Vísir fylgdist með atburðarrásinni í beinni sjónvarpsútsendingu í morgun og fékk Kjartan Atli Kjartansson þau Berglindi Pétursdóttur og Mikael Torfason í settið til að ræða síðustu viku og þennan gjörning.
„Ég held að Fríða Björk ætti að drífa sig núna, taka leigubíl niður í Listaháskóla, og útskrifa hann,“ sagði Mikael Torfason í morgun.
„Þetta er bara búið, hvað á þessi maður að gera þarna í tvö og hálft ár í viðbót. Ég held að Guðmundur Oddur, með fullri virðingu, geti ekki kennt honum neitt eftir þetta.“
Berglind var sammála Mikka.
„Hann er búinn að vera í skólanum í tvo mánuði, þetta er bara sturlun.“
Sjá einnig: Sjáðu lýsingu Gumma Ben í heild sinni: „Hann er orðinn kassavanur“
Útsendingin í heild sinni
„Það er ekki hægt að læra að vera myndlistamaður, þú getur kannski lært ýmsa tækni, en annars ertu bara að safna reynslu. Það er ekkert hægt að kenna að vera myndlistamaður. Það skiptir engu máli hvað þú klínir mörgum gráðum á Almar, hann er núna orðinn myndlistamaður.“
„Hann er bara okkar Kim Kardashian, hann er búinn að brjóta internetið,“ sagði Berglind.
Knattspyrnulýsandinn Gummi Ben lýsti því síðan þegar Almar fór út úr kassanum og gerði það eins og honum einum er lagið. Ríkarð Óskar Guðnason, var síðan staddur í Listaháskólanum og reyndi að fá viðtal við Almar þegar hann kom út úr kassanum.
Almar var ekki á því að koma í viðtal og bauð Rikka G bara malt og appelsín. Rikki skellti sér inn í kassann sjálfan í lok útsendingarinnar.
Hér að neðan má sjá lýsingu Gumma Ben í heild sinni en í miðri fréttinni er útsendingin í heild sinni.
