allt fer. Ég ætla að heilla Kínverja upp úr skónum,“ segir Ýr himinlifandi að lokum.
Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Fundu ástina á ný eftir skilnað Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira